සිල් රෙදි බෙදාදීම සඳහා නියෝග ලබාදුන්නේ තමා යැයි හිටපු ජනාධිපතිවරයා පිළිගෙන ඇති බැවින් ඔහුට විරුද්ධව නැවත නඩු පැවරිය හැකි බව සම කැබිනට් ප්‍රකාශක ඇමති රාජිත සේනාරත්න මහතා කීවේය.
“එතුමට මේ ප්‍රකාශය කරන්න තිබුණේ කලින්. දැන් වීරයා වගේ කතාකරනවා. නඩු තීන්දුව දීලා ඒ මිනිස්සු හිරේ ගියාට පස්සේ කතා කරලා වැඩක් නැහැ. මේක වැරැද්දක්. වැරුද්ද දැන් ඔප්පු වෙලා තියෙනවා. එහෙමනම් මේ වැරැද්ද කරලා තියෙන්නේ එයා. මේ නඩුව දවස් 24 ක් විභාග වුණා. ඒ දවස් 24 න් එක දවසක අධිකරණයට ඇවිත් මහින්ද මහත්තයට මේ කරුණු කියන්න තිබුණා. එහෙම කළේ නැහැ.  දඬුවම් දෙනකම් ඉදලා වැලිකඩට ගිහින් එනගමන් කියන එක එයාගේ වීරත්වය.
මේ නියෝගය දුන්නේ මහින්ද මහත්තයා කියලා ඔහු බාරගන්නවානම් මේප්‍රකාශය උඩ තව පුද්ගලයෙකුට අධිකරණයට යන්න පුළුවන්.
චන්ද්‍රිකා කුමාරතුංග මහත්මියට විරුද්ධව වෝටර්ස් එජ් නඩුවේදී පැහැදිලිව එතුමියට එරෙහිව අධිකරණය තීන්දුවක් දුන්නා.
අද පැවැති කැබිනට් තීරණ දැනුම්දීමේ මාධ්‍ය හමුවේදී අමාත්‍යවරයා මේබව කීය.
044