(අජිත්ලාල් ශාන්තඋදය)
වඳවීයාමේ තර්ජනයට ලක්ව ඇති රන් දොතලු පැළ 60 ක් ගලවා ළඟ තබාගෙන සිටි පුද්ගලයෙක් වරද පිළිගැනීමෙන් පසු රුපියල් 10,000 දඩයක් ගෙවන ලෙස රත්නපුර අතිරේක මහේස්ත්රාත් ඩි.ඩී.එස්. වීරවර්ධන මහතා අද (18) නියෝග කළේය.
මෙසේ දඩ නියම වුයේ ගිලීමලේ, කැටවල පදිංචිකරුවකුටය. සමනල ස්වභාව රක්ෂිතයට යාබද සිරිපා අඩවියේ මොරන්ගල, කන්දෙගල කැලෑවෙන් ගලවා ගෙනවිත් තිබූ රන් දෝතලු පැළ 60ක් සැකකරු සන්තකයේ තබාගෙන තිබේ.
සැකකරු අධිකරණයට ඉදිරිපත් කළ සමනල ස්වභාව රක්ෂිතයේ අඩවි ආරක්ෂක ඩී.පී. සියාසිංහ මහතා පැවසුවේ මෙම රන් දෝතලු ශ්රීලංකාවට ආවේනික වඳවී යාමේ තර්ජනයට මුහුණ දී ඇති ශාකයක් බවයි.
සැකකරු සිරිපා අඩවියේ මොරන්ගල, කන්දෙගල කැලෑවට ගොස් මෙම රන් දෝතලු ගස්වල පැළ ගලවා සිය නිවසට ගෙනවිත් මුහුණු පොතේ ඒ විස්තර ඇතුළත් කර තිබියදී කළ විමර්ශනයකින් පසුව අත්අඩංගුවට ගත් බවද කීවේය.
මෙම රන් දෝතලු මිනිස් වාසයේ ඈත සීත පරිසරයක් සහිත දේශගුණයක පැළවෙන බවත්, ඒවායේ පරිසරය වෙනස් කළහොත් පැල නොවන බවත් එය වනසත්ව හා වෘක්ෂලතා ආඥා පනතට අදාලව වරදක් බවද කීවේය.
‘ශ්රීපාද අඩවියට පමණක් ආවේනික ඉතා දුර්ලභ රත් දෝතලු සොයා ගිය ඉතාමත් දුෂ්කර ගමනක, අතිසාර්ථක ගමනක ප්රීතිමත් අවසානය...’ යනුවෙන් සටහන් කර ඡායාරූපද සමග සැකකරුගේ ෆේස්බුක් ගිණුමේ පළකර තිබු බවද පැමිණිල්ල ඉදිරිපත් කළ වනජීවී අඩවිආරක්ෂක නිලධාරියා පැහැදිලි කළේය.
එම ෆේස්බුස් සටහන සම්බන්ධයෙන් ලද තොරතුරක් අනුව කළ විමර්ශනයකින් පසු සැකකරු සහ ඔහු විසින් ගලවන ලද රන් දෝතලු පැළ 60 ක් අත්අඩංගුවට ගත් බවද කීවේය.
වරද පිළිගත් විත්තකරුගේ නීතීඥවරයා පැවසුවේ ඔහු මේවා පැලකර විහාරස්ථානවලට ලබාදිමේ අරමුණ ඇතිව ගෙන ආ බවයි.
දෙපාර්ශවයේ කරුණු දැක්වීම්වලට අවදානය යොමුකළ අතිරේක මහේස්ත්රාත්වරයා විත්තිකරුට රුපියල් දස දහසක දඩයක් නියම කළේය.
කල්පිටියේ දූපත් පහක් බද්දට ගත් ආයෝජකයන් පස්දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම හැර ඇතැයි ජාතික විගණන කාර්යාලය
ලෝකයේ අති නවීනම තාක්ෂණය සහිත අඹේවෙල කිරි ගොවිපොළ සමූහයේ සංවර්ධන කටයුතු පිළිබඳ සොයා බැලීමට ජනාධිපති රනිල් වික්රමසිංහ මහතා අද (20) පෙරවරුවේ එහි නිරීක්ෂ
ඉදිකිරීම් ක්ෂේත්රයේ භාණ්ඩ සඳහා මිල සූත්රයක් හඳුන්වාදීමට වෙළඳ අමාත්යාංශය තීරණය කර ඇත
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිරිපා අඩවියේ රන් දොතලු ගලවා දඩ කයි
kamal Wednesday, 20 January 2021 02:05 AM
මේක විහාරස්ථාන වලට දෙන්න හිතාගෙන කරපු නිසා මෙයාව නිදහස් කරයි. මතකද සිල්රෙදි බෙදුවා. උපාසක මහත්තයෙක් වත් නිදහස් කළා.
Jay Wednesday, 20 January 2021 04:16 AM
පැල ගලවපු කෙනාට දහ දාහයි, පොල් ගෙඩියක් හොරකම් කරපු කෙනාට ලක්ෂයක ශරීර ඇප. මොන කාලෙ නීතිද මන්දා...?
කොටියා Wednesday, 20 January 2021 05:17 AM
බුදු අම්මෝ රු 100000. කොහොම ගෙවන්නද ඔය මනුස්සයා?. ඔච්චර දඩ ගහන්න හොඳ නෑ. ඊට පස්සේ මිනිස්සු ඔය වගේ ලොකු දඩ ගෙවා ගන්න බැරිව හිරේ යනවා අවුරුදු ගාණකට. හිර ගෙදර ඉඩත් නෑ මේ වගේ ලොකු ලොකු දඩ ගෙවා ගන්න බැරි මිනිස්සු එකතු වුණාම. පැළ 60ට රුපියල් 60ක් ගැහුවා නම් වැඩිත් එක්ක...