(ජයන්ත සමරකෝන්)
 
සෑම වසරකදීම කළු ජූලිය සැමරීමට ශ්‍රී  ලංකා නිදහස් පක්ෂය තීරණය කර ඇත.
 
එහි ප්‍රථම සැමරුම ජනාධිපතිවරයාගේ උපදෙස් පරිදි ජූලි 27 වැනි දින පස්වරු 3.00ට ශ්‍රී ලංකා පදනම් ආයතනයේදී පැවැත්වේ.
 
මේ සඳහා සියලුම දේශපාලන පක්ෂවලට ආරාධනා කරන බවද, ශ්‍රී ලංකා නිදහස් පක්ෂ මහලේකම් පාර්ලිමේන්තු මන්ත්‍රී දයාසිරි ජයසේකර මහතා පැවසීය.
 
එවන් ඛේදවාචකයක් ඉදිරියේදී ඇති නොවීම සඳහා ගතයුතු ක්‍රියාමාර්ග පිළිබඳව මෙහිදී විද්වතුන්ගේ දේශන කිහිපයක්ද පැවැත්වෙන අතර, ජාතිවාදය පිටුදැකීම සහ ජාතීන් අතර සුහදතාව පවත්වාගෙන යාමේ අගය විමසුමට ලක්කිරීමටද නියමිතය.