(ඩී.කේ.රත්න)

සෑම කෙනෙකුම ජයග්‍රහණය කරවන සංවර්ධන වැඩපිළිවෙළක් දියත් කරන බව එක්සත් ජාතික පක්ෂයේ නියෝජ්‍ය නායක නිවාස හා ඉදිකිරීම් අමාත්‍ය සජිත් ප්‍රේමදාස මහතා පැවසීය. 
 
දේශීය ව්‍යාපාරිකයින් ශක්තිමත් කර ඉල්ලකගත ක්‍රමවේදයක් තුළින් රට දියුණු කරන බව ද ඔහු කීවේය.
 
ජාතික ආරක්ෂාව යටතේ හමුදාමය ආරක්ෂාව, අර්ථික ආර්ෂාව, දේශපාලන අරක්ෂාව යන සියලු අංශවල ආරක්ෂාව තහවුරු කරන බවත්, රණිවිරු අභිමානය සුරකින ආරක්ෂක වැඩපිළිවෙළක් ක්‍රියාත්මක කරන බවත් ප්‍රේමදාස මහතා පැවසීය. 
 
ඔහු මේ බව පැවසුවේ බදුල්ල විල්ස් උද්‍යානයේදී  දැන් පැවැත්වෙන රැලියක් අමතමනි. ප්‍රේමදාස මහතා පිළිගැනීම සඳහා එම රැලිය සංවිධානය කර තිබිණි.

‘‘ත්‍රස්තවාදයට අපේ රටේ ඉඩක් නෑ. අපි ත්‍රස්තවාදය වලක්වන්නේ නෑ. අපි අනිවර්යෙන්ම ත්‍රස්තවාදීන් සහ ත්‍රස්තවාදය විනාශ කරනවා. ත්‍රස්තවාදය, අන්තවාදය නිර්මාණය වෙන්නේ කොහොමද? ඒවා නිර්මාණය කරන කුමන්ත්‍රණකාරයො කවුද කියා සොයා බලන්න ඕනා. බුදුන් වහන්සේ දේශනා කළේ ‘සියලු සත්වයෝ නිදුක් වෙත්වා‘ කියලයි. රජයක වගකීම වන්නේ ජාති, ආගම්, කුල බේද නැතිව සියලු දෙනා වෙනුවෙන් කටයුතු කිරීමයි. අන්න ඒකයි බුදුන් වහන්සේ දේශනා කළෙත්. ‘‘

රට සීඝ්‍ර ගමනක් කරා දියත් කිරීමට නම් එය කළ හැක්කේ ගජ මිතුරු කල්ලියකට නොව දක්ෂ පළපුරුදු උගත් හැකියාවක් තිබෙන නව නිපයුම් තුළින් රට  දියණුවකට ලක් කළ හැකි සුදුස්සාට සුදුසුතැන ලබා දෙන පිරිසකට පමණක් බව  ද ප්‍රේමදාස මහතා සඳහන් කළේය.

‘‘මට අවුරුදු 52යි. මම මැරෙන්න බය නෑ. මම ජනතාව අතරයි ඉන්නේ. මම ජනතාව අතරින්ම තමයි නොවැම්බර් මාසේ යන්න ඕන තැනට යන්නේ. ‘‘ යැයි ද ප්‍රේමදාස මහතා කීවේය.

ඡායාරූප - ප්‍රසාද් රුක්මල්

ඡායාරූප - ප්‍රසන්න පද්මසිරි