(කවිතා සුබසිංහ) 
 
කැලණිය විශ්වවිද්‍යාලයේ සිසුවියකට පිහියකින් ඇන ඝාතනයට තැත්කිරීම සම්බන්ධයෙන් රක්ෂිත බන්ධනාගාර ගත කර සිට අධිකරණයට ඉදිරිපත් කළ සැකකරු ඇප මත මුදාහැරීමට මහර ප්‍රධාන මහේස්ත්‍රාත් හේශාන්ත ද මැල් මහතා  අද(18) නියම කළේය.
 
ඒ අනුව සැකකරු රුපියල් 4,500 ක මුදල් ඇපයක් හා රුපියල් 25,000 ක ශරීර ඇප දෙකක් මත මුදාහැරීමට මහේස්ත්‍රාත්වරයා නියම කළේය.

මෙලෙස ඇප මත මුදා හැරුණේ ධනුෂ්ක විකුම් කුමාර නමැත්තෙකි.

ඉකුත් 13 වැනිදා උදෑසන කැලණිය විශ්වවිද්‍යාල භූමියේදී එම විශ්වවිද්‍යාලයේ පළමු වසරේ ශිෂ්‍යාවකට පිහියෙන් ඇණ අත කපා ඝාතනයට තැන් කිරීම සම්බන්ධයෙන් අත්අඩංගුවට ගත් සැකකරු පසුගිය14 වැනි දා අධිකරණය වෙත ඉදිරිපත් කිරීමෙන් අනතුරුව අද දක්වා බන්ධනාගාර ගත කර තිබිණ.
 
කිරිබත්ගොඩ පොලිසියේ පොලිස් පරීක්ෂක සඳනුවන් මහතා ඇතුළු නිලධාරීන් සැකකරු අත්අඩංගුවට ගෙන අධිකරණයට ඉදිරිපත් කර තිබූ අතර පොලිස් සැරයන් (27909) අරුණ කුමාර හා කොස්තාපල් (90521) ගුණසිංහ යන නිලධාරීන් විසින් පැමිණිල්ල මෙහෙයවන ලදී.