(මුදිතා දයානන්ද ඡායාරූප-ශාන්ත රත්නායක))

වෘත්තිකයන්ගේ ජාතික සභාවේ මැදිහත්වීමෙන් සයිටම් අර්බුදයට විසඳුම් සෙවීමේ මහජන කොමිෂන් සභාව පිහිටුවීම අද (12) බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේදි සිදුකෙරිණි.

සාමාජිකයන් හය දෙනකුගෙන් යුත් මෙම කොමිෂන් සභාවේ සභාපතිත්වය කැළණිය විශ්ව විද්‍යාලයේ මහාචාර්ය ක‍්‍රිෂාන්ත අබේසේන මහතා දරන අතර ලේකම්වරයා ලෙස විශේෂඥ වෛද්‍ය සාරද කන්නන්ගර මහතා කටයුතු කරනු ඇත.

ඔක්තෝබර් 16 වැනිදා සිට දින 28ක කාලයක් කොමිසම ක‍්‍රියාත්මක වන අතර නොවැම්බර් 19 වැනිදා එහි වාර්තාව ඉදිරිපත් කිරිමට බලාපොරොත්තු වන බව කොමිසමේ සභාපති ක‍්‍රිෂාන්ත අබේසේන මහතා පැවසීය.

සයිටම් ආයතනයේ ආරම්භය, ඉතිහාසය සහ එහි කළමණාකාරිත්වය, වෛද්‍ය අධ්‍යාපනයේ ප‍්‍රමිතිය හා නියාමනය සඳහා වු නීති රාමුව,සයිටම් අර්බුදය නිසා වෛද්‍ය අධ්‍යාපනය සහ වෛද්‍ය ක්ෂේත‍්‍රයේ හටගෙන ඇති වත්මන් තත්ත්වය මෙහිදී විමර්ශනයට ලක්වනු ඇති අතර මෙය සාර්ථක කරගැනීම සඳහා දේශපාලඥයින්, රාජ්‍ය නිලධාරීන්, නීතිපති දෙපාර්තමේන්තුව, ශිෂ්‍ය ව්‍යාපාර, වෘත්තිය සමිති හා බහුජන සංවිධාන, සයිටම් හා රාජ්‍ය වෛද්‍ය පීඨ ශිෂ්‍යයින්ගේ දෙමාපියන්ගේ දායකත්වය ලබාගැනිමට කොමිසම බලාපොරොත්තු වේ.