තිළිණි ද සිල්වා  
 
ශ්‍රී ලංකාවේ උතුරු නැගෙනහිර දෙමළ ජනතාව වෙනුවෙන් ජනමත විචාරණයක් ලබාගැනීම සඳහා හිටපු එල්.ටී.ටී.ඊ නායකයකු වන රුද්‍රකුමරන් ගේ නායකත්වයෙන් යුතු ටී.ජී.ටී.ඊ. හෙවත් දෙමළ ඊළාම් සංක‍්‍රාන්ති රජය    කැනඩාවේදී  වැඩසටහනක් දියත් කරනු ලැබ ඇතැයි තානාපති ආරංචි මාර්ග සඳහන් කර සිටී.
 
තමන්ට අවශ්‍ය  එක්සත් රාජ්‍යයක්ද , ෆෙඩරල් රාජ්‍යයක්ද, සමූහාණ්ඩුවක්ද නැතිනම් වෙනම රාජ්‍යයක්ද යන්න පිළිබඳව විමසීම මෙම ජනමත විචාරණ වැඩසටහනේ අරමුණ වන බව දෙමළ ඊළාම් සංක‍්‍රාන්ති රජයේ නියෝජිතයන් ප‍්‍රකාශ කර ඇතැයි සඳහන් වේ.
 
මෙම වැඩසටහන සඳහා එක්සත් ජාතීන්ගේ සංවිධානයේ හිටපු නියෝජ්‍ය මහ ලේකම්වරයෙකු වූ නෙදර්ලන්ත කැබිනට් අමාත්‍ය ඇඞ් මෙල්කර්ට් ද එක්ව ඇති බවද  බවද වාර්තා වේ.
 
කැනඩාවේ  සිට  දියත් කළ මෙම වැඩසටහනින් අනතුරුව ලොව පුරා සිටින එල්.ටී.ටී.ඊ හිතවාදී දෙමළ ඩයස්පෝරාව ඊට අදාළ ක‍්‍රියාකාරකම් රැසක් සංවිධාන කර ඇති බවද  ටී.ජී.ටී.ඊ. සංවිධානය සඳහන් කියා සිටී. ලාංකීය දෙමළ ජනතාව සිය දේශපාලන අනාගතය ජනමත විචාරණයකින් තීරණය කළ යුතු බවත්, එම ප‍්‍රතිඵලය තමන් පිළිගන්නා බවත්, ටී.ජී.ටී.ඊ. සංවිධානය සංවිධානයේ ප‍්‍රධානියා වන රුද්‍රකුමරන් ප‍්‍රකාශ කර තිබේ. 
 
එමෙන්ම එවැනි ජනමත විචාරණ තුළින් ලොව පුරා අරගල රැසක් නිමාවට පත් කිරීමට හැකි වූ බවට ටී.ජී.ටී.ඊ. සංවිධානය ඉදිරිපත් කර ඇති උදාහරණවලට වෙනම රාජ්‍යයන් බිහි කළ දකුණු සුඩාන සහ නැගෙනහිර ටිමෝර ජනමත විචාරණ ද ඇතුළත් වන රුද්‍රකුමරන් ප‍්‍රකාශ කර සිටී.