(ලසන්ත නිරෝෂණ පෙරේරා )
රත්නපුර  නියෝජ්‍ය  කම්කරු කොමසාරිස් කාර්යාලය අව්ස්සාවේල්ල නගරයට  ගෙන යෑමට  විරෝධය පළකරමින් වතු කම්කරුවන් සහ වෘත්තීය සමිති නියෝජිතයින්  ඇතුළු   දහසකට ආසන්න පිරිසක් දෙවැනි දිනයටත් අද (17)  රත්නපුර නගරයේ උද්ඝෝෂණය කළ අතර පොලිසිය සහ උද්ඝෝෂකයින් අතර උණුසුම් තත්ත්වයක් ද ඇති විය.
 
රත්නපුර   නගරයේ සිට  කොළඹ බදුල්ල ප්‍රධාන මාර්ගයේ රත්නපුර බන්ඩාරනායක පාරේ පිහිටි දිස්ත්‍රික් කම්කරු කාර්යාලය දක්වා විරෝධතා පාගමනකින් පැමිණි පිරිස කම්කරු කාර්යාලය ඉදිරිපිට  උද්ඝෝෂණය  ආරම්භ කළහ.  
 
ඉන් පසුව රත්නපුර  කොළඹ ප්‍රධාන මාර්ගය දෙපසට වි උද්ඝෝෂණය කළ පිරිස විනාඩි  විස්සකට ආසන්න කාලයක් මාර්ගය හරස් කරමින් විරෝධතා දැක්වුහ.එම පිරිස ඉවත් කිරිමට උත්සහ ගත්  පොලිස් නිලධාරීන් ට බධා කිරිම නිසාඑහිදී උණුසුම් තත්ත්වයක් ඇතිවිය.  
 
පොලිසිය ට පහරදිමට  ගිය අයෙකු එක් පුද්ගලයෙකු පොලිසිය භාරයට ගත්අතර පසුව ඔහු මුදාහැරියේය.රත්නපුර සහකාර පොලිස් අධිකාරි  නිශ්ශංක  මහතා පැමිණ  වෘත්තීය සමිති නියෝජිතයින් සමග සාකච්ඡා කිරිමට බලධාරියෙකු සම්බන්ධව කරදෙන බව කිවේය .රත්නපුර දිස්ත්‍රික්කයේ කම්කරු ජනතාව වෙනුවෙන් පිහිටි මෙම කාර්යාලය දිස්ත්‍රික්කයෙන් පිටත පිහිටි අව්ස්සාවේල්ල නගරයට ගෙන යෑමට ගෙන තිබෙන තීරණය ඉවත් කරගන්නා ලෙස විරෝතාවයට එක්වු කම්කරු වෘත්තීය සමිති නියෝජිතයින් සහ   කම්කරු ජනතාව මෙහිදී ඉල්ලා සිටියහ.  
 
ඇතැම් නිලධාරීන්ගේ පෞද්ගලික අරමුණු වෙනුවෙන් මෙවැනි තිරණයක් ගෙන ඇතැයි රත්නපුර දිස්ත්‍රික්කයේ පොදුජන වතු කම්කරු සංවිධානයේ ලේකම් අර්.ඒ .රාජරත්නම් මහතා කිවේය.