ක්‍රිෂාන් ජීවක ජයරුක් 
 
මීට මාස අටකට ඉහත දී අතුරුදන් වු බව කියන ගාල්ල ප්‍රදේශයේ ප්‍රසිද්ධ ව්‍යාපාරිකයෙකුගේ 16 හැවිරිදි දියණිය හෝමාගම කුඩා නිවසක බලහත්කාරයෙන් සිර කර තබා ගෙන සිටිය දී සොයා ගත් බව මාතර පොලිසිය කියයි.
 
ඊට සම්බන්ධ සැකකරුද සැක පිට ප්‍රශ්න කිරීම සදහා අත් අඩංගුවට  ගෙන ඇත.
 
එම ස්ථානයෙන් පැන ගියහොත් අදාල දැරියගේ මව හා පියා මරා දමන බවට තර්ජනය කරමින් ඇය රදවා තබා ගෙන සිට ඇති බව මූලික පොලිස් පරීක්ෂණ වලදී අනාවරණය වී ඇතැයි පොලිසිය පවසයි.
 
මෙම අපරාධය සම්බන්ධයෙන් සැක පිට අත්අඩංගුවට ගත් සැකකරු දැරියගේ පියා යටතේ සේවය කළ ඔහුගේ රියදුරකු බව පොලීසිය කියයි. ඔහු රැකියාව කිරිමේදී අවනත නොවීම මත සේවයෙන් ඉවත් කර තිබෙන බව කියති.