(ෂෙහාන් චාමික සිල්වා)

සන්ඩේ ලීඩර් පුවත්පතේ හිටපු කර්තෘ ලසන්ත වික්‍රමතුංග මහතාගේ ඝාතනය සම්බන්ධව හිටපු බුද්ධි අංශ අධ්‍යක්ෂක කපිල හෙන්දවිතාරණගේ මෙහෙයවීම යටතේ  මාධ්‍යයට  පහරදීම සඳහා  විශේෂ කල්ලියක් තිබු බව හිටපු හමුදාපති සරත් ෆොන්සේකා  මහතා විසින් අපරාධ පරික්ෂණ දෙපාර්තමේන්තුවට කරන ලද ප්‍රකාශය  මගින් අනාවරණය වු බව සීඅයිඩීය අද (20)  අධිකරණයට  පැවසීය.

කොළඹ හා අවට  ප්‍රදේශවල ආරක්ෂාව සම්බන්ධව තමන් දැනුවත් නොවු බවත් ඒ සඳහා වෙනත් නිලධාරියෙක් යොදවා තිබු බව සිඅයිඩිය අධිකරණයට ඉදිරිපත් කළ වාර්තාවේ සඳහන් වේ.

මේ සම්බන්ධව දැනට විශ්‍රාමික මේජර් ජනරාල් අජිත්න් පෙරේරාගෙන් ද ප්‍රකාශයක් ලබා ගත් බවත් ඔහු ද ලසන්ත වික්‍රමතුංග ඝාතනය ගැන නොදන්නා බවත් කියැවිණි.

දෙවැනි පශ්චාත් මරණ පරික්ෂණ වාර්තාවේ තියුණු ආයුධයකින්  හිසට සිදු කළ පහර දීමකින්  මොළයට  හානි  වීමෙන් මරණයට පත්වී ඇති බව සඳහන් වේ.

නඩුව ජුනි මස 19 වැනි දා දක්වා කල් තැබීමට ගල්කිස්ස ප්‍රධාන මහේස්ත්‍රාත් මොහොමඩ් නිහාර් මහතා නියෝග කළේය.