(කේ බුද්ධික කුමාරසිරි)
 
“මාව ඉතාම වැරදි චෝදනා යටතේ නිරපරාදේ සිරගත කරලා තියෙනවා. ඒක නිවරැදි කරන්නේ කවුද? නිවරැදි කරන්නේ කොහේදී ද? දැන් ඒක ගැන කියන්න තියෙන්නේ දෙවියන්ට පමණයි. කරුණාකරලා ඒක නිවරැදි කරන්න කටයුතු කරන්නැයි ඉල්ලා සිටිනවා” යැයි සිරගතව සිටින බව බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියෝ අද (26)  හෝමාගම අධිකරණ භූමියේ දී පැවසූහ.


ඉකුත් 2012 වර්ෂයේ දිනක දක්ෂිණ අධිවේගී මාර්ගයේ කොට්ටාව පිවිසුමේදී එහි රාජකාරී කළ පොලිස් නිලධාරීන්ට හා අධිවේගී මාර්ග සේවකයින්ගේ රාජකාරියට බාධා කිරීමේ චෝදනාව යටතේ හෝමාගම මහේස්ත‍්‍රාත් අධිකරණයේ විභාග වන නඩු කටයුත්තක් සඳහා පෙනී සිට නැවත බන්ධනාගාරයට යාම සඳහා බන්ධනාගාර බස් රථයට ගොඩ වන අවස්ථාවේදී උන්වහන්සේ මෙලෙස පැවසුහ. 

 

 

 (356)