පස්වරු 2.30
බන්ධනාගාර වහළය මත රැදී සිටින රැදවියෝ ඉන් බස්සවා ගැනීමට බන්ධනාගාර ඉහළ නිලධාරී උත්සාහ දැරූවද අද (14) සවස 2.20 වන විටත් රැදවියෝ එයට එකඟ වී නොමැත.
සිය ඉල්ලීම් ඉටු කරන තුරු පහළට නොබසින බවට සටන් පාඨ කියමින් ඔවුහු තවමත් එහි රැදී සිටිති.
මේ හේතුවෙන් බන්ධනාගාරය අවට පැය 24 පුරා ආරක්ෂාව තර කර ඇති බව බන්ධනාගාර ආරංචි මාර්ග පවසයි.
රැඳවියන් බිමට බැස මේ පිළිබඳව සාකච්ඡාවකට පැමිණෙන්නේ ඒ සඳහා අවස්ථාව සලසා දෙන බව බන්ධනාගාර ප්රතිසංස්කරණ අමාත්ය තලතා අතුකෝල මහත්මිය ද මේ වන විට අදාල අංශ දැනුවත් කර තිබේ.
එමෙන්ම ඔවුන් බිමට බසින තුරු කිසිඳු සාකච්ඡාවකට සහභාගී නොවනන බවද අමාත්යංශයේ ලේකම් මංගලිකා අධිකාරී මහත්මිය සඳහන් කළාය.
මේ අතර කාන්තා රැඳවියන් වහළයට නගින තුරු නිලධාරීන් ඒ පිළිබඳව බලා සිටියාද, මේ පිටුපස වෙනත් යම් සංවිධානාත්මක පිරිසක් සිටින්නේද යන්න සම්බන්ධවද පරීක්ෂණයක් අරඹා තිබේ.
මේ වන විට බන්ධනාගාරය අවට වනාතමුල්ල, සීවලී පටුමග ආශ්රිත ප්රදේශයේ ආරක්ෂාව තර කර තිබේ. බොරැල්ල පොලීසිය, බන්ධනාගාර පරිශ්රය වටා මුර සංචාර සේවාවක්ද ක්රියාත්මක කර තිබේ.
එමෙන්ම මෙම ගැටුම්කාරී තත්ත්වයන් හේතුවෙන් කිසිඳු කාන්තා රැදවියෙකු නඩු කටයුතු අධිකරණයට රැගෙන යාමට මෙම දින දෙක තුළ නොහැකි වු බව බන්ධනාගාර ආරංචි මාර්ග පවසයි.
පෙ.ව 9.31 - වැලිකඩ උද්ඝෝෂණය ගැන සොයන්න විශේෂ නිලධාරියෙක්
( දිල්රුක්ෂි ග්රේරු සහ ජයන්ත සමරකෝන්)
වැලිකඩ රිමාන්ඩ් බන්ධනාගාරයේ කාන්තා රැදවියන් ආරම්භ කළ උද්ඝෝෂණය සම්බන්ධයෙන් විධිමත් පරීක්ෂණයක් කිරීම සඳහා අධිකරණ අමාත්යංශය මගින් විශේෂ නිලධාරියකු පත්කර තිබේ.
සිය මුලික අයිතිවාසිකම් ඉල්ලමින් කාන්තා රැදවියෝ ඊයේ (13) උදෑසන මෙම උද්ඝෝෂණය ඇරැඹුහ.
මෙම රැඳවියන් වහලය මතට නැග උද්ඝෝෂණයේ යෙදෙන තෙක් එහි කාන්තා නිලධාරිනියන් කුමක් කළේද යන්න මෙහිදී විශේෂයෙන් සොයා බලන බවද අමාත්යාංශයේ ලේකම් මංගලිකා අධිකාරි මහත්මිය පැවසුවාය.
මෙම තත්ත්වය වළක්වන්නට මෙතෙක් එම කාන්තා නිලධාරින් අපොහොසත්වීම ගැටළුවක් බවද එම කාන්තා රැඳවියන් වහලයෙන් බසින තෙක් ඔවුන්ගේ ගැටලු පිළිබඳව සාකච්ඡා කිරිමට අමාත්යාංශය සුදානම් නැතැයි ද ලේකම්වරිය කීවාය.
ශ්රී ලංකා මහ බැංකුව අද (19) ඉනිකුත් කළ දෛනික විනිමය අනුපාතයට අනුව ඩොලරයට සාපේක්ෂව රුපියලේ අගය තව දුරටත් ඉහළ ගොස් තිබේ.
පොදු ජන පෙරමුණේ මන්ත්රී දයාසිරි ජයසේකර මහතා කෝප් කමිටුවේ සාමාජිකත්වයෙන් ඉල්ලා අස්විය.
දැනට වසරක පමණ කාලයක සිට සිංහරාජය වනාන්තරය ආශ්රිතව ජීවත්වන අලීන් දෙදෙනාගෙන් දැනට නිරීක්ෂණය වන්නේ එක අලියකු පමණක් බව සිංහරාජ වන ජීවී කාර්යාලයේ වනජීව
2024 යල කන්නය සඳහා ගොවීන්ට පොහොර සහනාධාරය ලබාදීම සම්බන්ධයෙන් කැබිනට් මණ්ඩලය විසින් තීරණ තුනක් ගෙන තිබේ.
රජයේ පාසල් සිසුන් වෙත 2024 වර්ෂයට අදාළව පාසල් පෙළපොත් සහ නිල ඇදුම් සදහා රෙදි නොලද පාසලක් වේ නම් ඒ පිළිබදව අධ්යාපන අමාත්යංශයට දැනුම් දෙන ලෙස විදුහල්පති
කටුනායක බණ්ඩාරනායක ජාත්යන්තර ගුවන්තොටුපොළොන් බැංගලෝර් බලා අද (19) අළුයම ගුවන්ගත කළ ගුවන්යානයක් විනාඩි 40 ක පමණ කාලයකින් පසුව නැවත ගොඩබැස්සූ බව එම ගුවන්
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
බන්ධනාගාරය අවට ආරක්ෂාව තර කරයි
Mahee Tuesday, 14 August 2018 04:59 AM
ඇමතිනිය තදින් ඉන්න ඕන තවත් කට්ටියක් ඉන්නවා. ඒ තමයි, මොවුන් අවුරුදු ගණන් රිමාන්ඩ් එකේ ඉන්න සලස්වන කට්ටිය. ඒ කියන්නේ, කලට වෙලාවට නඩුවේ පරීක්ෂණ ඉවර කරන්නේ නැති, පුළුවන් තරම් නඩුව කල් දාන්න කටයුතු කරන, හිර දඬුවම් නියම නොවී හිර දඬුවම් විඳින්න සලස්වන වගකිව යුත්තෝ. ඒ වැඩේ නම් මේ කපේදී බැරි වෙයි.
samTuesday, 14 August 2018 07:38 AM
මහී, ඔබ කියන දේ හරි. නමුත් අවාසනාවට නඩු කල්යාමට හෝ පරීක්ෂණ ඉක්මනින් අවසන් නොකිරීමට හේතුව මුළු රාජ්ය යාන්ත්රනයේම තියන ආකාර්යක්ෂමතාවය මිසක් එක ආයතනයක හෝ දෙකක වරදක් නොවේ. පොලිසිය සහ නීතිපති දෙපාර්තමේන්තුව හැරුණකොට, රස පරීක්ෂණ වාර්තා, රථ වාහන අනතුරු පරීක්ෂණ, අංක, හෝ අයිතිය පිළිබඳ වාර්තා, වෛද්ය වාර්තා, දේපොළ පිලිබඳ තක්සේරු වාර්තා සහ ඉඩම් මිනුම් වාර්තා, පරිගණක දත්ත විශ්ලේෂණ වාර්තා වැනි මෙකී නොකී සියලුම දේවල් නඩු පමාවීමට බලපානවා. ලෝකයේ ඉතාමත් අකාර්යක්ෂම රාජ්ය සේවා වලින් එකක් වන ලංකාවේ රාජ්ය සේවයෙන්, නඩු විභාග පමණක් කාර්යක්ෂම වෙන්න පුළුවන් කමක් නැහැ
RaveendraTuesday, 14 August 2018 11:26 AM
මහී මයා වෙත, ඔබගේ ඉතාමත්ම නිවැරදි අදහස් සමග අපද එකග වන්නෙමු. සමාජයේ වැඩි දෙනෙකු කතා නොකරන මෙන්ම ඉතාමත්ම නින්දිත පැතිකඩක් පිලිබදව සදහන් කර ඇති ඔබගේ අදහස් කාලෝචිත වන බව නැවතත් කිව යුතුය.
ravi Tuesday, 14 August 2018 06:16 AM
හිරගෙවල් සියලු සිතුම් පැතුම් ඉෂ්ට කරන රජ මාලිගාවල් නොවිය යුතුයි. !
kasun Tuesday, 14 August 2018 07:03 AM
ඇමතිනිය ගන්නන් දාන්නේ හිරකරලා ඉන්න කාන්තාවන්ට. පුළුවන් නම් දුෂිතයනට තදින් ඉදල පෙන්නන්නකො
අසරණයා Tuesday, 14 August 2018 09:38 AM
මේ වරදට නැවත දඩුවම් දිය යුතුයි.
sena Tuesday, 14 August 2018 10:01 AM
මේ ඔක්කොම වෙන්නේ දුෂිත නිලධාරීන් නිසා.
Kumar (Gulf) Tuesday, 14 August 2018 10:32 AM
මඩුවලිගය නැද්ද මෙයාලට පොඩි සංග්රහයක් කරන්න?
tommy Tuesday, 14 August 2018 11:03 AM
මේ අයගේ අනිකුත් ඉල්ලීම් කෙසේ වෙත්තත්, නඩු කල් යවමින් වසර ගණන් රිමාන්ඩ් භාරයේ සිටීමට සිදුවීම ගැන විරුද්ධ වීම සාධාරණ ඉල්ලීමක් යයි සිතමි. නීති පද්ධතියේ ප්රමාදයක් නිසා යම් කෙනෙක් මාස 6 කට වඩා රිමාන්ඩ් භාරයේ සිටීමට සිදුවුනොත්, එයට සාධාරණ පිලියමක් ලෙස, එම තැනැත්තා නිදහස් විය යුතු යයි නීති සම්පාදනය කල යුතුයි.
aravindaTuesday, 14 August 2018 03:42 PM
ටොමී නිවැරදි යයි සිතමි. රිමාන්ඩ් භාරයේ සිටින සැකකරුවෙකුගේ නඩුව හයමසක් වැනි සාධාරණ කාලයක් තුල අසා නිම කල යුතු වන අතර, රටේ නීති පද්ධතියට එවැනි දෙයක් කල නොහැකි නම්, එවැනි සැකකරුවෙකු නිදහස් කිරීමේ වරදක් නැහැ. මෙය සෑම පුරවැසියෙකුගේම මුලික අයිතිවාසිකමක් විය යුතුයි.
amila Tuesday, 14 August 2018 11:41 AM
මේ රටට වැඩදායි මිනිස්සු නෙමේ අපරාධ කරලා හිරේ ගිය අය. මෙයාලා නැති උනා කියල රටට ලාබයක් මිසක් කිසිම පාඩුවක් නෑ එක නිසා ගණන් එපා. මෙයාලව දැක්කේ නෑ වගේ තම තමන්ගේ එදිනෙදා වැඩ කරගෙන යන්න. බඩගිනි වුනාම එක්කෙනා දෙන්නා බැහැලා ඒවි.
pali Tuesday, 14 August 2018 01:11 PM
මෙය නරක අාදර්ශයක් වහාම අවම බලය පාවිච්චිකර බිමට ගෙන වෙනත් සිරගෙවල් වලට යැවිය යුතුය
Nandalal DE SILVA - France Tuesday, 14 August 2018 04:26 PM
මේ අයට වහලට නගින්න ඉනිමගක් සැපයු අය ලවාම ඔවුන් පහලට බස්ස ගන්න බැරිද? මහල් නිවාසවල මෙවැනි හදිසි තත්වයක් ඇතිවූ අවස්ථාවලදී "ගිනි නිවන හමුදා භටයන්" භාවිතා කරන ක්රමය මෙහිදී අත්හදා බැලීම කාලෝචිත වෙන්නත් පුළුවන්. බන්ධනාගාරය තුල තිබෙන වැහි පීලි වලට දැලක් සවිකර, ගිනි නිවීමට යොදන අධිපීඩන නළයක් ඔවුන්ට එල්ල කර, වහල දිගේ පහලට රූටා, දැලට වැටෙන්න සලස්වන්න. එකෙක් දෙකෙක් දැලට වැටෙනකොට අනෙක් අය ඉනිමගක් මගින් සාමකාමිව පහලට එනවා නියතයි ! උත්සහ කරලා බලන්න, ප්රතිපලය සහතිකයි.