(මොහොමඩ් බුහාර්ඩින්)
 
පැමිණිල්ලක් විභාග කිරිමට  ගිය පොලිස් කොස්තාපල්වරයකු නිවැසි කාන්තාවකට ලිංගික අතවර කර ඇතැයි  කියන සිද්ධියක් සම්බන්ධයෙන් පොලිස් කොස්තාපල්වරයකු අද (8) සැකපිට අත්අඩංගුවට ගෙන ඇතැයි ගලේවෙල පොලිසිය පවසයි.

ගලේවෙල බේලියකන්ද ප‍්‍රදේශයේ නිවසකට ගිය අවස්ථාවේදි එහි සිය දරුවා සමඟ තනිව සිටි 35 හැවිරිදි කාන්තාවකට ලිංගික අතවර කළැයි ඇගේ සැමියා පොලිස් හදිසි ඇමතුම් අංකයට පැමිණිලි කර තිබිණි.

සිද්ධියට මුහුණ පෑ කාන්තාව දඹුල්ල මුලික රොහලේ ප‍්‍රතිකාර ලබන අතර ඇය වෛද්‍ය පරීක්ෂණයක් සඳහා ඉදිරිපත් කිරිමට නියමිතය.

මහජනයාට දුකක් කරදරයක් වු සැනින් පිහිට වන ගලේවෙල පොලිසිය මෙවන් වු නිලධාරින් මහජනයාට කරදර කිරිම පිළිබඳ තමා කණගාටු වන බවත් එවැනි වු නිලධාරින්ට තරාතිරම නොබලා නිතිය කි‍්‍රයාත්මක කිරිමට කටයුතු කරන බව පොලිස්ථානධිපතිවරයා වැඩිදුරටත් සඳහන් කළේය.