පාරමීට නිවාස දෙකක්

(විනීතා එම් ගමගේ)

ආජන්ටිනාවේ පැවැති තුන්වන යොවුන් ඔලිම්පික් ක‍්‍රීඩා උළෙලේ දී ලෝකඩ පදක්කමක් හිමිකර ගනිමින් ශී‍්‍ර ලංකාවට කීර්තියක් ගෙන දුන් පාරමී වසන්ති මාරිස්ටෙලා ක‍්‍රීඩිකාවට නිවාස දෙකක් පිරිනැමීමට රජය කටයුතු යොදාගෙන යන බව වාරිමාර්ග, ජලකළමනාකරණ හා ආපදා කළමනාකරණ රාජ්‍ය අමාත්‍ය පාලිත රංගේ බණ්ඩාර මහතා ලංකාදීපයට පැවැසීය.

එහි පළමු නිවස ලබන 30 දා කරුවලගස්වැව නිවාස ව්‍යාපෘතිය විවෘත කිරීමේ උත්සවයේදී ඇයට බාර දීමට කටයුතු කරන බවත් ඇයගේ පුහුණු කටයුතු පහසුවෙන් කරගැනීම සඳහා කොළඹ රැඳී සිටීම පිණිස අනෙක් නිවස කොළඹින් ලබාදෙන බවත් අමාත්‍යවරයා සඳහන් කළේය.

නිවාස අමාත්‍ය සජිත් පේ‍්‍රමදාස මහතා සමග පැවැති සාකච්ඡාවකින් අනතුරුව මෙම තීරණයට එළඹි බව පැවසූ අමාත්‍යවරයා මෙම පහසුකම් වලට අමතරව ඇය දැනට ජිවත් වන හලාවත, ඉරණවිල පිහිටි නිවස දින 10 ක් ඇතුලත රජයේ වියදමින් අලූත්වැඩියා කර දීමටද රජය තීරණය කළ බව ප‍්‍රකාශ කළේය.

මේ පණිවිඩය රැගෙන වාරිමාර්ග, ජලකලමනාකරණ හා අපදා කළමනාකරණ රාජ්‍ය අමාත්‍ය පාලිත රංගේ බණ්ඩාර මහතා අද (21) පෙරවරුවේම ඇය පදිංචි ඉරණවිල නිවසට පැමිණියේය. මේ අවස්ථාවට නිවාස සංවර්ධන අධිකාරියේ පුත්තලම දිස්ත‍්‍රික්කයේ නිලධාරින්ද එක්ව සිටියහ.

ඇය තවත් අභීයෝගයකට මුහුණ දී සිටින බවද මෙහිදී අනාවරණ වී යැයි පැවසූ රංගේ බණ්ඩාර මහතා දෙමාපියන්ගේ ආර්ථික දුෂ්කරතාව ඇගේ ගමනට ඇති බලවත්ම බාධාව බවත්, එයට විසදුමක් ලෙස පාරමී මාරිස්ටෙලා දැරියගේ අධ්‍යාපන කටයුතු හා කී‍්‍රඩා කටයුතු වෙනුවෙන් පුළුල් දායකත්වයක් ලබා දිය යුතු බවත් පැවසීය. ඒ සඳහා අගමැතිවරයා හා අධ්‍යාපන අමාත්‍යවරයා සමග සාකච්ඡා කර ස්ථිර විසඳුමක් ලබා දීමට පියවර ගන්නා බවත් අමාත්‍ය පාලිත රංගේ බණ්ඩාර මහතා කියා සිටියේය.

අදහස් (11)

පාරමීට නිවාස දෙකක්

පිටිගල මිලානෝ Sunday, 21 October 2018 12:25 PM

නිතර පරදින සහ දූෂණවලින් පිරුණු ලංකා ක්‍රිකට් කණ්ඩායමේ සාමාජිකයන් හැරෙන්නේ මෙවැනි දක්ෂ අහිංසක රටට අප්‍රමාණ කීර්තියක් ගෙනදෙන ක්‍රීඩකයන් ලොකු මුදලක් ගෙවන වෙළඳ දැන්වීම්වලට නොගන්නේ ඇයි..?

: 1 718

kapSunday, 21 October 2018 12:36 PM

මෙයා කන්නේ ගමේ කෑම මිසක් සොසේජස් නෙමෙයි. බොන්නේ එලකිරි මිසක් මයිලෝ, පිටිකිරි නෙමෙයි. ඒකයි මේ චැම්පියන්ව කාටවත් පේන්නෙ නැත්තේ..

: 0 762

ඇත්ත සත්‍යපාලSunday, 21 October 2018 02:20 PM

ගෙවල් දෙකක් දෙන්න පොරොන්දු වෙලා නොදී ඉන්නවට වඩා එකක් ඇත්තටම දෙන්න කියන්න.

: 48 96

gunarathnaMonday, 22 October 2018 04:57 AM

ගෙවල් දෙකක් දෙනවට වඩා මේ ළමය ඉන්න ගෙවල් හදල දීලා ක්‍රීඩාවට පහසු නිසා කොළඹින් ගෙයක් දීල අනික් ගේ දුප්පත් පවුලකට දුන්නනම් ඉවරනේ......

: 9 9

leena, toronto Sunday, 21 October 2018 03:34 PM

ළමයට ගෙවල් දෙකක් වුවමනා නැහැ. ඉගෙන ගන්න උදව් කළොත් ලොකු පිනක්. දැන් පදක්කමේ උණුසුම තිබෙන නිසා කාටත් ළමයව පේනවා. කල්ගියාම සැලකිලි අඩුවෙනවා. අපේ අයගේ විදිහ අලුතෙන් කිවයුතුද?

: 0 180

සුකුමාලි Sunday, 21 October 2018 05:35 PM

මේ දරුවා පිළිබඳව ඉතා හොඳ ඇගයීමක් සහ තක්සේරුවක් සුසන්තිකා මැතිනිය කළා එදා එයාපෝට් එකේදී. සුසන්තිකා කියපු දේ හරියට හරි

: 86 1

සොය්සා Sunday, 21 October 2018 05:49 PM

ගෙවල් 2ක්? වොඩ්කා බිලාද?

: 1 0

මානවඩු Sunday, 21 October 2018 05:50 PM

මෙහෙමයි - ඔලිම්පික් කිවුවාට ඕක අපේ සුසන්තිකා දිවපු ඔලිම්පික් නොවෙයි, යුත් ඔලිම්පික් කියලා එකක්

: 84 3

ISURANDI Monday, 22 October 2018 04:18 AM

මෙවැනි උදවියට තමයි රජයෙන් අනුග්‍රහය දැක්විය යුත්තේ.මේ දරුවාගේ බලාපොරොතු මල්පල ගැන්වේවායි පතමි.

: 0 27

සුපුන් Monday, 22 October 2018 05:15 AM

ගෙවල් 2ක තියා අන්තිමට අර දින දහයෙන් කෙරෙන අලුත්වැඩියාව වත් උනොත් හොදයි.

: 0 27

Bamunuarachchi Monday, 22 October 2018 10:28 AM

දෙකක් කොහොම උනත් එකක් වත් ලැබෙයිද කියා මට ෂුවර් නැත ..............

: 1 5

ඔබේ අදහස් එවන්න

එසැණ පුවත්

එක්ප්‍රස් පර්ල් විමර්ශනය කඩිනම් කරන්න

2024 අප්‍රේල් මස 25 156 0

මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්‍රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක

අමරවීර අපහාස කළැයි මෛත්‍රී කෝටියක් ඉල්ලයි

2024 අප්‍රේල් මස 25 326 0

ශ්‍රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්‍රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව