(ඩයනා උදයංගනී)
            
නව අගවිනිසුරුවරයා ලෙස නීතිපතිවරයා ලෙස කටයුතු කළ ජයන්ත චන්ද්‍රසිරි ජයසූරිය මහතාගේ නාමය සඳහා ආණ්ඩුක‍්‍රම ව්‍යවස්ථා සභාවේ ඒකමතික අනුමැතිය හිමිව තිබේ.

විගණකාධිපතිධූරය සඳහා අතිරේක විගණකාධිපති චූලන්ත වික‍්‍රමරත්න මහතාගේ නාමයටද ආණ්ඩුක‍්‍රම ව්‍යවස්ථා සභා අනුමැතිය හිමිව ඇත.

ආණ්ඩුක‍්‍රම ව්‍යවස්ථා සභාව එහි සභාපති කතානායක කරු ජයසූරිය මහතාගේ ප‍්‍රධානත්වයෙන් පාර්ලිමේන්තුවේ දී අද (26) පෙරවරුවේ රැස්වූ අතර එහිදී මෙම අනුමැතිය ලබා දී ඇත.
            
මෙහිදී අගවිනිසුරු ධුරය සහ විගණකාධිපතිධුරය පත්කිරීම සඳහා ජනාධිපතිවරයා විසින් යොමු කරන ලද නිර්දේශයන් සළකා බලන ලද අතර මෙම නාමයන් සඳහා අනුමැතිය හිමිව තිබේ.
            
ඒ අනුව අදාළ පත්කිරීම සඳහා එම අනුමැතිය ජනාධිපතිවරයා වෙත දන්වා යැවෙනු ඇත.