වෙන්නප්පුව නයිනමඩම පාලම අසළදී අද(20) අලුයම මාළු ලොරියක් සහ මෝටර් රථයක් ගැටීමෙන් මෝටර් රථයේ  ගමන්ගත් හය දෙනකු මියගොස් තවත් තිදෙනකු තුවාල ලබා ඇතැයි පොලිසිය කියයි.

නයිනමඩම ගිං ඔය හරහා ඉදිකර ඇති පාලම අසළදී මෙම අනතුර සිදුව තිබේ.

මියගිය පිරිස  වෛයිකාලේ පැවැති ප්‍රියසම්භාෂණයකට සහභාගී වී නිවෙස් බලා යමින් සිටි පිරිසක් බව ද පොලිසිය සඳහන් කරයි.

මියගිය සහ තුවාල ලැබුවන් කොලිංජාඩිය සහ උල්හිටියාවේ පදිංචි වයස අවුරුදු 30-40 අතර වූවන් බව ද පොලිසිය කියයි.

අනතුරු වූ ස්ථානයේ හතර දෙනකු මියගොස් ඇති අතර සෙසු දෙදෙනා රෝහලට රැගෙන යද්දී මියගිය බව පොලිසිය පවසයි.

තුවාල ලැබූවෝ මීගමුව සහ කොළඹ මහ රෝහලේ ප්‍රතිකාර ලබති.

( චන්දන ප්‍රනාන්දු) 

(85515)