(තිලකරත්න දිසානායක,අමල් වික්‍රමරත්න)

 
ඉල්ලීම් කිහිපයක් මුල්කරගනිමින් දුම්රිය රියදුරන් විසින් අරඹා ඇති වර්ජනය හේතුවෙන් අද (7) උදෑසන සිට දුම්රිය මගීහු දැඩි අසීරුතාවයට පත්වුහ.

කොළඹින් ප්‍රධාන මාර්ගයේ දුම්රිය ගමන් සිදු නොවන බව ගම්පහ දුම්රිය ස්ථානයෙන් මගීන්ට දැනුම් දුන් බවත් කොළඹ දෙසට පමණක් දුම්රිය කිහිපයක් ධාවනය කෙරිණි.

කොළඹට පැමිණිට තිබු බොහෝ දුම්රියන් අද දින ධාවනය නොවු බවත් දුර ගමන් සේවා සඳහා ඇති දුම්රියන් අවලංගු කර තිබිණි.

අද (7) අලුයම 4.15ට ගාල්ලේ සිට පිටකොටුව බලා ධාවනය වීමට නියමිතව තිබූ දුම්රිය ධාවනය නොවූ බව ගාල්ල දුම්රිය ස්ථානය පවසයි.

දුම්රිය එන්ජින් රියදුරු සහායකයින් බඳවා ගැනීමේ පටිපාටියේ ඇති ගැටලු ඇතුළු කරුණු කිහිපයක් මුල්කරගෙන දුම්රිය එන්ජින් රියදුරන් වැඩවර්ජනය ආරම්භ කර තිබේ.