(ඩී.ජී.සුගතපාල)

පහළොස් හැවිරිදි බාල වයස්කාර දැරියකට අතවර කිරිම සම්බන්ධයෙන් ඇයගේ පියා සහ බාප්පා  යක්කලමුල්ල පොලිසිය විසින් අත් අඩංගුවට ගෙන තිබේ.

මෙම  සිසුවියගේ මව සහ පියා නිත්‍යනුකුලව වෙන්ව ඇති අතර  දැරිය මිත්තණියගේ නිවසේද , ඇයගේ සොහොයුරා ඒ අසලම නිවසක පියා සමඟද ජීවත්ව ඇත.

දැරිය එම නිවසේ සිටින අවස්ථාවේදී දැරියගේ බාප්පා  පැමිණ ඇය අපයෝජනයට ලක් කර ඇති අතර  අනතුරුව පියාද , දැරිය අපයෝජනයට ලක් කර ඇතැයි  ලැබුණු පැමිණිල්ලක් මත ඔවුන් දෙදෙනා අත්අඩංගුවට ගෙන තිබේ.

දැරියගේ  ඥාති සහෝදරියකට සිද්ධිය පැවසිමෙන් පසු ඇය ඒ බව දැරියගේ  කොළඹ සිටින මවට පවසා තිබේ.අනතුරුව  මව පැමිණ පොලිසියට පැමිණිලි කර ඇත.

අත් අඩංගුවට ගන්නා ලද පියා , බාප්පා අද (17)ගාල්ල අතිරේක මහේස්ත්‍රාත්වරිය වෙත ඉදිරිපත් කිරිමට නියමිතය.