(ඉන්දිකා රාමනායක)

හම්බන්තොට විරෝධතාවක් අතරතුරදී අත්අඩංගුවට ගත්  තරුණයකුට ප‍්‍රසිද්ධියේ  පහරදීමේ සිද්ධිය සම්බන්ධයෙන් හම්බන්තොට සහකාර පොලිස් අධිකාරි තුෂාර දළුවත්ත මහතා වහාම කි‍්‍රයාත්මක වන පරිදි මාතර කොට්ඨාසයට මාරුකර ඇත.

පොලිස් කොමිසමේ නියෝගයක් මත මෙම මාරුවීම දී ඇතැයි වාර්තා වේ.

හම්බන්තොට  වරාය සහ මත්තල ගුවන් තොටුපොළ දීර්ඝ කාලීන බදු පදනම යටතේ  ඉන්දියාවට  පැවරීමට  එරෙහිව හම්බන්තොට දී ඉකුත් 6 වැනි දා මෙම විරෝධතාව පැවැත්විණි

මේ සිද්ධිය සම්බන්ධයෙන්  පොලිස්පතිවරයාගේ නියමයෙන් ගාල්ල නියෝජ්‍ය පොලිස්පති චන්දන අලහකෝන් මහතාගේ අධීක්ෂණය යටතේ  පරීක්ෂණ ආරම්භ කර ඇති අතර එම පරික්ෂණය  සිදුකරන අතරතුර මෙම ස්ථාන මාරුවීම ලබා දී ඇති බව පොලිසිය කියයි

මෙම සිද්ධිය සම්බන්ධයෙන් දැනට ප‍්‍රකාශ කිහිපයක් ම සටහන් කරගෙන ඇති අතර  සහකාර පොලිස් අධිකාරි තුෂාර දළුවත්ත මහතාගෙන් ද ප‍්‍රකාශ ලබා ගැනීමෙන් අනතුරුව   එම පරීක්ෂණ වාර්තාව පොලිස්පතිවරයා වෙත  ලබාදීමට නියමිතව ඇත.