(රංජන් කස්තුරි)

ශ්‍රී ජයවර්ධනපුර රෝහල ඩෙංගු හා වෛරස් උණ රෝගීන්ගෙන් පිරී පවතින අතර රෝහලට උණ රෝගීන් ඇතුළත් කර ගැනීම විටින් විට සීමා කිරීමට සිදුවනු ඇතැයි එම රෝහලේ අධ්‍යක්ෂ වෛද්‍ය සුසිත සේනාරත්න මහතා පවසයි.

ජයවර්ධනපුර රෝහලේ ඇඳන් දහසක් තිබෙන අතර ඉන් ඇඳන් 460ක්ම ඩෙංගු රෝගීන්ගෙන් පිරී පවතින බවද අධ්‍යක්ෂවරයා කීවේය.

ඉකුත් සති කිහිපයේදී රෝහලට ඇතුළත් කරනු ලැබූ උණ රෝගීන්ගෙන් 90%ක්ම ඩෙංගු රෝගීන් වීම විශේෂත්වයක් බවද වෛද්‍ය සේනාරත්න මහතා පැවසීය.