(තිළිණි ද සිල්වා)
දෙදින නිල සංචාරයක් සඳහා ජනාධිපති මෛත‍්‍රීපාල සිරිසේන මහතා මේ මාසය අවසානයේදී කාම්බෝජය බලා පිටත්ව යෑමට නියමිත බව රජයේ ආරංචි මාර්ග සඳහන් කර සිටී.
 
ඒ අනුව ලබන 26 සහ 27 දෙදින ජනාධිපතිවරයා කාම්බෝජයේ සංචාරය කිරීමට නියමිතය. කාම්බෝජ රජයේ නිල ආරාධනයකට අනුව එරට සංචාරය කරන ජනාධිපතිවරයා ලබන 25 වැනිදා මෙරටින් පිටත්ව යනු ඇත.
 
සංචාරයේදී ජනාධිපති මෛත‍්‍රීපාල සිරිසේන මහතා රජයේ නියෝජිතයින් හමුවී සාකච්ඡා පවත්වනු ඇත.
 
ජනාධිපතිවරයා ඉකුත් 13 වැනිදා ටජිකිස්ථානයේ පැවති ෂැන්හයි කෝපරේෂන් සංවිධානය විසින් කලාපයේ ගැටලූ පිළිබඳ සාකච්ඡා කිරීම සඳහා පැවති සමුළුවකටද සහභාගී වූයේය. ජනාධිපතිවරයා සමඟ 50කට ආසන්න දූත පිරිසක්ද මෙම සංචාරයට එක් වූහ.