(දයාරත්න ඇඹෝගම)

ජිනිවාහිදී පැවැත්වෙන මානව හිමිකම් සමුළුව ඇමතීම සඳහා රජරට විශ්ව විද්‍යාලයේ වෛද්‍ය පීඨයේ මහාචාර්ය චන්න ජයසුමන මහතා  13 වැනි දින ජිනීවා බලා පිටත්ව යාමට  නියමිතය.

මහාචාර්ය වරයා සමඟ විශ්‍රාමික  මේජර් ජනරාල්  සරත් වීරසේකර  මහතා ද මෙම සමුළුවට එක්වනු ඇත.

මෙම සමුළුව ජිනීවා නුවරදී 14 වන දින ආරම්භ වන අතර එය 23 දින දක්වා පැවැත්වේ.විදේශ රවල සිටින ශ්‍රී ලාංකිකයන්ගේ ආරාධනාවක් මත මානව හිම්කම් සමුළුවට මොවුන් සහභාගී වන අතර එහිදී ලංකාවේ යුද අපරාධ සම්බන්ධයෙන්  ප්‍රධාන සමුළුවට හා අතුරු කමිටුවලට කරුණු ඉදිරිපත් කරන බව ද මහාචාර්ය වරයා අද (10) පැවසීය.

ත්‍රස්තවාදීන් සිදුකළ යුද අපරාධ පිලිබඳව කරුණු දැක්වීමෙදි ත්‍රස්තවාදීන් සිදුකළ අමානුෂික අපරාධ පිළිබඳ සාක්ෂි සහිතව කරුණු ඉදරිපත් කරන අතර ශ්‍රී ලංකා හමුදාව මානුෂීය මෙහෙයුමේදී ද්‍රවිඩ වැසියන්  බේරාගත්  ආකාරය පිලිබඳව ද සාක්ෂි සහිතව කරුණු ඉදිරිපත් කරන බවද මහාචාර්යවරයා මෙහිදි වැඩි දුරටත් පැවසීය.

එල්.ටි.ටි.ඊ සංවිධානය විසින් සිදුකරන ලද යුද අපරාධ සම්බන්ධයෙන් ඡයාරූප ප්‍රදර්ශනයක්ද පැවැත්වේ.