( තිළිණි ද සිල්වා  සහ රංජන් කස්තුරි )

ජනාධිපති මෛත්‍රිපාල සිරිසේන, අගමැති රනිල් වික්‍රමසිංහ සහ විදේශ ඇමති රවි කරුණානායක යන මහත්වරු අතර විශේෂ හමුවක් අද (9) දහවල් ජනාධිපති කාර්යාලයේදී පැවති බව රජයේ ආරංචි පවසයි.

අද දහවල් පැයකට ආසන්න කාලයක් මෙම විශේෂ හමුව පවත්වා ඇතැයිද අද පැවති කැබිනට් මණ්ඩල රැස්වීමෙන් පසුව අගමැති රනිල් වික්‍රමසිංහ සහ අමාත්‍ය රවි කරුණානායක යන මහත්වරුන් දෙපළ  ජනාධිපති මෛත්‍රීපාල සිරිසේන මහතා හමුවී මෙම සාකච්ඡා පවත්වා ඇතැයි ද කියති.

මේ අතර විදේශ අමාත්‍ය රවී කරුණානායක මහතා එම ධූරයෙන් ඉවත් කරන්නැයි නිදහස් පක්ෂ කැබිනට් අමාත්‍යවරු පිරිසක් ද ඊයේ(8) රාත්‍රියේ ජනාධිපතිවරයා ගෙන් ඉල්ලීමක් කර තිබිණි.