(නිමන්ති රණසිංහ)

රුපියල්  40,000,000 රේගු බදු වංචා කරමින් මෙරටට ආනයනය කරන ලද බීඩි කොළ තොගයේ සිද්ධියට අදාළව සහකාර රේගු අධිකාරිවරයකු සහ රේගු පරීක්ෂකවරයකු අනිවාර්ය නිවාඩු යවා ඇතැයි ශ්‍රී ලංකා රේගුව කොළඹ අතිරේක මහේස්ත‍්‍රාත් ලෝචනා අබේවික‍්‍රම මහත්මිය හමුවේ අද (18) කරුණු වාර්තා කළේය.

මෙම විමර්ශනයට අදාළව ශි‍්‍ර ලංකා රේගුවේ මධ්‍යම විමර්ශන ඒකකය පැවැත්වූ පරීක්ෂණයකට පසු මෙම සහකාර රේගු අධිකාරිවරයා සහ රේගු පරීක්ෂකවරයා සම්බන්ධ බවට තොරතුරු අනාවරණය වීම හේතුවෙන් රේගු පාලනාධිකාරිය මෙම තීරණය ගෙන ඇති බවටද අධිකරණයට කරුණු ඉදිරිපත් විණී.