(සටහන ජායාරුප - හිරාන් ප්‍රියංකර ජයසිංහ)
මහකුඹුක්කඩවල පුනවිටිය ප්‍රදේශයේ 67 හැවිරිදි දෙදරු මවක් ඇය පදිංචි නිවස පිටුපස අත් පා ගැට ගසා මුව රෙදි වලින් වසා මරා දමා තිබියදි අද (12) සොයා ගත් බව ආණමඩුව පොලිසිය පවසයි.

 මෙසේ මරා දමා ඇත්තේ 67 හැවිරිදි මුනාමෙරෙන්ඤඤ ඥාණවති නැමති දෙදරු මවක් බව බව ආණමඩුව පොලිසිය පවසයි.

 මරණයට පත් කාන්තාව ඇගේ සැමියා සමග නිවසේ පදිංචිව සිට ඇති බවත් මොවුන් මාතර සිට කොළඹට පැමින කිරුලපන ප්‍රදේශයේ ව්‍යාපාරික කටයුතු කරමින් සිට පසුව වසර 15 කට පමන පෙර පුනවිටිය ප්‍රදේශයට පැමිණ ඉඩකඩම් වගා කරමින් සාමකාමි ලෙස වාසය කරමින් සිටි පදිංචිකරුවන් බව පොලිසිය කල පරික්ෂණ වලදී හෙළිවි තිබේ.

නිවස ඉදිරිපිට ශබ්දයක් ඇසී එය සොයා බැලිමට විදුලි පන්දමද රැගෙන එළියට පැමිණීමත් සමග අතුරුදහන් වි තිබු අතර, පසුව නිවසේ මුළුතැන්ගෙය පිටුපස දෑත් අත්පා බැද මුඛය රෙදි වලින් වසා මරා දමා සිටියදි හමුවූ බව මරණයට පත් දෙදරු මවගේ සැමියා පවසා තිබේ.

 මෙම නිවසේ මෙම මහළු යුවල සමග ඔවුන්ගේ පුතා රැඳී සිටියද සිදුවීම වන අවස්ථාවේ ඔහු සිය සොහොයුරියගේ කොළඹ නිවසේ රැදි සිටි ඇති බවද කියයි.

 සිද්ධියෙන් පසුව පොලිස් සුනඛ එකකය, අපරාධ ස්ථාන පරික්ෂා කිරිමේ නිළධාරින්, ඇඟිලි සළකුණු අංශ භාර නිළධාරින් හා ආණමඩුව පොලිසියේ අපරාධ පරික්ෂණ නිළධාරින් එක්ව පුළුල් පරික්ෂණ අරඹා තිබේ .