(චන්ද්‍රසේන ගමගේ සහ අනීෂා මානගේ )

ඉදිවෙමින් පවතින දක්ෂිණ අධිවේගී මාර්ගයේ කණින ලද ජලය පිරී තිබූ වළකට වැටීමෙන් බෙලිඅත්ත මහා විද්‍යාලයේ 07 වැනි වසරේ සිසුවකු මිය ගොස් ඇතැයි පොලීසිය පවසයි.

ඉතා අනාරක්ෂිතව ඇති මෙම වළ බෙලිඅත්ත කිරින්ද ප්‍රධාන මාර්ගයට යාබදව කණින ලද්දේ මීට මාස එකහමාරකට පමණ පෙර බව කියැවේ.
 
මෙම වළ අඩි 15ක් පමණ ගැඹුරකින් යුක්ත වන බව දැනගන්නට ඇත.

චමික සේහාන් නම එම දරුවා නිවසේ නොමැති බව දැනගත් පසු නිවැසියන් එම දරුවාව සොයා ඇති අතර පසුව දරුවාගේ මළ සිරුර මෙම වළේ තිබී සොයා ගෙන ඇත‍.