(බිඟුන් මේනක ගමගේ)

අපද්‍රව්‍ය බැහැර කරලීමට බාධා කරන පුද්ගලයන් අත්අඩංගුවට ගෙන බරපතල වැඩ සහිත සිර දඬුවම් පවා පැනවිය හැකි අයුරින් ජනාධිපතිවරයා නිකුත් කළ අතිවිශේෂ ගැසට් පත්‍රය නිසා ජනතාව මහත් පීඩාවට ලක්විය හැකි බව ජනතා විමුක්ති පෙරමුණ පවසයි.

මීතොටමුල්ලේදී ජීවිත අහිමි වූයේ අනතුර දැක උද්ඝෝෂණය කළ ජනතාව යැයි ද පීඩාවට පත්ව සිටින්නන්ට විරෝධයට ඇති අයිතිය අහිමි කරන නීති ගෙනආවොත් ජනතාව මරණය වෙනුවට සිර ගෙවල් තෝරා ගනු ඇතැයි ද ජවිපෙ ප්‍රධාන ලේකම් ටිල්වින් සිල්වා මහතා “ලංකාදීප” යට පැවැසීය.

ජනපතිගේ ගැසට් පත්‍රයට අනුව දැනටමත් සිය පක්ෂයේ මධ්‍යම කාරක සභික ලක්ෂ්මන් නිපුණආරච්චි මහතා ඇතුලු පිරිසකට මහජන කැළඹීම් කළේ යැයි චෝදනා නඟා නඩු පවරා ඇතැයි කී හෙතෙම ජවිපෙ ජනපතිවරයා ගත් ක්‍රියාමාර්ගය වහා අහෝසි කළ යුතු යැයිද අවධාරණය කළේය.