(ජයන්ත සමරකෝන්)
අල්ලස් චෝදනාවකට රිමාන්ඩ් භාරයේ පසුවන හිටපු ජනාධිපති කාර්ය මණ්ඩල ප්‍රධානී අයි.එච්.කේ. මහානාම හා රාජ්‍ය දැව සංස්ථාවේ හිටපු සභාපති පී. දිසානායක යන අය වැලිකඩ බන්ධනාගාර රෝහලට ඇතුළත් කර ඇතැයි රෝහල් ආරංචි මාර්ග අනාවරණය කරයි.

මේ වනවිට එම සැකකරුවන් දෙදෙනා රෝහලේ අංක 3 සුපිරි වාට්ටුවේ රඳවා සිටින බවද පැවසේ. මීට පෙර කීප වතාවක්ම සැකකරුවන් දෙදෙනා රෝහල්ගත වීමට උත්සාහ ගෙන තිබුණද එය ව්‍යර්ථ වී ඇතත් මෙවර අදිසි හස්තයකින් ඊට අවශ්‍ය උපදෙස් ලැබී ඇතැයිද දැනගන්නට තිබේ.