(ආරියරත්න රණබාහු)

ජනාධිපති නීතීඥ  හේමන්ත වර්ණකුලසුරිය මහතා  පෞද්ගලික රෝහලකදී  අභාවප්‍රාප්ත විය .

ප්‍රකට නීතිවේදියකු, දේශකයකු, ප්‍රවිණ ලේඛකයකු හා සමාජ විශ්ලේෂකයකු වු ඒ මහතා මිය යන විට 74 වන වියේ පසුවිය.

පසුගිය කාලයේ අන්දෝලනාත්මක නඩු රැසකට වර්ණකුලසුරිය මහතා පෙනි සිටිම නිසා බොහෝ දෙනෙකුගේ විශේෂ අවධානයට ලක්විය.

වර්ණකුලසුරිය මහතා ඉතාලියේ ශ්‍රී ලංකා නාතාපතිවරයා ලෙසද කළක් කටයුතු කර ඇති අතර ශ්‍රී ලංකා නීතීඥ සංගමයේ  සභාපතිවරයා ලෙසද කටයුතු කර ඇත.

කර්මාන්ත හා වාණිජ කටයුතු නියෝජ්‍ය අමාත්‍ය බුද්ධික පතිරණ මහතාගේ මාමණ්ඩිය වන වර්ණකුලසුරිය මහතා දිවංගත ජනප්‍රිය ගායන ශිල්පි එච්.ආ.ජෝතිපාලයන්ගේ මස්සිනාද වේ.

ඒ මහතාගේ අභාවයෙන් ශෝකයට පත්වන්නන් අතර බිරිද ජනප්‍රිය ගුවන් විදුලි ශිල්පිනි අයිරාංගනි වර්ණකුලසුරිය මහත්මිය සහ එකම දියණිය මිහිරි වර්ණකුලසුරිය මහත්මිය ද වේ.


කොළඹ රාජකීය විද්‍යාලයේ ආදි ශිෂ්‍යයකු වන හේමන්ත වර්ණතකුලසුරිය මහතා කොළඹ නීති විද්‍යාලයේද ආදි ශිෂ්‍යයෙකි.

දේහය කොළඹ 10 නොරිස් කැනල් පාරේ අංක 47 පිහිටි නිවසේ තැන්පත් කර ඇති අතර අවසන් කටයුතු ලබන සෙනසුරාදා (14) පස්වරු 4.00 ට බොරැල්ල කනත්ත පොදු සුසාන භූමියේදී සිදු කිරීමට නියමිතය.

 

(36698)