අංජුල මහික වීරරත්න වියට්නාමයේ, හැනොයි නුවර සිට
ශ්රී ලංකාව සහ වියට්නාමය අතර රාජ්ය සබඳතා පමණක් නොව, පාර්ලිමේන්තු දේශපාලන පක්ෂ හා ජනතාව අතර සබඳතාත් ශක්තිමත් කරලීම සඳහා පියවර ගත යුතු බව වියට්නාම් අග්රාමාත්ය ග්යෙන් ෂුන් ෆුක් මහතා ශ්රී ලංකා අග්රාමාත්ය රනිල් වික්රමසිංහ මහතා හමුවේ පැවසීය.
වියට්නාම් අග්රාමාත්ය ග්යෙන් ෂුන් ෆුක් මහතා සහ ශ්රී ලංකා අග්රාමාත්ය රනිල් වික්රමසිංහ මහතා අතර වියට්නාම අග්රාමාත්ය කාර්යාලයේ දී අද (11) පැවති ද්විපාර්ශවික සාකච්ඡාවේ දී දෙරට අතර ආර්ථික වශයෙන් පමණක් නොව දේශපාලන, ආගමික, සමාජයීය හා ව්යාපාරික අංශයන් අතර ද හුවමාරු වැඩසටහන් ආරම්භ කරලීමේ වැදගත්කම ද අවධාරණය කෙරුණි.
ලබන වසරේ එක්සත් ජාතීන්ගේ ජාත්යන්තර වෙසක් උත්සවය වියට්නාමයේ හැනොයි නගරය කේන්ද්ර කර ගනිමින් පැවැත්වෙන හෙයින් ඒ සඳහා ශ්රී ලංකාවේ සහය ලබාදෙන ලෙස ද වියට්නාම් අග්රාමාත්යවරයා රනිල් වික්රමසිංහ මහතාගෙන් විශේෂ ඉල්ලීමක් ද කළේය.
දෙරට අතර බෞද්ධ නියෝජිත පිරිස් හුවමාරු කර ගැනීමේ වැදගත්කම අවධාරණය කළ වික්රමසිංහ මහතා, ශ්රී ලංකාව හා වියට්නාමය අතර පැවති ඓතිහාසික සබඳතා පිළිබඳ සොයා බැලීම සඳහා ප්රාමාණික විද්වතුන්ගෙන් යුතු ඒකාබද්ධ කමිටුවක් පත් කිරීමේ යෝග්යතාව සම්බන්ධයෙන් ද අදහස් පළ කළේය. ඉතා ඉක්මණින්ම මේ කමිටුව පිහිටුවිය යුතු බව වියට්නාම් අග්රාමාත්යරයාගේ ද අදහස විය.
වියට්නාම් ජාතිකයන් විශාල පිරිසක් ශ්රී ලංකාවේ සංචාරය කිරීමේ අපේක්ෂාවෙන් පසුවන බැවින්, දෙරට අතර ඍජු ගුවන් සේවා ආරම්භ කිරීමේ අවශ්යතාව පිළිබඳව ෂුන් ෆුක් මහතා කරුණු පැහැදිලි කළ අතර, ඒ සඳහා අවශ්ය සියළු පහසුකම් සැපයීමට ශ්රී ලංකාව සූදානම් බව වික්රමසිංහ මහතා පැවසීය.
සංචාරක කර්මාන්තයේ උන්නතිය සඳහා දෙරට අතර වීසා රෙගුලාසි තවදුරටත් ලිහිල් කිරීම සම්බන්ධයෙන් ද සාකච්ඡා ළඟදීම ඇරඹීම සම්බන්ධයෙන් ද මෙහිදී සාකච්ඡා කෙරිණි.
ලබන නොවැම්බරයේ ශ්රී ලංකාවේ ව්යාපාරික නියෝජිත පිරිසකගේ වියට්නාම් සංචාරයක් සංවිධානය කිරීමට ද, ඉන්පසු ව්යාපාරික ක්ෂේත්රයේ නිරන්තර හුවමාරු වැඩසටහන් සංවිධානය කිරීමට ද මෙහිදී තීරණය කෙරිණි.
ශ්රී ලංකාව සහ වියට්නාමය අතර ධීවර කර්මාන්තය පිළිබඳ අවබෝධතා ගිවිසුමක් සකස් කිරීමට එකඟ වූ දෙරටේ අග්රාමාත්යවරු, ආර්ථික සම්බන්ධීකරණ කාර්යයන් වෙනුවෙන් ස්ථාපිත කර ඇති ඒකාබද්ධ කමිටුවේ කාර්යයන් කඩිනම් කිරීමේ හා පුළුල් කිරීමේ අවශ්යතාවය පිළිබදව ද අවධාරණය කළේය.
කලාපීය සමාජයීය, ආර්ථික හා දේශපාලන ප්රවණතාවන් සම්බන්ධයෙන් ද මේ සාකච්ඡාවේ දී අදහස් හුවමාරු කර ගැනිණි.
ඉන්දීය සාගරයේ නිදහස් නාවුක ගමනාගමනය හා සාමය ආරක්ෂා කරලීම වෙනුවෙන් කැපවී කටයුතු කරන බව අග්රාමාත්යවරු සහතික කළහ.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වියට්නාම් අගමැතිගෙන් සබඳතා ශක්තිමත් කිරීමේ යෝජනාවක්
Raveendra Tuesday, 11 September 2018 10:23 AM
මං ඔයාට රහසක් කියන්නද මෙයා.....ඕනෑම රටක තියෙන ලොකුම බැංකුව හොරා කන්නේ මෙහෙමයි.... හැබැයි කාටවත් කියන්න එපා හොදේ.... ඔයාට විතරමයි කිව්වේ..