(ඉන්දික අරුණ කුමාර)
ලග්ගල මැතිවරණ කොට්ඨාසයේ රාජ්ය ආයතන භූමි වල හා වාරි ඇල මාර්ග ආශ්රීතව නීති විරෝධී මැණික් පතල් කැපීමේ කටයුතු දැඩිව සිදුවන බව ලග්ගල ප්රාදේශිය සභාවේ ශ්රී ලංකා නිදහස් පක්ෂ මන්ත්රි ඉෂාර උදය බණ්ඩාර හේරත් මහතා පවසයි. අද (12) මාධ්ය වෙත අදහස් දක්වමින් හෙතෙම මෙම අදහස් පළ කළේය.
ලග්ගල පොලිස්ථානයේ ද සහාය ඇතිව මෙම මැණික් පතල් කැපීමේ කටයුතු සිදුවන බවට චෝදනා කළ මන්ත්රිවරයා කියා සිටියේ ජනතාව දැනුවත් කළ ආකාරයට අදාල ස්ථාන පරික්ෂා කර ලග්ගල පොලිසියට ද පැමිණිලි කළ බවයි.
ලග්ගල ප්රදේශයේ වැල්ලේවල ක්වාටස් වත්ත ඉදිරිපිට, 44 දෙවට පාර වාරිමාර්ග ඇල හා වාන සහ ජල පිටවුම් මාර්ග පස් කැනීම් හේතුවෙන් සම්පුර් ණයෙන්ම විනාශ වී ඇති බව ද හෙතෙම කියා සිටියේය.
මීට අමතරව වාරි මාර්ග දෙපාර්තමේන්තුවට අයත් හතේ බටේ නම් ස්ථානය ද කැණිම් හේතුවෙන් සම්පුර්ණයෙන්ම විනාශ වී ඇති බව මන්ත්රිවරයා කියා සිටියේය.
පරිසරයට සිදුව ඇති හානිය සම්බන්ධයෙන් පරිසර අමාත්යවරයා වන ජනාධිපති මෛත්රිපාල සිරිසේන මහතා දැනුවත් කිරිමට ද මේ වන විට පියවර ගෙන ඇති බව ද හෙතෙම කියා සිටියේය.
මැණික් පතල් ව්යාපාරය කළුගග ප්රදේශයේ කලක් තිස්සේ සිදුවන බවත්, එය බලපත්ර සහිත පෞද්ගලික ඉඩම් වලට පමණක් එය සීමා වී තිබු බවත් කියා සිටින ඉෂාර උදය බණ්ඩාර හේරත් මහතා අවධාරණය කර සිටියේ රජයේ භූමී වල මැණික් පතල් කැපීම මාස කිහිපයක සිට සිදුවන්නක් බවයි.
ලග්ගල පොලිස්ථානාධිපතිවරයා ලග්ගල පොලිස්ථානය භාර ගැනීමෙන් පසු මෙම තත්ත්වය උදාවිම සම්බන්ධයෙන් තමන් කණගාටු වන බව ද හෙතෙම කියා සිටියේය.
රජයේ භූමිවල අනවසර මැණික් පතල් කැපීම සම්බන්ධයෙන් පොලිස්ථානාධිපති වරයා වගකීම දැරිය යුතු බව ද හෙතෙම කියා සිටියේය.
චෝදනා එල්ල වන සිද්ධිය සම්බන්ධයෙන් ලග්ගල පොලිස්ථානාධිපති ප්රධාන පොලිස් පරික්ෂක කේ.එස්. දර් ශන මහතාගෙන් කළ විමසීමක දී හෙතෙම කියා සිටියේ මේ වන විටත් සිද්ධිය සම්බන්ධයෙන් පරීක්ෂණ ක්රියාත්මක වන බවයි.
එමෙන්ම සිද්ධියට අදාළව පොලිස් මාධ්ය ප්රකාශකවරයාගේ අවසරයකින් තොරව ප්රකාශ නිකුත් කළ නොහැකි බවත් හෙතෙම කියා සිටියේය.
චෝදනා එල්ල වන සිද්ධිය සම්බන්ධයෙන් විමර්ශනයක් සිදුවන්නේ ද යන්න පිළිබඳ කළ විමසීමක දි හෙතෙම කියා සිටියේ ඕනෑම සිදුවීමක් සම්බන්ධයෙන් පොලිසියට ලැබෙන පැමිණිලි මත අවශ්ය කටයුතු සිදුකර නිතිමය ක්රියාමාර්ග ගන්නා බවයි.
ලග්ගල ප්රදේශයේ සිදුව ඇතැයි කියන ඇල මාර් ග හා රජයේ භූමිවල මැණික් පතල් කැපීම් සම්බන්ධයෙන් රාජ්ය මැණික් සංස්ථාවේ නාඋල ප්රාදේශිය කාර්යාලයේ ප්රාදේශිය කළමණාකරු සංජීව මූණමල්පේ මහතාගෙන් ද විමසීමක් කළ අතර එහි දි ඔහු කියාසිටියේ අධිකාරි බලතල ප්රකාරව අදාල ප්රදේශයේ පොලිසියට රාජ්ය දේපල ආරක්ෂා කිරිමේ බලය පවතින බවයි.
අදාල ප්රදේශයේ රාජ්ය දේපල විනාශවීමක් සිදුවි ඇති බව සදහන් කළ සංජීව මහතා කියා සිටියේ කැණිම් හේතුවෙන් ගොවීන්ට ජලය ලබාදෙන වාරි ඇළ මාර්ගයට දැඩි හානි සිදුව ඇති බවයි.
රාත්රී කාලයේ සිදුව ඇති කැණිම් සම්බන්ධයෙන් මැණික් සංස්ථාව මේ වනවිටත් පරීක්ෂණයක් කරන බව කියා සිටි සංජීව මහතා අවධාරණය කළේ පොලිසිය ද සිද්ධිය සම්බන්ධයෙන් පරික්ෂණයක් ආරම්භ කර ඇති බවයි.
සිද්ධියට අදාළ පුද්ගලයින් සම්බන්ධයෙන් විවිධ තොරතුරු වාර්තා වන බවත් සාක්ෂි සහිතව එම තොරතුරු අනාවරණය වී නොමැති බව ද හෙතෙම කියා සිටියේය.
සිද්ධිය සම්බන්ධයෙන් වාරිමාර්ග දෙපාර්තමේන්තුව සමඟ කළ සාකච්ඡාවේ දී අනාවරණය වු කරුණු වලට අනුව ලබන මස දී ගොවීන්ට ජලය නිකුත් කිරීමට කටයුතු යොදා ඇති අතර වාරි මාර්ග දෙපාර්තමේන්තුව ද සිද්ධිය සම්බන්ධයෙන් ලග්ගල පොලිසියට පැමිණිලි කර ඇති බව ද සංජීව මූණමල්පේ මහතා කියා සිටියේය.
පොලිසිය සිද්ධිය සම්බන්ධයෙන් පරික්ෂණ සිදුකර සැකරුවන්ට එරෙහිව අධිකරණ ක්රියාමාර්ග ගනු ඇතයි සදහන් කළ සංජීව මහතා වැඩිදුරත් කියා සිටියේ සිද්ධිය සම්බන්ධයෙන් මැණික් සංස්ථාවේ පරීක්ෂණ කටයුතු ද අඛණ්ඩව සිදුකරගෙන යන බවයි.
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වාරි මාර්ග වනසා ලග්ගල මැණික් ගරති