රුසියාව අද (11) චීනය සමඟ එක්ව දැවැන්ත යුද අභ්යාසයක් ඇරඹීය. චීන සොල්දාදුවන්ගේද සහභාගීත්වයෙන් ආරම්භ වූ මෙම යුද අභ්යාසයට රුසියානු සොල්දාදුවන් දහස් ගණනකට වැඩි පිරිසක් සහභාගී වූහ.
‘මහා පරිමාණ ගැටුමක්’ සූදානම් වීමක් යැයි මෙම යුද අභ්යාසය විවේචනය කරමින් නේටෝ සංවිධානය නිවේදනය කර තිබිණි.
නැගෙනහිර රුසියාවේ නගරයක් වන වැලැඩිවොස්ටොක්හිදි ආර්ථික සමුළුවට සහභාගී වීමෙන් අනතුරුව රුසියානු ජනාධිපති ව්ලැදිමීර් පුටින් යුද අභ්යාසය නිරීක්ෂණය සඳහා පැමිණීමට නියමිතය. ආර්ථික සමුළුවට සහභාගී වීම සඳහා චීන ජනාධිපති ෂී ජින්පින්ග් සහභාගී වී සිටින අතර ඔහු ද යුද අභ්යාස නිරීක්ෂණයට පැමිණීමට නියමිත යැයි වාර්තා වේ.
අද ආරම්භ වූ මෙම යුද අභ්යාසය සතියක් මුළුල්ලේ පැවැත්වීමට නියමිතය. “වොස්ටොක් 2018 (නැගෙනහිර 2018)” යනුවෙන් මෙම යුද අභ්යාසය නම් කර තිබේ.
සොල්දාදුවන් 300,000කට ආසන්න පිරිසක් සහභාගී වන මෙම යුද අභ්යාසයට යුද වාහන 36,000ක්, නැව් 80ක් යොදා ගැනීමට නියමිතය. ඊට අමතරව ගුවන් යානා, හෙලිකොප්ටර් සහ ඩ්රෝන යානා 1,000ක් ද ඊට යොදාගැනේ.
යුද අභ්යාසවලට චීන සෙබළු 3,500කට ආසන්න පිරිසක් ද සහභාගි වී සිටිති.
“දේශපාලන සහ ආරක්ෂක යන අංශවලින් අපත් චීනයත් අතර ශක්තිමත් සහ විශ්වාසවන්ත සබඳතාවක් තිබෙනවා” යැයි රුසියානු ජනාධිපති පුටින් පැවැසීය.
“දෙරටේ මිත්රත්වය දිගින් දිගටම ශක්තිමත් වෙමින් තිබෙනවා” යැයි ඊට ප්රතිචාර දක්වමින් චීන ජනාධිපති ෂී ජින්පින්ග් කීය. මෙම යුද අභ්යාසවල මොංගෝලියානු සෙබළු ද එක්ව සිටිති.
රුසියාවට බටහිර රටවල් අතර සබඳතා මතභේද උග්ර වෙමින් තිබෙන සමයක මෙම යුද අභ්යාසය පැවැත්වෙයි. බටහිර රටවල ක්රියාකාරකම්වලට, යුක්රේනයේ සහ සිරියාවේ අභ්යන්තර කටයුතුවලට රුසියාව මැදිහත්වීම යනාදිය නිසා රුසියාවත් බටහිර රටවල් අතරත් සබඳතා දැඩි මතභේදාත්මක තත්ත්වයකට ලක්ව තිබේ.
සෝවියට් සමූහාණ්ඩුව බිඳ වැටීමෙන් අනතුරුව පැවැත්වෙන විශාලතම යුද අභ්යාස මෙය යැයි ද පැවැසිණි. මෙම යුද අභ්යාසයට “වෝසොව් සම්මුතියේ” සොල්දාදුවන් සහ සෝවියට් සමූහාණ්ඩුවේ සොල්දාදුවන්ගේ සහභාගීත්වයෙන් පැවැති “සාපැඞ් 81 (බටහිර 81)” යුද අභ්යාසයට සමාන යැයි රුසියානු හමුදාව සඳහන් කළේය. එම යුද අභ්යාසයට සොල්දාදුවන් 100,000ත් 150,000ත් අතර පිරිසක් සහභාගී වූ බව පැවසේ. එම යුද අභ්යාසය සෝවියට් සමයේ පැවැත්වුණු විශාලතම යුද අභ්යාසය යැයි ද පැවසේ.
ඒ.එෆ්.පී
055
බස්නාහිර සහ සබරගමුව පළාත්වලත්ගාල්ල සහ මාතර දිස්ත්රික්කවලත් පස්වරු 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්යා දෙපාර්
බදුල්ල සිට කොළඹ කොටුව බලා ධාවනය වෙමින් තිබූ රාත්රි තැපැල් දුම්රියට හැටන් දුම්රිය ස්ථානයේදී ගොඩවීමට ගිය මගින් පිරිසක් සහ දුම්රිය මැදිරියක සිටි මගීන
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් පස්වරු 2.00 පමණ පසු තැනින් තැනට ගිගුරුම් සහිත වැසි ඇති වේ.
පාර්ලිමේන්තු සංකීර්ණයට පිවිසෙන ජයන්තිපුර ප්රධාන පරීක්ෂා මුරපොළේ සිවිලිමේ කොටසක් කඩා වැටීමෙන් පොලිස් නිලධාරියකු තුවාල ලබා ඇත.
ඕමාන මුහුදේදී අනතුරට පත් ඉන්ධන ප්රවාහන නෞකාවක සිටි ශ්රී ලාංකික නාවිකයන් 21 දෙනකු බේරා ගැනීමට ඉරාන හදිසි සේවා සමත් වී ඇතැයි එරට මාධ්ය වාර්තා කළේය.
පාස්කු දින ත්රස්ත ප්රහාරය සම්බන්ධයෙන් පරීක්ෂණයක් කරන බවට කළ පොරොන්දුවකින් එක වාර්තාවක් අතපුච්චාගත් බවත් බලයට පැමිණි පසු පාස්කු දින ත්රස්ත ප්රහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රුසියාව දැවැන්ත යුද අභ්යාසයක
රවින් Wednesday, 12 September 2018 03:07 AM
නේටෝ රුසියාව වටේ මිසයිල සවිකරන්නේ කුරුල්ලන්ට තියන්න වෙන්නැති. ඇමරිකාව ලොවට කරන තර්ජන ගර්ජන හා කෙනහිලිකම්වලට නිසි පිළිතුරු දීමට හැකියාවක් අනිකුත් රටවලට තියනවා කියලා පෙන්වන්න හැකියාවක් මේ අභ්යාසයෙන්වත් ලැබේවා!!!
කීර්ති Monday, 17 September 2018 08:49 AM
හොඳයි කාටවත් විනාශයක් නොවේවා.......... කොහොමත් රුසියාව චීනය කියන්නේ හොද රටවල්