(නිමල කොඩිතුවක්කු)
මැතිවරණ සඳහා පවත්නා නඩු විභාග කිරීමට වෙනමම අධිකරණයක් ස්ථාපිත කළ යුතු බව මැතිවරණ ප්රචන්ඩක්රියා නිරීක්ෂණ මධ්යස්ථානයේ ජාතික සම්බන්ධීකාරක මංජුල ගජනායක මහතා අද (14) පැවසීය.
මැතිවරණ සම්බන්ධයෙන් වන නඩු තීන්දු කඩිනම් කිරීම සඳහා මෙම පියවර ගත යුතුව ඇතැයිද ඔහු සඳහන් කළේය.
මරදාන පිහිටි සමාජ හා සමයික කේන්ද්රයේදී පැවති මාධ්ය හමුවකට එක්වෙමින් ඒ මහතා මේ බව පැවසීය.
එහිදී වැඩිදුරටත් අදහස් දැක්වූ මංජුල ගජනායක මහතා මෙසේද කීය.
‘‘පළාත් සභා අටක් මේ වනවිට විසුරුවා හැර තිබෙනවා. පළාත් සභා ඡන්දය පැවැත්වීම සම්බන්ධයෙන් ශ්රේෂ්ඨාධිකරණයේ තීන්දුව ඉදිරියේදී ලැබීමට නියමිතව තිබෙනවා. ශ්රේෂ්ඨාධිකරණය මේ පිළිබඳව ගන්නා කවර තීරණයක් වුවත් පිළිගැනීමට අපි බැඳී සිටිනවා.
ඡන්ද කල් නොදැමීමේ සංස්කෘතියක් අපි ඇති කර ගත යුතුයි. ඒ වෙනුවෙන් අපිත් අවස්ථා කිහිපයකදීම අධිකරණයට ගොස් තිබෙනවා. නමුත් මේවායේ තීන්දු ලබාදීම සඳහා යම්කිසි කාලයක් ගතවෙනවා.
ඒ නිසා මැතිවරණ සඳහා පවත්නා නඩු විභාග කිරීම සඳහා මේ රටේ වෙනමම අධිකරණයක් ස්ථාපිත කළ යුතුයි. යම් තීරණාත්මක මැතිවරණ පෙත්සමක් සැලකිය යුතු කලක් ප්රමාද වීම ඉතා අවාසනාවන්ත තත්වයක්
ජනාධිපතිවරණයට තවත් කෙටි කලක් තිබියදීම වියදම් කිරීම අරඹා ඇත. දේශපාලන පක්ෂ මේ සඳහා දිනපතා රුපියල් මිලියන ගණන් වියදම් කිරීම අරම්භ කර තිබෙනවා.
මැතිවරණ සඳහා වැයවන අනවශ්ය වියදම් නතර කිරීම සඳහා මැතිවරණ ප්රචණ්ඩ ක්රියා නිරීක්ෂණ මධ්යස්ථානය හා පැෆ්රල් සංවිධාන මැතිවරණ වියදම් නියාමනය කිරීමේ පනත් කෙටුම්පතක් හා සමාන ලේඛනයක් සකස් කර තිබෙනවා.
මැතිවරණ කොමිසන් සභාවත් පනත් කෙටුම්පතක් සකස් කොට ඇති අතර එය දැනටමත් නීති කෙටුම්පත් දෙපාර්තමේන්තුවේ අනුමැතියෙන් නීතිපතිවරයා වෙත ලැබී තිබෙනවා. මෙය කඩිනමින් පාර්ලිමේන්තුවේ සම්මත කර ගැනීම සොරකමට විරුද්ධ දියුණු දේශපාලන සංස්කෘතියකට ලැදි දේශපාලන නායකයන්ගේ වගකීම විය යුතුයි.
මේ රටේ මැතිවරණ වියදම් ගැන දත්ත හා සංඛ්යා ඇත්තේ ඉතා අවම වශයෙන්. මැතිවරණ කොමිසන් සභාව වෙත රජයෙන් ලබා දෙන මුදල් පිළිබඳ නිල වාර්තා වලට අනුව ජනාධිපතිවරණය 2005, මුලු වියදම මිලියන 715 ක්, ජනාධිපතිවරණය 2010, මුලු වියදම මිලියන 1856 ක්, ජනාධිපතිවරණය 2015 මුලු වියදම මිලියන 2706 ලෙස සටහන් වෙනවා.
එළඹෙන ජනාධිපතිවරණය 2020, මුලු වියදම මිලියන 4,000 කට ආසන්න වේ. මේ මුදල් මැතිවරණ කොමිසන් සභාව නිල වශයෙන් වැය කල මුදල් පමණයි.
මෙයට අමතරව මැතිවරණ ප්රචාරය, ගමනාගමන , ප්රචාරක රැලි පැවැත්වීම, තම ආධාරකරුවන්ට විවිධ වරප්රසාද මෙන්ම ආහාරපාන ආදිය ලබා දීම සඳහා වැය කර ඇති මුදල බිලියන 5 කට ආසන්න විය හැකියි. මේවා පිළිබඳ කිසිඳු නිල සංඛ්යා ලේඛනයක් ඉදිරිපත් වන්නේ නැහැ.
මෙවර ජනාධිපතිවරණයේ බොහෝ වියදම් පිළිබඳ දිවයිනම ආවරණය වනසේ මැතිවරණ ප්රචණ්ඩ ක්රියා නිරීක්ෂණ මධ්යස්ථානය මගින් සමීක්ෂණයක් සිදුකෙරේ. මැතිවරණය අවසන්ව මසක් ඇතුළත අදාළ වාර්තාව ජනගත කිරීමට අපේක්ෂා කරනවා’’ යැයිද ඔහු එහිදී පැවැසීය.
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැතිවරණ සඳහා වෙනමම අධිකරණයක් ඉල්ලයි
ලුම්බිණි Thursday, 15 August 2019 01:14 AM
මැතිවරණ සඳහා වෙනමම අධිකරණයක් දෙනවා කියන්නේ අනවශ්ය වියදමක්. තිබෙන උසාවි වලින් මේ නඩු වලට ප්රමුඛත්වයක් දීල ඇහුවම ප්රශ්නේ ඉවරයි.
Mahee Thursday, 15 August 2019 02:27 AM
ඕන තීන්දුවක් මං ලියලා දෙන්නම් කියපු වර්ගයේ නඩුකාර උත්තමයන් කීපදෙනෙකුත් ඒකට දාගම්මු.
මුණසිංහ Thursday, 15 August 2019 02:33 AM
ඊට කලින් ඡන්ද පැවැත්වීමට නියම කරන්න අධිකරණයක් දාන්න.
ගල්කටස් Thursday, 15 August 2019 03:33 AM
සාමාන්ය ජනතාවගේ නඩු කල් ගියාට කමක් නැහැ. ඔවුන්ගේ නඩු ඉක්මනට අහගන්න ඕනෑ. අවු 10 -15 විසඳුමක් නැතිව අැදෙන නඩු ඉක්මනට ඉවර කරන්න ක්රියාමාර්ගයක් ගන්න. නැතිව එක එකාට ඕනෑ විදිහට උසාවි හදන්නේ නැතිව නැත්නම් ඉස්සරහට තව තව මොනවා එ්විද දන්නේ නැහැ..