(විනීතා එම් ගමගේ)
මහ මැතිවරණයේ නිරීක්ෂණ කටයුතුවල දී පූර්ව මැතිවරණ සමයේ මෙන්ම මීට පෙර මැතිවරණවල දී ප්රචණ්ඩත්වය හා මැතිවරණ දූෂණ වැඩි යැයි හඳුනාගත් ප්රදේශ කිහිපයක් නිරීක්ෂණය කිරීම සඳහා ජාතික මට්ටමින් නිරීක්ෂකයන් යෙදවීමට පැෆරල් සංවිධානය පියවර ගෙන ඇත.
යාපනය දිස්ත්රික්කයේ ප්රදේශ කිහිපයක් මෙන්ම මහනුවර, පුත්තලම, අම්පාර, නාවලපිටිය, කුරුණැගල, ගම්පහ, හම්බන්තොට ඇතුළු ප්රදේශ කිහිපයක් මෙසේ විශේෂ නිරීක්ෂණයකට ලක්කරන බව ද එම සංවිධානය කියයි.
මෙවර මැතිවරණයේ දී නිරීක්ෂකයන් 5000 ක් යොදවන බවත් ජංගම රථ 260 කද, ගණන් කිරීමේ මධ්යස්ථානවල නිරීක්ෂකයන් 250 දෙනෙක් ද ඡන්ද මධ්යස්ථානවල ද නිරීක්ෂකයන් යෙදවීමට නියමිත බව පැෆරල් විධායක අධ්යක්ෂ රෝහණ හෙට්ටිආරච්චි මහතා ගොවි කටයුතු පර්යේෂණ හා පුහුණු කිරීම් ආයතනයේ පැවති මාධ්ය හමුවක දී අදහස් දක්වමින් ප්රකාශ කළේය.
මේ අතර දිගුකාලින නිරීක්ෂකයන් 325 දෙනෙකු දිගටම නිරීක්ෂණ කටයුතුවල යෙදෙන්නේ යැයි ද ඔහු කියා සිටියේය. පූර්ව මැතිවරණ නිරීක්ෂණ සමයේ නිරික්ෂණ පිළිබඳ කථා කළ හෙට්ටිආරච්චි මහතා මේ වනවිට පැෆරල් වෙත ලැබී ඇති පැමිණිලි 1785 න් 84.5% ක් මේ වනවිට තහවුරු කර ඇතැයි ද කීය.
මැතිවරණයට සති එකහමාරක් තිබිය දී සිට යම් තරමකින් ප්රචණ්ඩත්වය වැඩිවී යැයි ද දිගින් දිගමට වැඩි වන රාජ්ය දේපල අයුතු භාවිතය හා මැතිවරණ නීති උල්ලංඝණය කිරීම් පිළිබඳව පැෆරල් සංවිධානයේ අවධානය යොමුවී ඇතැයි ද ඔහු සඳහන් කළේය.
ඡන්දය ප්රකාශ කරන්නට යනවිට පෑනක් රැගෙන යන්නැයි මැතිවරණ කොමිසම දන්වා තිබිය දී අපේකෂකයෝ රැසක් තම අංකය නම හා සළකුණ යෙදූ පෑන් ඡන්දදායකයින් අතර බෙදා දීම අල්ලස් දීම ඉක්මවා ගිය වරදක් බවට පත්වන්නේ යම් හෙයකින් එම ඡන්ද දායකයින් ඔවුන්වෙත ලැබුණු පෑන් ඡන්ද මධ්යස්ථාන වෙත ගෙන යාමට ඉඩකඩ ඇති බැවින් යැයි කී ඔහු මේ තත්ත්වය වළක්වන්නට නොහැකි වුවහොත් පෑන් ගෙන ඒමේ දී පරීක්ෂාවට ලක්කිරීමට ඉඩ ඇතැයි ද සඳහන් කළේය.
විශේෂයෙන් සංවර්ධන ව්යාපෘතිවල යම් අයිතියක් ආණ්ඩු පක්ෂයේ දේශපාලඥයන්ට ඇතැයි පිළිගන්නා නමුත් මේ අවස්ථාවේ මැතිවරණයට ඉදිරිපත් වන අපේක්ෂකයන් ඒවාට යාම හා එම ව්යාපෘති ප්රවර්ධනය කිරීම අනුමත කළ නොහැකි යැයි කී ඔහු එය සදාචාරාත්මක නොවන බව ද කීය.
බඩු බෙදාදීම් තවමත් සිදුවන්නේ යැයි ද ඒවා පිළිබඳ අවධානයෙන් සිටින්නේ යැයි ද ඔහු කියා සිටියේය. මෙවර මැතිවරණයේ දී සමාජ මාධ්ය භාවිතා කරමින් චරිත ඝාතන කිරීම් හා වැරදි තොරතුරු සමාජ ගතකිරීම් වෛරී ප්රකාශන වැපිරීම් ද සිදුවන බවත් ඒවා නිරික්ෂණය ද පැෆරල් සංවිධානය විසින් සිදුකරන බවත් හෙට්ටිආරච්චි මහතා පවසා සිටියේය.
දේශපාලන අයිති අහිමි මාණ්ඩලික නිලධාරින් දේශපාලනයේ යෙදුණු අවස්ථා පිළිබඳ වාර්තා වී ඇති බවත් ඒවා තහවුරු කරගත් පසු අධිකරණමය ක්රියාමාර්ග ගැනීමට පියවර ගන්නා බවත් හෙතෙම සඳහන් කළේය.
ලංකාව සමග මනා හවුල්කාරිත්වයකින් ඉදිරියට යාමට ඉරානය සූදානම් බව ඉරාන ජනාධිපති ආචාර්ය ඊබ්රහිම් රයිසි මහතා පැවසීය.
චීන කොමියුනිස්ට් පක්ෂයේ මධ්යම කාරක සභාවේ සහ ජාත්යන්තර දෙපාර්තමේන්තුවේ උප අමාත්යවරිය වන සන් හෙයාන් සහ ශ්රී ලංකාවේ චීන තානාපති ෂී ෂෙන් හොන් මහත්ම
ඉරාන ජනාධිපති ඊබ්රහම් රයිසි මහතා ඇතුළු රාජ්ය දූත මණ්ඩලයට ආරක්ෂාව සැපයීම සදහා මාර්ග වසා තැබීම හේතුවෙන් අද (24) රියැදුන් ඇතුළු මගීහු විශාල සංඛ්යාවක් ද
ශ්රී ලංකා නිදහස් පක්ෂයේ ඇති වී තිබෙන ආරවුල විසඳා ගැනීම සඳහා හෙට (25)පස්වරු 3.00ට කොළඹ 10 ටී බී ජයා මාවතේ පිහිටි එක්සත් ජනතා නිදහස් සන්ධාන ප්රධාන කාර්යාලය
ආරක්ෂක ලේකම් ජෙනරල් කමල් ගුණරත්න සහ රුසියානු සමූහාණ්ඩුවේ ආරක්ෂක කවුන්සිලයේ ලේකම් නිකොලායි පැට්රොෂොව් යන මහත්වරු අතර ආරක්ෂක අභියෝගවලට මුහුණදීමට දැ
ආනයනික කිරිපිටි කිලෝවක මිල රුපියල් 250 ත් 300ත් අතර මුදලකින් හෙට (25) පහළ දැමීමට නියමිත බව කිරිපිටි ආනයනකරුවෝ පවසති.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැතිවරණ දූෂණ වැඩි ප්රදේශ නිරීක්ෂණයට ජාතික මට්ටමේ නිරීක්ෂකයන්