(දයාරත්න ඇඹෝගම)
බස්නාහිර පළාතෙන් අනුරාධපුරයට පැමිණෙන පුද්ගලයන්ගේ සංඛ්යාව සිමාකිරීමට කටයුතු කරන්නැයි ජාතික කොවිඩ් -19 බලකාය වෙත දන්වා යවන ලෙස උතුරු මැද පළාත් ආණ්ඩුකාර මහීපාල හේරත් මහතා අනුරාධපුර දිස්ත්රික්කයේ කොවිඩ් 19 වසංගත රෝගය වැළැක්වීමේ දිස්ත්රික් කමිටුවේ නිලධාරින්ට අද (25) උපදෙස් දුන්නේය.
අනුරාධපුර දිස්ත්රික්කය කොවිඩ්19 වසංගත රෝගය වැළැක්වීමේ දිස්ත්රික් මෙහෙයුම් කමිටු රැස්වීම උතුරු මැද පළාත් ආණ්ඩුකාර මහීපාල හේරත් මහතාගේ ප්රධානත්වයෙන් උතුරු මැද පළාත් සභා ශ්රවණාගාරයේ දී අද (25) පැවැත්විණි.
මෙහිදී අදහස් දැක්වූ පළාත් ආණ්ඩුකාර මහීපාල හේරත් මහතා පැවසූයේ පාසල් විවෘත කර තිබෙන අවස්ථාවේ ඉතාම සැලකිලිමත්ව කටයුතු කළ යුතු බවත් මේ ප්රදේශයට බස්නාහිර පළාතෙන් පැමිණෙන පුද්ගලයන් විශේෂයෙන් පරීක්ෂා කර බැලිය යුතු බවත් අත්යවශ්ය කටයුත්තක් ඇත්නම් පමණක් අනුරාධපුරයට පැමිණෙන ලෙස ඉල්ලා සිටින බවත්ය.
එම නිසා බස්නාහිර පළාතෙන් අනුරාධපුරයට පැමිණෙන පුද්ගලයන්ගේ සංඛ්යාව සීමාකිරිමට කටයුතු කර දෙන ලෙසට, දිස්ත්රික් බලකායේ ඉල්ලීමක් ලෙස ජාතික කොවිඩ් -19 බලකාය වෙත දන්වා යවන ලෙස ආණ්ඩුකාරවරයා විසින් මෙහිදි උපදෙස් දෙන ලදී.
අනුරාධපුර දිස්ත්රික්කයෙන් මේ දක්වා කොරෝනා රෝගය ආසාධිත වු පුද්ගලයන් 19 දෙනෙකු හමුවී ඇති බවත් තවත් පුද්ගලයන් 1294 දෙනෙකු සිය නිවෙස් තුලම නිරෝධායනයට ලක් කොට ඇති බවත් උතුරු මැද පළාත් සෞඛ්ය සේවා අධ්යක්ෂ පාලිත බණ්ඩාර මහතා පැවසීය.
අනුරාධපුර දිස්ත්රික්කයේ මේ වන විට ප්රාදේශීය ලේකම් කොට්ඨාස මට්ටමින් ඉපලෝගම 02, නොච්චියාගම 02, මධ්යම නුවරගම් පළාතෙන් 08, නැගෙනහිර නුවරගම් පළාතෙන් 02, රාජාංගනය 01, රඹෑව 01, තළාව 01, තඹුත්තේගම 01 අයෙකු සහ නගර සීමාවේ 01 අයෙකු වශයෙන් කොරෝනා ආසාදිතයන් 19 දෙනෙකු හමුවී ඇති බවද වෛද්ය පාලිත බණ්ඩාර මහතා වැඩිදුරටත් පැවසීය.
මෙම අවස්ථාවට අතිරේක දිස්ත්රික් ලේකම් රුවන් නවරත්න, ආණ්ඩුකාර ලේකම් ඒ.කේ.එන්. වික්රමසිංහ , පළාත් සෞඛ්ය අමාත්යංශ ලේකම් කේ.පී. සිරිබද්දන, ප්රධාන අමාත්යංශ ලේකම් පේමසිරි රත්නායක ඇතුළු රාජ්ය ්ය්ය නිලධාරීන් මෙන්ම ආරක්ෂක අංශ නියෝජනය කරමින් නිලධාරීහු පිරිසක් ද එක්ව සිටියහ.
පාස්කු ප්රහාරය සම්බන්ධයෙන් තමන් දන්නා කරුණු ලබන 04 වැනිදා අධිකරණය හමුවේ පෙනී සිට ප්රකාශයක් කරන ලෙස හිටපු ජනාධිපති මෛත්රීපාල සිරිසේන මහතාට මාලිගාක
බාල බෙහෙත් ජාවාරම සම්බන්ධයෙන් රිමාන්ඩ් බාරයට පත්කර සිටින හිටපු සෞඛ්ය අමාත්ය කෙහෙළිය රඹුක්වැල්ල ඇතුළු වික්තිකරුවෝ ලබන 08 වැනිදා දක්වා තව දුරටත් රිම
සංවර්ධන ලොතරැයි මණ්ඩලය සිය වසර 40ක ඉතිහාසයේ වැඩිම ලාභය 2023 වසරේදී වාර්තා කර තිබේ.
කළුතර ප්රසිද්ධ පාසලක අද (28) දහවල් සිසුන්ට ලබාදුන් එන්නතින් පසු රෝගී වූ සිසුන් දස දෙනෙකු පමණ රෝහල් ගතකර ඇති බව කළුතර නාගොඩ ශීක්ෂණ රෝහල් ආරංචි මාර්ග සඳහන
ග්රෑන්ඩ්පාස්, සුගතදාස ක්රීඩාංගණය අසල පිහිටි ටයර් කඩයක ඇතිවූ ගින්නක් හේතුවෙන් තවත් ටයර් කඩයක් ඇතුළු කඩ තුනක් ගිනි ඇවිලමින් පවතී.
ශ්රී ලංකාවේ ජීවත්වන පුද්ගලයෙක්ට අවම මූලික අවශ්යතා ඉටුකරගැනීමට මසකට රුපියල් 17,014 ක මුදලක් අවශ්ය බව ජනලේඛණ හා සංඛ්යාලේඛන දෙපාර්තමේන්තුව පවසයි.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
බස්නාහිර සිට අ’පුරට එන පිරිස සීමාකරන්න
සමන්ත Wednesday, 25 November 2020 02:15 PM
අනුරාධපුරයට පැමිණෙන පිරිස සීමා කරන්න නම් අනුරාධපුරයෙන් බස්නාහිර පළාතට පැමිණෙන පිරිස්ද සීමා කළ යුතුයි. අනෙක් පළාත්වලට නැති ලෙඩක් අනුරාධපුරයට ඇතිවී තිබෙන්නේ කෙසේද යන්න සොයා බැලිය යුතුයි. ඔය අනුරාධපුරයේ කී දෙනෙක් ගම්පහ දිස්ත්රික්කයේ වෙළෙඳ කලාපවල රැකියාව කරනවද? එයට දක්වන ප්රතිඋපකාරය නම් ඉතාම හොඳයි. රාගම, වැලිසර, මහරගම, කොළඹ ජාතික රෝහල පැත්තටත් ඔය පැතිවල අයට එන්න වෙනවා. ඒක අමතක කරන්න එපා..
pakeer Wednesday, 25 November 2020 05:00 PM
උපකාරෙ තමයි පුළුවන් තරම් සංචරණය සීමා කරන එක. හැබැයි ලංකාවේ ඉන්නවා බූරුවො සෙට් එකක් ඒයාලාට ගාණක් නැහැ මොනවා වුණත්... එයාලාගේ වැඩේ විතරයි.
අජිත් රනවීර Wednesday, 25 November 2020 05:38 PM
මෙය ප්රායෝගිකව කළ නොහැක. ආහාර ද්රව්ය, බෙහෙත්, බස්නාහිර සේවය කරන මෙම ප්රදේශයේ පුද්ගලයන්, මෙම ප්රදේශයේ මන්ත්රීවරුන් රජයේ නිලධාරීන් බස්නාහිර පළාතට රාජකාරී කටයුතු හා ප්රධාන කාර්යාලයන් වෙත ගොස් ආපසු පැමිණිය යුතුව ඇත. හැබැයි වන්දනා කරුවන් පමණක් සීමා කිරීමට පුළුවන්... රට විවෘත කර ඇත්නම් මිනිස්සුන්ගේ අත්යාවශ්ය ගමන් බිමන් සීමා කිරීමට නොහැකියි.