පකිස්ථානයේ කරච්චි නුවර ඊයේ(22) සිදුවූ ගුවන් අනතුරින් 97 දෙනකු මියගොස් ඇතැයි මේ වනවිට තහවුරු වී ඇති බව සින්ද් පළාතේ සෞඛ්ය බලධාරීහු පවසති.
තවමත් පරීක්ෂණ අවසන් වී නොමැති බැවින් මියගිය සංඛ්යාව ඉහල යාමට ඉඩ ඇතැයි ද ඔවුහු පවසති.
අනතුර සිදුවන අවස්ථාවේ යානයේ මගීන් 91දෙනකු සහ කාර්යමණ්ඩලයේ අට දෙනකු සිට ඇති අතර මගීන් දෙදෙනකු දිවි බේරා ගැනීමට සමත් වී තිබේ.
ලාහෝර් සිට පැමිණි පකිස්ථාන ජාත්යන්තර ගුවන් සේවයට අයත් එයාර් බස් ඒ 320 යානය මෙලෙස කඩා වැටුණේ කරච්චි හි ජින්නා ගුවන්තොටුපලට ගොඩ බැස්වීමට සූදානම් වන අවස්ථාවේ දී ය.
යානය ගොඩබැස්වීමට දරන ලද පළමු උත්සාහය අසාර්ථක වී ඇති අතර දෙවැනි වර පහත් කිරීමට සූදානම් වෙද්දී යානය ගිනිගෙන කඩා වැටුණු බව ගුවන් බලධාරීහු පවසති.
පකිස්ථානයේ කොරෝනා වයිරසය ව්යාප්ත වීම හේතුවෙන් නවතා තිබූ වාණිජ ගුවන් ගමන් ආරම්භ කිරීමෙන් දින කිහිපයකට පසුව මෙම අනතුර සිදුවිය.
ජනාකීර්ණ පෙදෙසකට යානය කඩා වැටුණු අතර අනතුරට හේතුව තවම අනාවරණය වී නොමැත.
දිවි බේගත් මගීන් දෙදෙනාගෙන් එක් අයෙකු වන මුහම්මද් සුබෙයාර් මහතා පැවසුයේ යානය කඩා වැටීමට ආසන්න බව එහි සිටි කිසිවකු නොදැන සිටි බවයි. යානය සුමට ලෙස පියාසර කරමින් තිබූ බවත් ගොඩබැස්වීමට සිදුකළ එක් උත්සාහයකින් විනාඩි 15කට පමණ පසු කඩා වැටුණු බවත් ඔහු පැවසීය.
අනතුරින් පසු සුබෙයාර්ට සිහි නැතිවී ඇති අතර ඔහුට සිදුවී තිබුණේ සුළු තුවාල බව වෛද්යවරු පවසති.
මරණ 97ක් තහවුරු කරගෙන ඇති නමුත් ඔවුන්ගෙන් කී දෙනකු මගීන්ද යන්නත් භූමියේ පදිංචිකරුවන් කී දෙනකු ද යන්නත් පැහැදිලි නැත. බලධාරීනු පවසන්නේ මියගිය අයගෙන් 16 දෙනකු හඳුනාගෙන ඇති බවයි.
අනතුරින් දිවි බෝරාගත් අනෙක් තැනැත්තා පන්ජාබ් බැංකුවේ සභාපති සාෆර් මසුඩ් නැමැත්තෙකි. දිවි ගලවාගත් දෙදෙනාම යානයේ ඉදිරිපස ගමන් කරමින් සිට ඇත. තවත් කිහිපදෙනකු දිවිගලවාගෙන ඇතැයි විශ්වාස කරන නමුත් ඒවා මෙතෙක් තහවුරු වී නොමැති බව බලධාරීහු පවසති.
(බීබීසී ඇසුරිණි - 085)
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පකිස්තානයේ ගුවන් අනතුරින් 97ක් මරුට
සමිත සේනක අලුත්ගමගේ. Saturday, 23 May 2020 11:14 AM
අනේ දෙවියනේ .. ! අවසාන මොහොතේදී මොනවා සිතෙන්නට ඇතිද .. ?
ච්නද්රසෝම Saturday, 23 May 2020 09:24 PM
දින ගාණක් ගුවන් යානා ගාල් කර තිබිලා එකපාරට උඩයන්න පටන් ගන්නකොට මේ වගේ දේවල් ඉදිරියේදීත් වෙන්න පුළුවන්. මේ ගැන සැලකිල්ලෙන් සිතාබලන්න වෙලාව ඇවිත්.
අසේල Sunday, 24 May 2020 04:08 AM
ඉතාමත්ම කණගාටුදායක පුවතක්. සියලුදෙනාටම නිවන් සුව! දිවි ගලවා ගත් දෙදෙනා ගැන නම් කියලා වැඩක් නැහැ. ගුවන් අනතුරකින් දිවි ගලවා ගත්තා කියන්නේ ආශ්චර්යක්.