දුම්කොළ සමාගම් නීති විරෝධි සිගරට් ගෙන්වා එම සිගරට් භාවිතය වැඩි වන බවට රට තුළ ජනමතයක් ඇති කිරිමට උත්සාහ කරන බවට සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න මහතා චෝදනා කරයි.
“දුම්බීම අවම කිරිම සදහා ලෝක සෞඛ්ය සංවිධානය නිර්දේශ කර ඇති ක්රියාමාර්ග 10 න් 09 ක්ම ශ්රී ලංකාව ක්රියාත්මක කර තිබෙන බව පැවැසු අමාත්යවරයා දුම්වැටි සදහා 90% ක බදු පැනවීමේ දී විවිධ බලපෑම් එල්ල වු බවත් එහිදී සඳහන් කළේය.
දුම්වැටි භාවිතය අවම කිරිම සදහා ගත් ක්රියාමාර්ග හේතුවෙන් දුම්වැටි බිලියනයක් භාවිතයෙන් ඉවත් වී ඇති බවත්, දුම්වැටි වෙනුවට බීඩි භාවිතය වැඩි වී ඇති බවට බොරු මතයක් රටතුළ ඇති කර ඇතැයිද පැවැසීය.
නීති විරෝධී සිගරට් භාවිතය වැඩි වෙනවා නම් රජය, පොලීසිය, ශ්රී ලංකා රේගුව ඒකාබද්ධව එය පාලනය කිරිමට පියවර ගත යුතු බවත්, දුම්කොළ සමාගම් විසින් නීති විරෝධි සිගරට් ලංකාවට ගෙන ඒමට කටයුතු කර අනතුරුව, දුම්කොළ සමාගම ම ඔත්තුව ලබාදෙන බවත්, නීතී විරෝධි සිගරට් භාවිතය වැඩි වී ඇතැයි රට තුළ ජනමතයක් නිර්මාණය කරන බවද සඳහන් කළේය.
ඇතැම් රාජ්ය නිලධාරීන් දුම්කොළ සමාගම වෙනුවෙන් පෙනි සිටින බවද අමාත්යවරයා පැවසීය.
මහාචාර්ය සේනක බිබිලේ ඖෂධ ප්රතිපත්තියට අනුව ශ්රී ලංකාවට අවශ්ය ඖෂධ මෙරටදීම නිෂ්පාදනය කිරීමේ අරමුණින් හොරණ බැල්ලපිටිය ප්රදේශයේ ඉදි කළ හයවැනි ඖෂධ හා සුවඳ විලවුන් කර්මාන්ත ශාලාවේ ප්රථම අදියරේ ඖෂධ නිෂ්පාදනය ආරම්භ කිරීම වෙනුවෙන් අද (20) පැවැති උත්සවයකදී අමාත්යවරයා මේ බව සඳහන් කළේය.
දේශීය පෞද්ගලික සමාගමක් විසින් මෙම කර්මාන්ත ශාලාව ආරම්භ කෙරිණි.
ශ්රී ලංකාවට අවශ්ය ඖෂධ මෙරටදීම නිෂ්පාදනය කිරිම සදහා ආයෝජකයින් 46 දෙනෙකු සමග රාජ්ය ඖෂධ නිෂ්පාදන නීතිගත සංස්ථාව ගිවිසුම් අත්සන් කර ඇත.
ශ්රී ලංකාවට වාර්ෂිකව ඖෂධ ආනයනය කිරිම සදහා රුපියල් බිලියන 45 ක මුදලක් වැය කරයි.
එම මුදල ඉතිරි කර ගැනීමේ අරමුණින් සෞඛ්ය අමාත්යවරයා ඖෂධ නිෂ්පාදනය මෙරටදීම ආරම්භ කිරිම සදහා ඖෂධ කර්මාන්ත ශාලා ස්ථාපිත කිරීමට තීරණය කර තිබේ.
ඒ අනුව මහනුවර, හොරණ, රත්මලාන, කළුතර යන ප්රදේශවල කර්මාන්ත ශාලා 05 ක් මේ වන විට ඖෂධ නිෂ්පාදනය කරන බවත් 2020 වනවිට මෙරටට අවශ්ය ඖෂධ සියයට 85 ක් මෙරටදීම නිෂ්පාදනය කිරීම සදහා මෙම පියවර ගෙන ඇත.
(36698)
ජාවාරම්කරුවන් පිරිසක් විශ්රාමික හමුදා නිලධාරීන් පිරිසක් රුසියාවට යුක්රේනයට යවා හමුදා සේවයට බඳවාගෙන ඇති බවට ලැබී ඇති තොරතුරක් සම්බන්ධයෙන් පොලිසිය
මහවැලි ව්යාපාරයෙන් පසුව මෙරට ක්රියාත්මක දැවැන්තම වාරි ව්යාපෘතියක් ලෙස ලක් ඉතිහාසයට එක් වෙමින් උමා ඔය බහුකාර්ය සංවර්ධන ව්යාපෘතිය ඉරාන - ශ්රී ලං
රජයන් සහ ජනාධිපතිවරුන් කිහිප දෙනෙක්ම පාස්කු ප්රහාරය ගැන පරීක්ෂණ මන්දගාමීව සිදුකරමින් චෝදනා ලැබූ නිලධාරීන් ආරක්ෂක අංශවල ඉහළ පුටුවල තබා ගනිමින් සාධ
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
ඉරාන ජනාධිපති ඊබ්රහිම් රයිසි මහතා සහ එම ආර්යාව ඇතුළු රාජ්ය දූත මණ්ඩලය කටුනායක සිට කොළඹ දක්වා ගමන් කෙරන පස්වරු 2.00 ත් 3.00 ත් අතර කාලයත් මෙරටින් පිටත්වන ර
ඇල්ල කරදගොල්ල මලිත්තගොල්ල ප්රදේශයේ නාය යාම යලි සක්රීය වීමත් සමඟ එම ස්ථානයේ අවට පදිංචි පවුල් 10 ක් අද (24)ඉවත් කර ආරක්ෂිත ස්ථාන කරා යොමු කල බව ඇල්ල ප්රා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දුම්කොළ සමාගමට ඇමැති රාජිතගෙන් චෝදනාවක්
Mahesh Sunday, 20 January 2019 01:06 PM
බහුතරයක් බීඩි බොන කතාව නම් සත්ය කතාවක් ඇමැතිතුමෝ... පාසල් යන වයස් ඉන්න කොලුගැටයන්ගේ පටන් වැඩිහිටියන් දක්වා බහුතරයක් බීඩිවලට ඇබ්බැහි වී හමාරයි. මොකද සිගරට් එකක් ගන්න මුදලෙන් බීඩි 10ක් මිලදී ගැනීමට ඔවුන්ට අවස්ථාව සලසා තිබෙන නිසා...