දිස්ත්‍රික් ලේකම්ට විරෝධය

(ෂෙල්ටන් හෙට්ටිආරච්චි)

නුවරඑළිය දිස්ත්‍රික් ලේකම්වරියට එරෙහිව පුද්ගලයෙක් විරෝධතා පුවරුවක් සහිතව නුවරඑළිය දිසාලේකම් කාර්යාලය ඉදිරිපිටදී විරෝධතාවක් පැවැත්වීය.

රාජ්‍ය පරිපාලන හා චක්‍රලේඛනයට පටහැනිව ණය මුදලක් ලබා ගෙන මූල්‍ය වංචාවක් සිදුකර ඇති අයකුට වෙනත් ආයතනයක ඉහළ තනතුරක් ලබාදෙන්නේ කෙසේද යන්න ප්‍රශ්න කරමින් එම තරුණයා මෙලෙස විරෝධතාව කළේය.

මේ සම්බන්ධයෙන් නුවරඑළිය දිස්ත්‍රික් ලේකම් හෙලන් මීගස්මුල්ල මහත්මියගෙන් කළ විමසීමකදී ඇය පැවසූවේ 2012 වසරේදී රාජ්‍ය සේවකයකු ලෙස ලබා ගත් ණය මුදල නිසි ආකාරව ගෙවා ඇති බවත් තමා කිසිදු විනය විරෝධි කාර්යයක් කර නැති බවත් ය.

කෙසේ වුවත් තරුණයකු දිසාලේකම් කාර්යාලය ඉදිරිපිට තමාට විරුද්ධව විරෝධතා පුවරුවක් රැගෙන සිටීම පිළිබදව තමා කනගාටු වන බවද ඒ මහත්මිය කීවාය.

අදහස් (8)

දිස්ත්‍රික් ලේකම්ට විරෝධය

mahee Thursday, 14 September 2017 08:17 PM

මේ බෝඩ් එක කොච්චර ලස්සනට ඇඳල තියෙනවද? මේක අඳින්න කීයක් ගියාද කියල ම්යාගෙන් ඇහුව නම් මේ හාදය කියයි, තමන්ට මේ ජොබ් එක දුන්නේ මොන කට්ටියද, මේක උස්සගෙන ඉන්නවට දවසකට කීයක් ගෙවනවද ආදී විස්තර. අපට නම් හිතා ගන්න පුළුවන්.

: 0 0

chandimaFriday, 15 September 2017 07:38 AM

ශුවර් එකටම ඒ බෝදරගම මහතා වෙන්න ඇති...

: 0 0

maheeFriday, 15 September 2017 08:30 AM

චන්දිම, අපි නම් දන්නේ නැහැ, හිතා ගන්න නම් පුළුවන්, හැබැයි මේ ඉන්න පුද්ගලයා නම් ඕකේ ලියලා තියෙන්නේ මොනවද කියලවත් දන්නේ නැහැ කියන එක පැහැදිලියි. කුලියට මොනවා හරි උස්සන්නෙක් විතරයි.

: 0 0

samFriday, 15 September 2017 10:37 AM

මහී , මීට වසර දෙකකට පෙර මෙහෙම කෙනෙක් ගැන පත්තරේ පුවතක් පලකළා නරක දෙයක් සිදුවෙනවා. මිලියන විසි දෙකක් වන ලංකාවේ ජනගහනයෙන් එක පුද්ගලයෙකු කරන දේ ජාතික පුවත්පතක ප්‍රවෘත්තියක් හැටියට පල කරන්නේ ඒ පුවතේ ඇති අතිශය වැදගත්කමක් නිසාද? එහෙම නැතිනම් මාධ්‍ය නිදහස කියන්නේ හේතුවක් ඇතිව හෝ නැතිව රජය විවේචනය කරන්න ලැබුන වරප්‍රසාදයක් කියලා හිතන නිසාද?

: 0 0

mahadanamuththa Friday, 15 September 2017 02:43 AM

විරෝදය පාන තරුණයා කල යුතේ ඔය වගේ අනුන්ට වල කපන වැඩ නෙමෙයි. තමා කිසියම් රක්ෂාවක නිරත වී විනය ගරුකව ජීවත් වීමයි.

: 0 35

udara jayasinghe Friday, 15 September 2017 03:35 AM

ඕක රාජ්‍යසේවා කොමිෂන් සභාවට හා උසස් නිලතල පිලිබඳ පාර්ලිමේන්තු කාරක සභාවට ලියන්න.

: 0 5

Ariyapala Hewage Friday, 15 September 2017 05:04 AM

මෙසේ ජනතාව ඉදිරියට ඒමත් හොද ප්‍රවණතාවයකි. ඊට හේතුව නම් , ඉහල රාජ්‍ය නිළදාරීන්ගේ උදුම්මාගත් පුහු ආඩම්බරකම් ජනතාව ඉදිරියේ දිය කර සෝදා හරින නිසාය.

: 10 6

chandima Friday, 15 September 2017 07:35 AM

මේක ඇවිත් සුරාබදු දෙපාර්නිතමේන්තුවේ නිළ ඇදුම්(uniform) සහ රාජ්‍ය පරිපාලන සේවය සම්බන්ධ ප්‍රශ්නයක් .දැන් සුරාබදු කොමසාරිස් ජනරාල් බෝදරගම නිල ඇදුම් අදින කෙනෙක් එකට රාජ්‍ය පරිපාලන අය කැමති නෑ... එක තනතුරක් කියල. පාලකයෝ වෙනස් වෙනකොට ඔවුන්ට පක්ෂ පිරිස් පත්කර ගන්නවා.

: 0 0