(ඩයනා උදයංගනී)

‘ජාත්‍යන්තර තොරතුරු දැනගැනීමේ අයිතිවාසිකම් දිනය’  මෙම මස 28 වැනිදාට යෙදී ඇති අතර ඒ නිමිති කරගනිමින් ඉකුත් 15 වැනිදා සිට ලබන මස 15 වැනිදා දක්වා මාසය ‘තොරතුරු මාසය’ ලෙස ප‍්‍රකාශයට පත්කිරීමට රජය තීරණය කර තිබේ.        
 
 මෙම මාසය තුළ පනතට අදාළ ක‍්‍රියාකාරකම්වල යෙදෙන ලෙස සියලූ රාජ්‍ය ආයතන වෙත දැනුම් දීම සදහා චක‍්‍රලේඛයක්ද නිකුත් කිරීමට නියමිතය.
 
ඊට අමතරව දිවයිනේ සියලූම ප‍්‍රාදේශීය ලේකම් කොට්ඨාශ ආවරණය වන පරිදි සිවිල් පුරවැසියන් දැනුවත් කිරීමේ වැඩසටහන් පැවැත්වීමටත්, දිස්ත‍්‍රික්ක පහක් තෝරාගෙන ‘ගමට තොරතුරු අයිතිය’ මැයෙන් ජංගම සේවාවන් පැවැත්වීමටත් ජනමාධ්‍ය අමාත්‍යාංශය පියවර ගෙන තිබේ.
 
මෙරට තොරතුරු දැනගැනීමේ පනත ලොව හොදම සිව්වන තොරතුරු දැන ගැනීමේ පනත ලෙස ශ්‍රේණිගතව ඇති අතර එය සක‍්‍රීය ලෙස බලාත්මක කිරීම සදහා ජනමාධ්‍ය අමාත්‍යාංශය විසින් පියවර ගනු ලබයි.
 
මෙම වැඩසටහන ක‍්‍රියාවට නැංවීම සදහා ජනමාධ්‍ය කැබිනට් නොවන අමාත්‍ය හා ආරක්‍ෂක රාජ්‍ය අමාත්‍ය රුවන් විජයවර්ධන මහතාගේ ඉල්ලීම පරිදි ජනාධිපති මෛත‍්‍රීපාල සිරිසේන මහතා ඉදිරිපත් කළ යෝජනාවකට අමාත්‍ය මණ්ඩලය අනුමැතියද හිමිවී තිබේ.