(බිමල් ශ්‍යාමන් ජයසිංහ)

තමා විසින් අත්අඩංගුවට ගත් වැලි ලොරියක් ස්ථානාධිපතිවරයා නිදහස් කර යැවීම සම්බන්ධයෙන් උරණව තෙඹුවන නගර මධ්‍යයට ටී පනස් හයේ ගිනි අවියක් රැගෙන පැමිණ නොසන්සුන්කාරී ලෙස හැසිරුණු තෙඹුවන පොලිසියේ සැරයන් සහන් ගුණවර්ධන මහතා අද (11) පොලිස් විශේෂ විමර්ශන ඒකකය වෙත කැඳවා පැය තුනකට ආසන්න කාලයක් ප්‍රකාශ ලබා ගත් බව උසස් පොලිස් නිලධාරියෙක් පැවසීය.

ඉකුත් 29වැනි දින මෙම සැරයන්වරයා හා තවත් නිලධාරීන් කිහිපදෙනෙකු සිදුකළ විශේෂ මෙහෙයුමකදී වැලි ලොරිය අත්අඩංගුවට ගෙන අධිකරණයට ඉදිරිපත් කිරීම සඳහා පොලිස් භූමියේ ගාල් කර තිබියදී ස්ථානාධිපතිවරයා සැරයන්වරයාට බැණ වැදී වැලි ලොරිය ඊට දින හතරකට පමණ පසු මුදා හැර තිබිණි.

එදින ඒ බව දැනගත් සැරයන්වරයා අත්අඩංගුවට ගත් වැලි ලොරිය අධිකරණයට ඉදිරිපත් කරන ලෙස පවසමින් ටී පනස් හයේ ගිනි අවියක් පොලිසියෙන් ම රැගෙනවිත් තෙඹුවන නගරයේදී පැය දෙකකට අධික කාලයක් නොසන්සුන් හා කෘර ලෙස හැසිරීම හේතුවෙන් ඔහුව අත්අඩංගුවට ගෙන අධිකරණයට ඉදිරිපත් කිරීමෙන් පසු ඉකුත් 09වැනි දින දක්වා රිමාන්ඩ් භාරයට පත් කර තිබූ අතර එදින ඇප මත මුදා හැරිණි.