(අතුල බණ්ඩාර)
අනුරාධපුරයේ ඓතිහාසික ජේතවන ස්ථූපයේ අකුණු සන්නායකයට හානි සිදුකොට ඊට නුදුරින් තිබෙන පෞරාණික අතින් වැදගත් යතුරු පොකුණ පතුලේ ගල් පුවරු ගැලවූ පුද්ගලයෙකු සැකපිට ප්රශ්න කිරීම සඳහා අත්අඩංගුවට ගෙන ඇත.
අනුරාධපුර මූලස්ථාන පොලීසියේ හීරෝ පොලිස් නිල සුනඛයාගේ සහායද ඇතිව උඩමළුව පොලිස් ස්ථානයේ නිලධාරීන් රුවන්මැලිසෑය පොලිස් මුරපොළේ නිලධාරීන් සමග එක්ව අත්අඩංගුවට ගත් මේ සැකකරු හෝමාගම, මාගම්මන ප්රදේශයේ පදිංචි 43 හැවිරිදි අයකු බව අනාවරණය වී තිබේ.
ජේතවන ස්ථූපයේ දකුණු ආසන්නයේ පහළම පේසාවළල්ලෙන් සලපතල මළුව තුළට භූගත කර තිබෙන අකුණු සන්නායකයේ තඹ පටිය ගැලවීමට සැකකරු දැරූ උත්සාහයේදී එම ස්ථානයට සුළුහානි සිදුවී තිබේ.
සංරක්ෂණය කර තිබෙන යතුරු පොකුණේ පතුලට බැසීමට හැකි වන අයුරින් සකස් කර තිබෙන පඩි පෙළ පාමුළ අතුරා තිබූ ගල් පුවරු ගැලවීම නිසා ඒවා වෙනස් වී තිබේ.
ඉකුත් 06 වැනිදා රාත්රියේ සැකකරු සිදුකර තිබූ මේ හානි මධ්යම සංස්කෘතික අරමුදලේ ජේතවන ව්යාපෘතියේ සේවකයින් දැක ඇත්තේ (07) උදේ වරුවේදීය.
ඔවුන් ඒ බව එහි ආරක්ෂක අංශයේ නිලධාරීන්ට දැනුම් දීමෙන් පසු එම නිලධාරීන් ජේතවන ව්යාපෘතියේ කළමනාකාර එච්.එම්.එම්. හේරත් මහතාට දැනුම් දී තිබිණි. ඒ මහතා පැමිණ පරීක්ෂා කිරීමෙන් අනතුරුව සිදුකර තිබෙන පුරාවස්තු හානිය ගැන අනුරාධපුර මූලස්ථාන පොලීසියට පැමිණිලි කර තිබිණි.
යතුරු පොකුණේ ගල් පුවරු දෙකක් අතර ඔබා තිබූ මුදල් පසුම්බියක් හමුවී තිබුණු අතර එම මුදල් පසුම්බියේ සැකකරුගේ ජාතික හැඳුනුම්පතද තිබී ඇත. ඒ ඔස්සේ පරීක්ෂණ සිදුකළ පොලිස් නිලධාරීන් හීරෝ නිල සුනඛයාට එම මුදල් පසුම්බිය ඉවකරන්නට දුන් පසු සුනඛයා ඉව ඔස්සේ ජේතවන ස්ථූපය ආසන්නයේ රථ ගාලේ පොදු වැසිකිළිය ළඟට ගොස් නැවතී තිබිණි.
අදාළ හැඳුනුම්පත රථ ගාලේ වෙළඳාම් කරන පුද්ගලයින්ට පෙන්වා ඡායාරූපයේ සිටින පුද්ගලයා පිළිබඳ විමසීමේදී 7 දා පෙරවරුවේ ඔහු ඒ අවට ගැවසුණු බව ඔවුන් පවසා ඇත. වැඩිදුරටත් පරීක්ෂණ කිරීමේදී අවට කැලෑ ප්රදේශයක සිටි සැකකරු හසුවී ඔහුගේ මුදල් පසුම්බිය හා ජාතික හැඳුනුම්පත ඔහුට පෙන්වූ විට එය තමන්ගේ බව ඔහු පිළිගත් බවත් අකුණු සන්නාහකය ගැලවීමට සහ යතුරු පොකුණේ ගල් පුවරු ගැලවීමට උත්සාහ කළේ තමන් බව ඔහු පිළිගත් බවත් පොලීිසිය කියයි.
ප්රශ්න කරද්දී සැකකරු මානසික රෝගියෙකු ලෙස හැසිරුණු බවත් වැඩිදුර පරීක්ෂණ සඳහා ඔහු අනුරාධපුර මූලස්ථාන පොලීසියට බාර දුන් බවත් උඩමළුව පොලීසිය පවසයි.
උතුරුමැද නියෝජ්ය පොලිස්පති සෙනරත් සඳුන්ගහවත්ත සහ අනුරාධපුර පොලිස් අධිකාරි පී.ආර්.පී. සේනානායක යන මහත්වරුන්ගේ උපදෙස් අනුව උඩමළුව පොලීසියේ ස්ථානාධිපති පොලිස් පරීක්ෂක ඉඳුනිල් හේමතිලක මහතාගේ මෙහෙයවීම මත රුවන්වැලි සෑය පොලිස් මුරපොළේ ස්ථානාධිපති පොලිස් පරීක්ෂක සරත් ධර්මසිරි, උපපොලිස් පරීක්ෂක සමන් ජයසිංහ, සැරයන් ජගත් (33614), කොස්තාපල්වරුන් වන ආනන්ද (58345), දේශප්රිය (33616) සහ පොලිස් නිල සුනඛ හීරෝ බාරව සිටින කොස්තාපල් සධීර (81170) යන මහත්වරු මේ ගැන පරීක්ෂණ සිදුකොට සැකකරු අත්අඩංගුවට ගැනීමට කටයුතු කළහ.
ඉදිකිරීම් ක්ෂේත්රයේ භාණ්ඩ සඳහා මිල සූත්රයක් හඳුන්වාදීමට වෙළඳ අමාත්යාංශය තීරණය කර ඇත
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජේතවන ස්තූපයේ අකුණු සන්නායකයට හානි කරයි
sharm warn Thursday, 10 October 2019 06:34 AM
අපි අහලා තිබුනේ නම් " ජේතවනාරාමෙට ගල් ගහපු අය" ගැන .. මේ මිනිස්සු මොන මිනිස්සුද ?? පලවෙනි වැරදිකාරයා පුරාවිද්යා දෙපාර්තමේන්තුව. නිසි පරිපාලනයක් නැතුව අතිශය වැදගත් පුරාන ස්ථාන දෙලොවට ම නැතුව අනාරක්ෂිතව තියා තිබෙනවාට ...
සේන Thursday, 10 October 2019 07:17 AM
මෙය සුළුකොට නොතකා ඔහු ප්රසිද්ධ කර, නිසි දඬුවම් දී නැවත මෙවැන්නක් සිදු නොවීමට අවශ්ය සියලු කටයුතු බලධාරීන් විසින් ගනීවියැයි සමස්ථ ජනතාව විශ්වාස කරති.
ලසන්ත Thursday, 10 October 2019 07:37 AM
හොඳ වෙලාවට සැකකරු ජාතික හැඳුනුම්පත හා පසුම්බිය තියලා ගියේ. එහෙම නොවුණා නම් පොලිසියට බොහෝ කල් භාවනා වඩලා, පරචිත්ත විජානන ඥානය එහෙම ලබල තමයි සැකකරුවා හොයාගන්න වෙන්නේ...
MaheeThursday, 10 October 2019 09:47 AM
අම්මප ඔව්, අවංක හොරෙක්. ඒවගේම මානසික රෝගියෙක් වශයෙනුත් හැසිරුනාලු. සමහරවිට මෙලෝ දෙයක් මතක නැතුවත් ඇති. ඒ කියන්නේ මෙයා ගැළපෙන්නෙම මීට වඩා උසස් තානාන්තරේකටයි. දැන් ඉතින් ලොකු එකට කල් පහුවෙලා. හින්ද ඊලඟට එන පොඩි එකකටවත් ඉදිරිපත් වුනොත් ජය නියතයි. "දිනක ජය නියත, රැඳෙමු හොරකම මත!
mahinda raja Thursday, 10 October 2019 09:10 AM
පොහොට්ටුවේ කෙනෙක් වෙන්න ඇති
Thambi Thursday, 10 October 2019 10:55 AM
පොර මුස්ලිම් කෙනෙක් නෙවෙයි, මගෙ හිතේ.... ඒකයි නම දාලා නැත්තේ නේද?
ලංකාපුත්රFriday, 11 October 2019 12:38 AM
උතුරු නැගෙනහිර පලාත්වල බෞද්ධ වෙහෙරවිහාර හිංදු කෝවිල් කියමින් විවිධ විනාශ කරනවා වගේ දැන් දැන් අනුරාදපුරේ විහාරත් මානසික රෝගී බව පෙන්වමින් විනාශ කරනවාදැයි බලන්න