බ්රිතාන්යයේ දෙවැනි එළිසබෙත් මහ රැජිනගේ වැඩිමහල් පුත්රයා වන චාල්ස් කුමරුට කොරෝනා වයිරසය ආසාදනය වී ඇතැයි ඔහුගේ කාර්යාලය අද (25) නිවේදනය කළේය.
71 හැවිරිදි වියේ පසුවන චාල්ස් කුමරු කෝවිඩ්-19 වයිරසයේ රෝග ලක්ෂණ පෙන්නුම් කර ඇති බවත් එසේ වුවත් ඔහු ඉතා හොඳ සෞඛ්ය තත්ත්වයෙන් පසුවන බවත් ‘ක්ලැරන්ස් නිවස’ රාජකීය නිවෙස්නය නිවේදනයක් නිකුත් කරමින් සඳහන් කළේය.
වේල්සයේ කුමරු ලෙස හැඳින්වෙන චාල්ස් කුමරු සහ ඔහුගේ බිරිඳ කැමිලා ස්කොට්ලන්තයේ බැල්මරොල් හි ස්වයං-නිරෝධායන ක්රියාවලියකට යොමු කර ඇති බවත් ‘ක්ලැරන්ස් නිවස’ රාජකීය නිවෙස්නය නිකුත් කළ නිවේදනයේ දැක්විණි.
‘‘චාල්ස් කුමරු වයිරසයේ මෘදු රෝග ලක්ෂණ පෙන්නුම් කරනවා. එසේ වුවත් ඉතා හොඳ සෞඛ්ය තත්ත්වයකින් පසුවෙනවා. එමෙන්ම ඔහු පසුගිය දින කිහිපයේදී සාමාන්ය පරිදි වැඩ කළා’’ යැයි ද එම නිවේදනයේ සඳහන් විය.
‘‘කෝන්වොල් ආදිපාදවරියටද (කැමිලා) වයිරසය ආසාදනය වී ඇත්දැයි පරීක්ෂා කළ. එහෙත් ඇයට වයිරසය ආසාදනය වී නැහැ. රජයේ සහ වෛද්ය උපදෙස් මත කුමරුත් ආදිපාදවරියත් ස්කොට්ලන්තයේ ඔවුන්ගේ නිවසේ සිට ස්වයං-නිරෝධායන ක්රියාවලිය අනුගමනය කරනවා’’ යැයි ද එම රාජකීය නිවෙස්නය සඳහන් කළේය.
රාජකීය යුවළට වයිරසය ආසාදනය වී ඇත්දැයි පරීක්ෂා කර ඇත්තේ ජාතික සෞඛ්ය සේවයයි.
‘‘කුමරුට වයිරසය ආසාදනය වූයේ කාගෙන්දැයි තවමත් නිශ්චිතව කියන්න බැහැ. එසේ කීමේ හැකියාවක් නැහැ. කුමරු පසුගිය සති කිහිපයේදී මහජනතාව හා සම්බන්ධ වුණා. උත්සව හා ඉසවු රැසකට සම්බන්ධ වුණා’’ යැයි එම සේවය කීය.
බ්රිතාන්යයේ දෙවැනි එළිසබෙත් රැජින (93) සහ ඇයගේ බිරිඳ පිලිප් කුමරු (98) මේ වනවිට ලන්ඩනයෙන් පිටත වින්ඩ්සර් මාළිගයට වී කාලය ගත කරති.
එළිසබෙත් රැජින සහ චාල්ස් කුමරු අවසන් වරට මුණගැසී ඇත්තේ මාර්තු 12 වැනිදා බවත් රැජින යහපත් සෞඛ්ය තත්ත්වයෙන් පසුවන බවත් බකිංහැම් මාලිගය නිවේදනයක් නිකුත් කරමින් සඳහන් කළේය.
බලධාරීන්ගේ උපදෙස් මත රැජිනගේ සෞඛ්යට අදාළ සියලු ක්රියාමාර්ග ගෙන ඇතැයි ද මාලිගය නිකුත් කළ නිවේදනයේ දැක්විණි.
ගෝලීය වසංගතයක් බවට පත්ව තිබෙන කෝවිඩ්-19 හෙවත් නව කොරෝනා වයිරසය හේතුවෙන් ඊයේ පස්වරු වනවිට බ්රිතාන්යයෙන් මරණ 423ක් වාර්තා වන අතර එරටින් වාර්තා වන සමස්ත ආසාදිතයන්ගේ ගණන 8,167කි.
ඒ.එෆ්.පී.
(055 / 085)
කොළඹ ආමර්වීදියේ ටයර් කඩයක ගින්නක් හටගෙන ඇතැයි පොලිසිය කියයි. කොළඹ ගිනි නිවීමේ ඒකකය සහ නගර සභාව එක්ව ගින්න මැඩ පැවැත්වීමට කටයුතු කරන බව ද පොලිසිය සඳහන්
ශ්රී ලංකාවේ ජීවත්වන පුද්ගලයෙක්ට අවම මූලික අවශ්යතා ඉටුකරගැනීමට මසකට රුපියල් 17,014 ක මුදලක් අවශ්ය බව ජනලේඛණ හා සංඛ්යාලේඛන දෙපාර්තමේන්තුව පවසයි.
හෝමාගම දුම්රිය පොළ පාරේ ප්ලාස්ටික් භාණ්ඩ අලෙවි සැලක හිමිකරුවකුගේ නිවසකට ඇතුළු වූ පුද්ගලයෙකු එහි කාන්තාවකට තියුණු ආයුධ ප්රහාරයක් එල්ල කොට රුපියල් ල
පොල් කිරි අපනයනය කිරීම මගින් 2024 පෙබරවාරි මාසයේ රුපියල් මිලියන 2971ක මුදලක් උපයා ඇතැයි පොල් සංවර්ධන අධිකාරිය පවසයි.
ඉන්දියාවෙන් ආනයනය කළ බිත්තර ලක්ෂ 50 ක පමණ තොගයක් රට තුළ පවතින බවත් ඒ හේතුවෙන් බිත්තර ආනයනය සීමා කළ බවත් රාජ්ය වාණිජ විවිධ නීතිගත සංස්ථාවේ සභාපති ආසිරි
ගෑන්ඩ්පාස් ස්ටේට් පාරේදී පුද්ගලයෙකුට කතුරකින් ඇණ ඝාතනය කල පුද්ගලයකු අත්අඩංගුවට ගත් බව ග්රෑන්ඩ්පාස් පොලිසිය කියයි.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
චාල්ස් කුමරුටත් කොරෝනා
චාර්ලි Wednesday, 25 March 2020 11:08 AM
එයාට ඇති කොරෝනා වක් නැහැ.
රවින් Wednesday, 25 March 2020 11:14 AM
හප්පා , හරිම කචල් එකක් වෙන්නයි යන්නේ. අර හදවතින්ම ලස්සන ඩයනාව අයින් කරලා ගත්තු එක්කෙනාට මොකද වෙන්න යන්නේ?
පිටිගල මිලානෝ Wednesday, 25 March 2020 11:21 AM
මරණ රාශියක් අතරේ වැඩ කරන ඉතාලි දොස්තර කෙනෙක් මාධ්යට කීවේ කවුරු හෝ මේ රෝගයේ බරපතලකම හරියට දන්නවනම් ගෙදර ජනේලයෙන්වත් ඔලුව එලියට දමන්නේ නැති බවයි. මෙය එතරම්ම භයානකයි.
පුජා Wednesday, 25 March 2020 02:16 PM
කොරෝනාවට , දුගී පැලත් , රජ මාලිගාවත් අදාල නැත. සැමටම එකම ආකාරයට බෙදා හදාගෙන යයි. ශක්තිවන්තයෝ මේ වයිරස් නමැති රකුසාගෙන් බේරෙති. දුබලයෝ බිලිවෙති. කුමරුනි , ඔබට ඉක්මන් සුවය පතමි.!