(ඩී. ජී.සුගතපාල)
ඇල්පිටිය ප්රාදේශීය සභා මැතිවරණයට ඉදිරිපත් වී සිටින අපේක්ෂකයින් පිරිසක් තවමත් වත්කම් බැරකම් ප්රකාශ ලබාදී නොමැති බව දකුණු පළාත් පාලන දෙපාර්තමේන්තුව හා ගාල්ල දිස්ත්රික් නියෝජ්ය මැතිවරණ කොමසාරිස් කාර්යාලය පවසයි.
ඇල්පිටිය ප්රාදේශීය සභාවට පිළිගත් දේශපාලන පක්ෂ පහකින් නාම යෝජනා පත්ර ඉදිරිපත්කර තිබෙන අතර තෝරාගන්නා සභික සංඛ්යාව 28කි. එයින් 17ක් කොට්ඨාස මට්ටමින් තෝරාගනු ලබන අතර සමානුපාතික ක්රමයට ලැයිස්තුවෙන් තෝරා පත්කර ගන්නා සභික සංඛ්යාව 11කි. ඒ අනුව කොට්ඨාස මට්ටමෙන් 85ක් තරග වැදී සිටින අතර ලැයිස්තුවෙන් ඉදිරිපත්ව ඇති සංඛ්යාව 70කි.
මේ සම්බන්ධයෙන් ගාල්ල දිස්ත්රික් නියෝජ්ය මැතිවරණ කොමසාරිස් කාර්යාලයේ උසස් නිලධාරියෙකුගෙන් විමසුවිට කියාසිටියේ මැතිවරණයට ඉදිරිපත්වන සියලුම අපේක්ෂකයින් නාම යෝජනා බාරදුන් දින සිට මාස තුනක් ඇතුළත සිය වත්කම් බැරකම් ප්රකාශ ලබාදිය යුතුබවය.
ඉන්පසුව තේරී පත්වන සභිකයින් වාර්ෂිකව තමාගේත් බිරිඳගේත් ළමයින්ගේත් සියලුම නිශ්චල චංචල දේපල හා බැංකු ගිණුම් පිළිබඳ වාර්තා පමණක් නොව විදේශ රටවල සිටින ඥාතින්ගෙන් මිතුරන්ගෙන් ලැබෙන පරිත්යාග පිළිබඳව පවා වාර්තා ලබා දිය යුතු බවත්, එයින් බලාපොරොත්තුවන්නේ ඔවුන්ගේ ඉපයීම රජයට දැනුම්දීම වන බවත් එම නිලධාරියා පැවසීය.
ඔහු වැඩිදුරටත් කියා සිටියේ ඔවුන් කිසියම් අයුතු ඉපයිමක් කිරීම, අයුතු ලාබ ගැනීම, විදේශ රටවලින් අයථා ලෙස පරිත්යාග ලබාගැනීම ආදිය සම්බන්ධයෙන් නඩු පැවරූ විට ඒවා පරීක්ෂා කිරීමට අධිකරණයද අවසර ලබාදෙන බවය.
පළාත් පාලන දෙපාර්තමේන්තුවේ නිලධාරියෙකු පැවසුවේ 1975 අංක 1දරණ වත්කම් බැරකම් ප්රකාශ කිරීමේ පනත අනුව මෙසේ වත්කම් බැරකම් ප්රකාශකළ යුතු බවය. ඒ අනුව නගර සභාවල නගරාධිපතිවරුන්ගේ සහ ප්රාදේශීය සභාවල සභාපතිවරුන්ගේ වත්කම් බැරකම් ප්රකාශ පළාත් පාලන අමාත්යංශයේ ලේකම්වරයා වෙත යවන බවත් සභිකයින්ගේ වත්කම් බැරකම් ප්රකාශ තම දෙපාර්තමේන්තුව වෙත ඉදිරිපත් කළ යුතු බවත් එම නිලධාරියා වැඩිදුරටත් පැවසීය.
ශ්රී ලංකා නිදහස් පක්ෂයේ නායකයෝ වෙන්න දඟලන අය ජීවතේට අත ලකුණින් තරඟ කර නැතැයි අධ්යාපන අමාත්ය සුසිල් ප්රේමජයන්ත මහතා පාර්ලිමේන්තුවේදී පැවසීය.
රටේ ආරක්ෂාව සඳහා සන්නද්ධ හමුදා කැඳවීම සඳහා විශේෂ ආඥාවක් ජනාධිපතිවරයා විසින් නිකුත් කරනු ලැබ ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට
මදුරන්කුලිය නගරයේ සිට පයින් යමින් සිටි තරුණයකු කොළඹ සිට පුත්තලම දෙසට ධාවනය කරමින් තිබු වෑන් රථයක ගැටිමේන් බරපතල තුවාල ලබා කොළඹ ජාතික රෝහලට ඇතුළත්කිර
දඹුල්ල නගරයට අහම්බෙන් පැමිණි වන අලි තිදෙනකු නිසා දඹුල්ල නගරය අවට නිවාසවල පදිංචි ජනයා මෙන්ම නගරයට පැමිණි පිරිස්ද නොසන්සුන් වූහ.
මාතලේ විල්ගමුව පොලිසියේ ආරක්ෂක නිලධාරියා භාරයේ තිබූ ටී පනස් අය ගිනි අවිය සොයාගත් බවට සැකපිට හිටපු යුද හමුදා සෙබළෙක් විල්ගමුව පොලිසිය විසින් අරලගන්වි
බස්නාහිර, සබරගමුව, මධ්යම,වයඹ සහ දකුණු පළාත්වල ප.ව. 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්යා දෙපාර්තමේන්තුව කියයි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇල්පිටිය ප්රා. සභා අපේක්ෂකයින් පිරිසක් වත්කම් බැරකම් ලබාදී නැහැ
රවින් Thursday, 12 September 2019 10:01 AM
ඔයි චන්දය ඉල්ලන්නේ පලාතට. රටට. හෝ ජනතාවට සේවය කිරීමට නම් කිසිම බයක් හැකක් නැතිව තම වත්කම් බැරකම් රහසිගත තොරතුරු වශයෙන් ලබාදිය හැකි නොවේද? වංක භාවය, වංචාව හා දුෂණය තම සිත් තුළ තියන හින්දා නේද හංගන්නේ? පළාතේ ජනතාව වෙතයි, මෙවැනි අය හොයා බලා ඡන්දය දීමෙන් වළකින්න. වංකභාවය, වංචාව, හොරකම හා දූෂණය අනුමත කරන්නේ නම් පමණක්... මෙවැනි අයට ඡන්දය දෙන්න.