කැබිනට් රැස්වීම සුපුරුදු පරිදි ගිය අඟහරුවාදා උදේ පැවැත්වුණේ ජනාධිපති මෛත්රීපාල සිරිසේන මහතාගේ ප්රධානත්වයෙනි. කැබිනට් පත්රිකා එකින් එක සාකච්ඡා කරගෙන යද්දි හකීම් ඇමැතිවරයා ෆයිසර් මුස්තාපා ඇමැතිවරයාට එරෙහිව එල්ල කළ වාග් ප්රහාරයක් හේතුවෙන් කැබිනට් රැස්වීම ගිනියම් විය. පළාත් සභා සීමානිර්ණ කමිටුවට පත් කර ඇති මුස්ලිම් නියෝජිතයා දේශපාලනඥයකු යැයි හකීම් චෝදනා කළේය. හිටපු විනිසුරුවරයකු වුවද ඔහු දේශපාලන කටයුතුවලට සම්බන්ධ අයකු යැයි හකීම් කියද්දි ෆයිසර් පිළිතුරු දෙමින් කීවේ ඔහු සීමානිර්ණ කමිටුවට සුදුසු පුද්ගලයකු බවය. හකීම්ගේ චෝදනා ප්රතික්ෂේප කරන බවද ෆයිසර් කීවේය. ඉන් සෑහීමට පත් නොවූ හකීම් ෆයිසර්ට චෝදනා කරද්දි රිෂාද් බදියුදින් ද ෆයිසර්ට හවුල් විය. රිෂාද් හකීම්ට චෝදනා කරමින් කියා සිටියේ ඔයා ජල සම්පාදන මණ්ඩලයේ කරන ඒවා අපි දන්නවා කියාය. තුන් දෙනා අතර වාදය ඇවිලෙද්දී ජනාධිපතිවරයාත් අගමැතිවරයාත් ඊට මැදිහත් වූහ. කබීර් හෂීම් කීවේ මේක ප්රශ්නයක් නම් මුස්ලිම් නියෝජිතයා පත් කිරීම අපි කරන්නම් ඒක එක්සත් ජාතික පක්ෂයෙන් කළ යුතු වැඩක් බවය.
ලක්ෂ්මන් සෙනෙවිරත්න රාජ්ය ඇමැතිවරයා වැඩ බලන විද්යා තාක්ෂණ ඇමැති ලෙස මෙවර කැබිනට් රැස්වීමට පැමිණ සිටියේ සුසිල් ප්රේමජයන්ත වෙනුවටය. ඉඳ හිට කැබිනට් රැස්වීමට යාමට ලැබුණු අවස්ථාවෙන් ප්රයෝජනයක් ගනිමින් ප්රහාරයකට මුල පිරුවේය. ඔහුගේ ප්රහාරයේ ඉලක්කය වූයේ හිටපු මුදල් ඇමැති රවි කරුණානායකය. අමාත්යංශවලට හා රජයේ අනෙකුත් ආයතනවලට වාහන ගැනීමේදී වාහන මිලදී නොගෙන කුලියට වාහන ගන්නැයි රවී කරුණානායක මුදල් ඇමැතිව සිටියදී අමාත්යාංශයෙන් චක්රලේඛයක් නිකුත් කර ඇති බව ඔහු කීවේය. එය බරපතළ වැරැද්දක් බවත් මෙමගින් සිදුවන්නේ රජයේ මුදල් නාස්තියක් බවත් කී ලක්ෂ්මන් සෙනෙවිරත්න, අඩුම තරමින් ලීසින් කර වාහන ගත්තේ නම් එය රජයට හෝ ඉතිරිවන බව කීවේය. ලක්ෂ්මන් සෙනෙවිරත්නගේ අදහස අනුමත කරමින් මහින්ද අමරවීර, දයාසිරි ජයසේකර, එස්. බී. දිසානායක ඇතුළු ඇමැතිවරු කිහිප දෙනෙක්ද අදහස් දැක්වූහ. ජනාධිපතිවරයාද සිටියේ ඔවුන් කී අදහසේමය. මේ ගැන සොයා බලා අවශ්ය පියවර ගැනීමට නිලධාරි කමිටුවක් පත් කරන බව ජනාධිපතිවරයා කියා සිටියේය.
ආහාර නිෂ්පාදන ජාතික වැඩ සටහන ගැන ජනාධිපතිවරයා පැහැදිලි කළේය. එහිදී සතුන්ගෙන් වගාවනට වන හානිය ගැනද සාකච්ඡා විය. ඇමැතිවරුන් කිහිප දෙනකුම කීවේ අස්වනුවලින් සියයට 20ක් පමණ වඳුරන්, රිලවුන්, වල් ඌරන්, අලින්, මොණරුන්, දඬුලේනුන් ආදි සතුන් නිසා විනාශ වන බවය. මහින්ද අමරවීර ද කීවේ වන සතුන් නිසා වගාවන් ඉවරවන බවය. පසුගිය කාලෙ රිලව් අල්ලන්න කියල සල්ලිත් දුන්නා හැබැයි ඒවා හරියට ක්රියාත්මක වුණේ නැහැ යැයි අමරවීර කීවේය. ඒ අල්ලන ඔවුනුත් ඒ කාලෙ ගෙනත් දැම්මෙ පොළොන්නරුවටනේ යැයි ජනාධිපතිවරයාද හිනාවෙමින් කීවේය. අමරවීර කීවේ මේකට පියවරක් ගත යුතු බවය. සතුන් බෝවීම වැඩිවෙලා යැයි ඇමැතිවරයකු කියද්දි ජයවික්රම පෙරේරා කීවේ ඒක වළක්වන්න ගබ්සා කළ යුතු බවය. සතුන්ට වඳ බෙහෙත් දිය යුතු බව කීම වෙනුවට ගබ්සා කළ යුතු යැයි ජයවික්රම පෙරේරා කියද්දි හැමෝටම හයියෙන් හිනා ගියේය.
මහනුවර ඉකුත්දා පැවැති උත්සවයකට සහභාගී වූ හිටපු ජනාධිපති මෛත්රිපාල සිරිසේන මහතා ගිය සතියේ පුවත් මවන්නෙකු බවට පත්විය. ඒ ඔහු මහනුවරදී කළ ආන්දෝලනාත්මක
නව වසරේ ජනපති රනිල් මුණගැසී සුබපැතීමට මැති ඇමතිවරු රැසක් පැමිණ සිටි අතර, බන්දුල ගුණවර්ධන, ශෙහාන් සේමසිංහ, රංජිත් සියඹලාපිටිය, වජිර අබේවර්ධන එහි පෙරමුණ
ජනපති රනිල් වික්රමසිංහ ඉකුත් සතියේ රැඳී සිටියේ කොළඹින් එපිට නුවරඑළියේය. සම්ප්රදායක් ලෙස සෑම වසරකම අවසාන දින කිහිපය ඔහු ගෙවා දමන්නේ නුවරඑළියේ හෝ දි
එදින සවස එක්සත් ජාතික පක්ෂ කළමනාකරණ කමිටු නියෝජිතයන් මුණගැසුණු ජනපති රනිල් පක්ෂයේ ඉදිරි කටයුතු ගැන සාකච්ඡා කළේය. මහලේකම් රංගේ කීවේ දෙසැම්බර් මාසය තු
පාර්ලිමේන්තු මැතිවරණ ක්රමය වෙනස් කිරීමේ කෙටුම්පත මේ වනවිට දැඩි කතාබහට ලක්වෙමින් තිබේ. එය කැබිනට් මණ්ඩලයට ඉදිරිපත් කරනු ලැබුවේ ආචාර්ය විජේදාස රාජපක
රත්නපුර සීවලි මධ්ය විද්යාලයේ ශිෂ්ය පාර්ලිමේන්තුවේ මංගල සැසිවාරය ජනපති රනිල් වික්රමසිංහගේ ප්රධානත්වයෙන් ජනාධිපති ලේකම් කාර්යාල ශ්රවණාගාරයේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හකීම්-ෆයිසර් ගැටුම කැබිනට් රැස්වීම උණුසුම් කරයි