හිටපු ජනාධිපති මහින්ද රාජපක්ෂ මහතාගේ උපන්දිනය යෙදී තිබූ ගිය 18 වැනිදා මහින්දට ආශිර්වාද කිරීම වෙනුවෙන් අභයාරාමයේදී කිරි අම්මාවරුන්ගේ දානයක් සූදානම් කර තිබිණි. එය සංවිධානය කර තිබුණේ මුරුත්තෙට්ටුවේ ආනන්ද නාහිමියන්ගේ මූලිකත්වයෙනි.
මහින්ද උදේ පාන්දරම අභයාරාමයට පැමිණි අතර ඒකාබද්ධ විපක්ෂයේ මන්ත්රීවරු රැසක් ද ඊට සහභාගි වී සිටියහ. දානය අවසන් වීමෙන් පසුව මහින්ද උපන් දින කේක් ගෙඩියක් කැපුවේ මන්ත්රීවරුන් ඇතුළු පිරිසගේ ද සහභාගිත්වයෙනි. උපන්දින කේක් ගෙඩිය නෙළුම් පොහොට්ටුවක හැඩයට නිර්මාණය කර තිබීම විශේෂත්වයක් විය. මහින්දට සුබ පතන්නට ආ රෝහිත අබේගුණවර්ධන මහින්දට සුබ පතමින් සී.ඩී. තැටියක් පිළිගැන්වීය. සී.ඩී. තැටිය රෝහිත මහින්ද වෙනුවෙන් ගැයූ ගීයකි. එයට රූප රචනාවක් ද යොදා තිබිණි. මහින්ද සී.ඩී. තැටිය බාර ගන්නා ගමන් කීවේ රෝහිත දැන් හොඳ කථිකයෙක් විතරක් නොවෙයි. හොඳ ගායකයෙකුත් වෙලානේ කියාය.
ප්රසන්න රණතුංග මහින්දට සුබපතමින් කීවේ හවසට ඉන්දියාව බලා පිටත්ව යන බවය. ඔහු මහින්දගෙන් සමුගත්තේ ශ්රී ලංකා නිදහස් පක්ෂය එක්ක නම් ආයෙත් එකතු වෙන්න එපා කියමිනි.
මහින්ද එදින දහවල් දළදා වහන්සේ වැඳ පුදාගන්නට මහනුවර බලා පිටත්ව ගියේය. දළදා වහන්සේ වැඳ පුදා ගැනීමෙන් අනතුරුව දානමය පින්කමකට ද මහින්ද එක්වූ අතර එතැන ද නෙළුම් පොහොට්ටුවක් හැඩයට නිම වූ උපන් දින කේක් ගෙඩියක් තිබිණි. දවල් කෑම සූදානම් කර තිබුණේ ලොහාන් රත්වත්තෙගෙ නිවසේය. කෙහෙළිය ද උපන්දින කේක් ගෙඩියක් ද රැගෙන ලොහාන්ගේ නිවසට පැමිණ සිටියේ මහින්දට සුබ පතන්නටය. විශේෂත්වය වූයේ එම කේක් ෙගඩිය ද නෙළුම් පොහොට්ටුවක හැඩයෙන් නිමවා තිබීමය. ‘‘මම මේ පාර උපන්දිනේට කේක් තුනක් කැපුවා. තුනම හදලා තිබුණේ නෙළුම් පොහොට්ටුවේ හැඩයටයි’’ කියමින් මහින්ද සිනාසුණේය. කෙහෙළිය කීවේ ‘‘සර්, දැන් ඉතින් නෙළුම් පොහොට්ටුව පිපෙන කාලෙනෙ’’ කියාය.
අඟහරුවාදා පාර්ලිමේන්තුවට ගිය මහින්ද භෝජනාගාරයේ ආහාර ගනිමින් සිටියදී නිමල් සිරිපාල හා සුසිල් ප්රේමජයන්ත එතැනට පැමිණියහ. සුසිල් කීවේ ‘‘සර්, අපි එකතුවෙලා ඡන්දෙට යමු’’ කියාය. සුසිල්ගේ යෝජනාවට මහින්ද කීවේ ‘‘ඔයාල යෝජනා ටික ලිඛිතව එවන්න. මම අපේ මන්ත්රී කණ්ඩායමට දාල තීන්දුවක් ගන්නම්’’ යනුවෙනි. නිමල් සිරිපාල කියා සිටියේ ‘‘සර් කියන දේ තමයි ඒකාබද්ධ විපක්ෂයේ අය අහන්නේ’’ කියාය. ‘‘මම මේක ඒ අයට කියන්නම්. හැබැයි තීන්දුව ගන්නේ ඒ අයයි.’’ මහින්ද කීවේ නිමල්ගේ කොණ්ඩය දෙස ද බලමිනි. ‘‘මොකද නිමල් කොණ්ඩෙට වුණේ’’ යැයි මහින්ද ඇසුවේ සුසිල් දෙස ද බලමිනි. ‘‘මම බාරයක් වුණානේ. ඒකට කොණ්ඩේ කැපුවා’’ යයි නිමල් උත්තර දුන්නේය.
මේ අතර ඒකාබද්ධ විපක්ෂයේ පක්ෂ නායකයෝ අඟහරුවාදා හැන්දෑවේ රැස්වූහ. මහින්දගේ ප්රධානත්වයෙන් රැස් වූ පක්ෂ නායක හමුව පැවැත්වූයේ විජේරාම මාවතේ පිහිටි නිවසේය. පළාත් පාලන මැතිවරණය සම්බන්ධයෙන් ද එහිදී සාකච්ඡා වූ අතර මහින්ද කීවේ පසුවදා පැවැත්වෙන මන්ත්රී කණ්ඩායම් රැස්වීමේදී ඒ ගැන තීන්දුවක් ගත හැකි බවය.
මහනුවර ඉකුත්දා පැවැති උත්සවයකට සහභාගී වූ හිටපු ජනාධිපති මෛත්රිපාල සිරිසේන මහතා ගිය සතියේ පුවත් මවන්නෙකු බවට පත්විය. ඒ ඔහු මහනුවරදී කළ ආන්දෝලනාත්මක
නව වසරේ ජනපති රනිල් මුණගැසී සුබපැතීමට මැති ඇමතිවරු රැසක් පැමිණ සිටි අතර, බන්දුල ගුණවර්ධන, ශෙහාන් සේමසිංහ, රංජිත් සියඹලාපිටිය, වජිර අබේවර්ධන එහි පෙරමුණ
ජනපති රනිල් වික්රමසිංහ ඉකුත් සතියේ රැඳී සිටියේ කොළඹින් එපිට නුවරඑළියේය. සම්ප්රදායක් ලෙස සෑම වසරකම අවසාන දින කිහිපය ඔහු ගෙවා දමන්නේ නුවරඑළියේ හෝ දි
එදින සවස එක්සත් ජාතික පක්ෂ කළමනාකරණ කමිටු නියෝජිතයන් මුණගැසුණු ජනපති රනිල් පක්ෂයේ ඉදිරි කටයුතු ගැන සාකච්ඡා කළේය. මහලේකම් රංගේ කීවේ දෙසැම්බර් මාසය තු
පාර්ලිමේන්තු මැතිවරණ ක්රමය වෙනස් කිරීමේ කෙටුම්පත මේ වනවිට දැඩි කතාබහට ලක්වෙමින් තිබේ. එය කැබිනට් මණ්ඩලයට ඉදිරිපත් කරනු ලැබුවේ ආචාර්ය විජේදාස රාජපක
රත්නපුර සීවලි මධ්ය විද්යාලයේ ශිෂ්ය පාර්ලිමේන්තුවේ මංගල සැසිවාරය ජනපති රනිල් වික්රමසිංහගේ ප්රධානත්වයෙන් ජනාධිපති ලේකම් කාර්යාල ශ්රවණාගාරයේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මහින්දගේ උපන් දිනේට රෝහිතගෙන් ගීතයක්