ශ්රී ලංකා රජයේ ආර්ථිකය ශක්තිමත් කරන ප්රධාන සාධකයන් අතර විදේශයන් හි රැකියා කරන්නවුන් විසින් එවනු ලබන අති මහත් මුදල් සම්භාරය ප්රමුඛ ස්ථානයක් ගන්නා බව රහසක් නොවේ. මේ හේතුව නිසාම ඔවුන් රට විරුවන් ලෙස හැඳින්වීමට රජය පියවර ගෙන ඇති බව ද ප්රකටය.
කරුණු කාරණා එසේ තිබිය දී මෙකී රට විරුවනට රජයෙන් ලැබෙන සැලකිල්ල නම් බලු නොවටින බව නොකියා නොහැකිය.
කාලයක සිටම මෙම රට විරුවන්ගේ ප්රධාන ඉල්ලීමක් වූයේ ඔවුන් මෙරටට එවන මුදල් ප්රමාණය අනුව ගණන් බලා ඔවුන්ටත් තීරු බදු රහිත වාහනයක් ගෙන්වා ගැනීමට අවසර දෙන ලෙසය. එම ඉල්ලීම පසුගිය සෑම රජයක්ම නොසලකා හැරි අතර රට විරුවන් විසින් එවන ලද මුදල් උපයෝගී කරගෙන රජය කරවන පිරිස් සිතූ සේ අධිසුඛෝපභෝගී වාහන තීරු බදු රහිතව ගෙන්වා ගැනීම නම් ගජරාමෙට සිදු විය.
තීරු බදු රහිත වාහන පහසුකම එසේ යට ගසද්දී රට විරුවන්ට රජයෙන් එල්ල වී ඇති අලුත්ම හෙණ ගෙඩිය වී ඇත්තේ ගමන් බලපත්රය හෙවත් පාස්පෝට් එකට අය කරන මුදල තුන් ගුණයකින් පමණ වැඩි කිරීමයි.
මෙතෙක් තිබූ ක්රමයට අනුව එක් දින සේවය යටතේ රුපියල් 10,000 කින් ගමන් බලපත්රයක් ලබා ගැනීමට හැකියාව තිබුණ ද රජයේ අලුත්ම දඩ කෙළිය යටතේ එම මුදල තුන් ගුණයකින් පමණ එනම් රුපියල් 27000 කට අධික මුදලක් වැඩි කිරීම සාපරාධී ක්රියාවක් ලෙස සැලකිය හැකිය.
ගෘහ සේවිකා, ගෘහ රියැදුරු සහ කම්කරු වැනි රැකියාවන්හි යෙදී සිටින සුළු සේවකයින් සේ සැලකෙන ලක්ෂයකට අධික පිරිසක් මැද පෙරදිග රටවල සේවය කරති. මොවුන් එසේ සුළු රැකියා කරමින් ගත කරන්නේ සුඛෝපභෝගී ජීවිතයක් නම් නොවේ. යුරෝපා රටවල සේවය කරන්නන් ලබන වැටුප් හා සසඳා බලන විට අරාබිකරයේ රට විරුවන් ලබන්නේ සොච්චම් මුදලක් බව නොකියාම බැරිය. එසේ තිබියදී ඒ සොච්චම් මුදලින් මෙසේ අධික ගාස්තුවක් අය කිරීම කිසිසේත් සාධාරණීකරණය කළ නොහැකිය.
ෙමවැනි තත්ත්වයක් යටතේ එකී රට විරුවන් ගේ අප්රසාදය රජය වෙත එල්ල වීම අරුමයක් නොවේ. රට කරවන අයගේ සුඛවිහරණය වෙනුවෙන් අසරණ රට විරුවන්ට මෙසේ දඩ ගැසීම කෙතරම් දුරට ආචාර සම්පන්න දැයි මහජන නියෝජිතයින් සිතා බැලිය යුතුය.
පසුගිය ජනවාරි පළමු වැනිදා සිට ශ්රී ලංකා ගමන් බලපත්ර ගාස්තු සංශෝධනය කිරීම පිළිබඳව සෞදියේ වෙසෙන බොහෝ ශ්රී ලාංකිකයින් තම කනස්සල්ල මෙන්ම විරෝධය රියාද් සහ නැගෙනහිර කලාපයේ තානාපති අංශවලින් වාර්තා විය.
ශ්රී ලංකාවේ දී ඕනෑම රටකට වලංගු ගමන් බලපත්රයක් එක දිනක් තුළ දී රුපියල් දස දහසක මුදලකට ලබා ගැනීමට හැකියාව තිබිය දී මැද පෙරදිග වැනි කම්කරු ශ්රේණිවල ඉතා සොච්චම් වැටුපකට රැකියාව කරමින් දුක්ඛිත දිවියක් ගෙවන ශ්රමිකයින් හට අති විශාල මුදලක් වන සෞදි රියාල් 565 රුපියල් 27,000 කට අධික මුදලක් අය කිරීම කිසිසේත්ම සාධාරණය කළ නොහැකි කරුණක් බව පසුගිය සිකුරාදා නැගෙනහිර කලාපිය තානාපති ජංගම සේවාවට පැමිණි ශ්රී ලාංකිකයෝ එක හඬින් කියා සිටියහ. මේ අවස්ථාවේ දී තානාපති කාර්යාලයේ නිලධාරින් ද ඉතා අපහසුතාවයට පත්වීම ද දැක ගතහැකි විය.
මෙවැනි අතිවිශාල මුදලක් ගෙවා ගමන් බලපත්රයක් ලබාගැනීම සාධාරණ නොවන බව බොහෝ ශ්රී ලාංකිකයින් පවසයි. මීට පෙර මැදපෙරදිග සඳහා වලංගු ගමන් බලපතක් ලබා ගැනීමට සෞදි රියාල් 190ක් රුපියල් 9000 පමණක් අය කළ ද එම මුදල තුන් ගුණයකින් ඉහළ දැමීම මගින් තමන්ගේ මාසික සොච්චම් වැටුපට මාරු පහරක් එල්ල වෙන බව ද මැද පෙරදිග රටවල සේවය කරන කිසිවෙකුත් යුරෝපයේ හෝ අනිකුත් කිසිදු රටකට යාමේ අවශ්යතාවක් නොමැති බැවින් විශේෂයෙන්ම ගෘහ සේවිකාවන් ලෙස රැකියාව කරන කාන්තාවන් ද මෙම අති විශාල මුදල ගෙවා ගැනීමට නොහැකිව විවිධ අපහසුතාවන්ට පත්වනු දුටු අතර ඉතා අඩු වැටුපකට රැකියාවන් කරන බොහෝ ශ්රී ලාංකික තරුණයන් ශ්රී ලංකා රජය වෙත තම විරෝධය පාමින් පිටව ගියේ කරකියා ගත නොහැකි නිසාය.
කෙසේ වුවද බොහෝ ශ්රී ලාංකිකයින්ගේ පොදු මතය වූයේ ඉදිරි කාලය තුළ දී හෝ මෙම මුදලින් අඩක් දක්වා හෝ අඩු කර තම ගමන් බලපත් ලබා ගැනීමට ශ්රී ලංකා රජයේ කාරුණික අවධානය යොමු විය යුතු බව පසක් කරමිනි.
මේ අතර අති විශාල ජනතාවක් සේවය කරන ඉන්දියානු ශ්රමිකයින් වෙනුවෙන් ලෝකයේ ඕනෑම රටකට ගමන් කළ හැකි ගමන් බලපතක් සඳහා අය කරනු ලබන්නේ සෞදි රියාල් 360 ක් නොහොත් ශ්රී ලංකා රුපියල් 17000 ක් පමණක් වන අතර එම ගමන් බලපත්රය සෞදි අරාබිය තුළදී දින 5ක් ඇතුළත ලබාදීම සිදු කරයි. ඉන්දියාව හා සාපේක්ෂාව ශ්රී ලංකා ගමන් බලපතක් සඳහා අවම වශයෙන් මාස දෙකක් ගතවීම ශ්රී ලංකා රජයේ දුර්වල සහ අලස බව මොනවට පැහැදිලි වේ.
දමාම් නගරයේ පැවැති තානාපති ජංගම සේවයෙන් නව ගමන් බලපත්ර ගැනීමට පැමිණි පිරිසක් ඉහළ ඡායාරූපවලින් දැක්වේ.
ලලිත් ප්රේමලාල් - දමාම්- සෞදි අරාබිය
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගමන් බලපත් ගාස්තුව තුන් ගුණයකින් ඉහළ නැංවීම ගැන රට විරුවන්ගේ දැඩි විරෝධය