X

2017 ජනවාරි මස 24 වැනි අගහරුවාදා

2017-01-20 ඇමෙරිකා ඩොලරය ගැනුම් මිල රු.148.28 , විකුණුම් මිල රු.152.03 | බි‍්‍රතාන්‍යය පවුම ගැනුම් මිල රු.182.53 , විකුණුම් මිල රු.188.80 | යුරෝ යුරෝපය ගැනුම් මිල රු.157.35 , විකුණුම් මිල රු.163.38 | ස්වීස් ප‍්‍රෑන්ක් ගැනුම් මිල රු.146.57 , විකුණුම් මිල රු.152.47 | කැනඩා ඩොලරය ගැනුම් මිල රු.110.81 , විකුණුම් මිල රු.115.22 | ඔස්ට්‍රේලියා ඩොලරය ගැනුම් මිල රු.111.34 , විකුණුම් මිල රු.116.34 | සිංගප්පූරු ඩොලරය ගැනුම් මිල රු.103.66 , විකුණුම් මිල රු.107.47 | ජපානය යෙන් ගැනුම් මිල රු.1.2868 , විකුණුම් මිල රු.1.3356 |

සමහර පරීක්ෂණ ඉබි ගමනේ බව කැබිනට් ප්‍රකාශක පිළිගනී

2017 ජනවාරි මස 11 15:28:48 | තරිඳු ජයවර්ධන , ඩයනා උදයංගනී

අදහස්(12) බැලූවෝ (1357)

සන්ඩේ ලීඩර් හිටපු කර්තෘ ලසන්ත වික්‍රමතුංග  මහතාගේ ඝාතනය ඇතුළු ඇතැම් විමර්ශන  මන්දගාමීට පැවැත්වෙන බවට එල්ල කරන චෝදනා තමා පිළිගන්නා බව කැබිනට් මාධ්‍ය ප්‍රකාශක සෞඛ්‍ය ඇමැති රාජිත සේනාරත්න මහතා පැවසීය.

‘ලසන්ත ඝාතානය ගැන පරීක්ෂණ අඩපන වෙලා කියා චෝදනාවක් තිබෙනවා නේද?‘ යි  මාධ්‍යවේදියකු ඇසූ ප්‍රශ්නයකට පිළිතුරු දෙමින් ඇමැතිවරයා කීවේ ‘ඒ චෝදනාව පිළිගන්නවා‘ යනුවෙනි. එම පරීක්ෂණය පමණත් නොව තවත් සමහර පරීක්ෂණ සිදුවන්නේ මන්දගාමීව බව ඇමැතිවරයා කීවේය.

සේනාරත්න මහතා එලෙස කීවේ අද ප්‍රවෘත්ති දෙපාර්තමේන්තුවේ පැවැති කැබිනට් තීරණ දැනුම් දීමේ මාධ්‍ය සාකච්ඡාවට එක් වෙමිනි.

‘මේ ආණ්ඩුව බලයට පත් කළේ මහා පරිමාන අපරාධ, මිනීමැරුම් ගැන සොයා අපරාධකරුවන් නීතිය හමුවට පමුණුවන්නයි.‘ යැයි ද ඇමැති කීවේය.

මෙම මාධ්‍ය සාකච්ඡාවට එක් වෙමින් විදුලිබල නියෝජ්‍ය ඇමැති අජිත් පී පෙරේරා මහතා කීවේ හිටපු ඇමැති විමල් වීරවංශ මහතා අත්අඩංගුවට ගත්තේ දේශපාලන හේතූන් මත බවට එල්ල වන චෝදනා ප්‍රතික්ෂේප කරන බවයි.

‘මෙම ආයතනයේ වාහන අවභාවිතා වී ඇති බවට මුලින්ම කරුණු අනාවරණය කර තිබුණේ ඔහු ඇමැති ධුරයේ කටයුතු කරමින් සිටියදීමයි. 2014 පැවැත්වූ එම ආයතනයේ අභ්‍යන්තර විගණනයකදී හෙළි වී තිබෙනවා වාහන අවභාවිත කිරීම ගැන. මේ සිදුවීමෙන් රජයට වී ඇති පාඩුව කෝටි නවයකට අධිකයි. මෙතන දේශපාලන පළිගැනීමක් නෑ.‘ යැයි ද පෙරේරා මහතා කීවේය.

මාධ්‍යවේදියෙක් - මෙම ආයතනයේ සභාපති ලෙස සිටි පුද්ගලයා අත්අඩංගුවට නොගෙන එහි නියෝජ්‍ය සාමාන්‍ය අධිකාරී සහ ඇමැති අත්අඩංගුවට ගත්තේ ඒ සභාපති අද එක්සත් ජාතික පක්ෂයේ පාර්ලිමේන්තු මන්ත්‍රීවරයෙක් නිසාද?

පිළිතුර (රාජිත සේනාරත්න මහතා) -  මේ වාහන අවභාවිත වීම් සිදුවී තිබෙන්නේ ඔහු සභාපති ධුරයෙන් ඉවත් වූ පසුවයි. ඔහු කෙටි කාලයයි සභාපති ධුරයේ සිටියේ. ඔහුට නීති විරෝධී නියෝග ලැබෙද්දි ඔහු ධුරයෙන් ඉල්ලා අස්වුණා.

ප්‍රශ්නය - විමල් වීරවංශ ඇමැතිවරයාගේ නියෝජ්‍ය ඇමැතිවරයාව සිටි පුද්ගලයා අද මේ ආණ්ඩුවෙ රාජ්‍ය ඇමැතිවරයෙක්. ඔහු අත්අඩංගුවට නොගන්නේ ඒ නිසාද?

පිළිතුර - අනිත් ඇමැතිවරුන් ගනිද්දි ඇහුවේ නැහැනේ ඇයි ඒ අමාත්‍යංශවල නියෝජ්‍ය ඇමැතිවරුන් නොගන්නේ කියා. ඔහු තමන්ගේ ඥාති හිතමිත්‍රාදීන්ට වාහන ලබා දුන් බවට අනාවරණය වෙලා නෑ.

අදහස්(12) බැලූවෝ (1357)

සමහර පරීක්ෂණ ඉබි ගමනේ බව කැබිනට් ප්‍රකාශක පිළිගනී සඳහා ලැබී ඇති ප‍්‍රතිචාර.

සෙනරත් 2017-01-11 10:46:24

මෙයාට තියෙන චෝදනා විභාග නොවන්නේ මොකද ? තවමත් අර සෞඛ්‍ය පනත ඉදිරිපත් වුණේ නැහැනේ. ජනවාරි 8 ට කලින් නම් කිවුවේ එකේ නොකෙරුනේ මහින්ද රාජපක්ෂ මහතාගේ බලපෑම නිසා කියල. දැන් අවුරුදු 2 ක් ගෙවුන කෝ පනත සම්මටහ වුනාද ? (අ)

හෆීල් 2017-01-11 10:53:07

සමහර පරීක්ෂණ ඉබි ගමනේ බව ඇමති රාජිත කියනවනං, එක කාගේ වැරැද්ද? (අ)

චින්තක 2017-01-11 11:04:40

මෙයාගේ චෝදනා කොහොමත් මේ ආණ්ඩුව තියෙනකම් විභාග කරන එකක් නැහැ. (අ)

ඇසළ 2017-01-11 11:51:30

ඉබි ගමනේ යන එක අහන්න දෙයක්ද 12 සැරයක් අල්ලස් කොමිසමට එන්න කියලත් ගිය නැති කොට නේද. (බ)

ටිකිරි බණ්ඩා-නුගේගොඩ 2017-01-11 12:11:42

රාජපක්ෂලාගේ ඩුබායිහි එක් ගිණුමක ඩොලර් මිලියන 1086 ක්ද, තවත් ගිණුමක ඩොලර් මිලියන 1800 ක් ද, තවත් ගිණුමක ඩොලර් මිලියන 500 ක් ද තිබෙන බවත් එම මුදල් දැන් උදයංග වීරතුංග හරහා යුක්රේනයට ඇද තිබෙන බවත් අරාජිත සේනාරත්න මහතා හෙළි කෙළේය. අයිටීඑන් නාලිකාවේ පැවැති දේශපාලන වැඩ සටහනකට සහභාගී වෙමින් ඇමැති වරයා මේවා හෙලි කළේ ඇසින් දුටු සාක්කිකරුවෙකු ලෙසය. (බ)

ප්‍රදීප් ලියනගේ 2017-01-11 14:37:08

ආණ්ඩුව බලේට ආවේ වංචා දුෂණ අපරාධ කරපු අය නිතිය හමුවට පමුනුවන්නලු.(හේ)

මංජුල 2017-01-11 16:13:14

කට තියෙන පළියට දොඩවන්න එපා. මේ මිනිසුන්ට ඡන්දෙ දුන් අයයි වැරදි. (නි)

අස්මිත් 2017-01-11 17:49:04

ජනතාවගේ ලොකුම බලාපොරොත්තුව පසුගිය රජයේ සිදුකළ දුෂණ, අපරාධ, අක්‍රමිකතා විමර්ශනය සිදුකර නීතිය ක්‍රියාත්මක කිරීමයි. වැරදිකරුවන්ට තරාතිරම නොබලා දඩුවම් පමුණුවා රාජ්‍ය දේපල නැවත ලබාගෙන අයථා මුදල් නැවත බාණ්ඩාගාරයට යොමුකොට ජනතාවගෙන් පියවන ණය බරට සහනයක් ලබා දෙන්න. නමුත් දෑ අවුරුදු කාලය තුළ එම බලාපොරොත්තු ඉටුකර ගන්න බැරිවුණා. (නි)

ශානක 2017-01-11 22:12:22

යහපාලනයේ මෝඩ විහිළු එළියට දාන්නේ දේශපාලකයන් හරහායි. මේ අයට පාර්ලිමේන්තු එන්න ඡන්දෙ දෙන ජනතාවකුත් ඉන්නවනේ? (නි)

ජයාත් 2017-01-12 03:11:35

මේවා දේශපාලන විහිළු කියලා තේරෙන්නේ නැද්ද? මෙතුමා පහුගිය අවරුදු 2 තුලදී කියපුවා අරගෙන බලන්න. (නි)

ලක්විදු 2017-01-12 03:49:04

මට නම් මේ අය පෙන්නන්න බැහැ (නි)

කමල් 2017-01-12 05:36:14

එෆ් සී අයි ඩී එක තවම හරියට වැඩ නැති හින්ද තමයි . (හේ)

නම :

විද්‍යුත් තැපැල් ලිපිනය :

ඔබේ ප‍්‍රතිචාර :

Logged in as Sign Out

ඔබේ ප‍්‍රතිචාර :