චීනය සහ ශ්රී ලංකාව අතර රාජ්යතාන්ත්රික සබඳතා පළමුවැනි සියවස තරම් ඈතට දිවයයි. වසර 3600ක ප්රෞඪ ලිඛිත ඉතිහාසයකට හිමිකම් කියන චීනය එකී කාල පරිච්ඡේදය තුළ විවිධ සමාජ ක්රම තුළින් පරිවර්තනය වී 1949 විප්ලවය හරහා සමාජවාදී සංවර්ධනයට පිවිසිණි. එම වෙනස නූතනයට සරිලන පරිදි නවමු වෙනසක් ඇති කළ ෂී ජින් පින්ග් වෙනුවෙන් අද දියත රාජ්ය නායක පිටුව වෙන්වේ.
ආචාර්ය සුන් යට් සෙන්ගේ නායකත්වයෙන් 1914දී පළමුවරට චීනය ජනරජයක් බවට පත් විය. එහෙත් අධිරාජ්යවාදීන්ගේ හා රදලයන්ගේ බලය මුලින් උපුටා දැමීමට අසමත් වූ බැවින්, එම ජාතික කාර්යභාරය සම්පූර්ණ කිරීමේ ඓතිහාසික වගකීම පැවරුණේ 1921 පිහිටුවනු ලැබූ චීන කොමියුනිස්ට් පක්ෂයටය.
1927 - 1949 දක්වා වූ වසර 22ක කාල පරිච්ඡේදය තුළ බාහිරව එක් පැත්තකින් බටහිර අධිරාජ්යවාදීන්ටත්, තවත් පැත්තකින් ජපන් අධිරාජ්යවාදීන්ටත්, රට අභ්යන්තරයේ කොම්ප්රදෝරු ධනපති පන්තියට හා රදල නිලධාරී පැලැන්තියටත් එරෙහිව තියුණු අරගලයක් මෙහෙයවන්නට චීන කොමියුනිස්ට් පක්ෂයට සිදුවිය. 1945 දී පැසිස්ට්වාදය පරාජය කරමින් සෝවියට් රතු හමුදාව ලද ජයග්රහණය චීන විප්ලවයේ ජයග්රහණයට වාසිදායක වූ ජාත්යන්තර සාධකයක් විය.
චීන කොමියුනිස්ට් පක්ෂයේ නායකත්වයේ දේශපාලන, උපායමාර්ගික සහ උපක්රමික දක්ෂතාවත් චීන රතු හමුදාවේ දැඩි විනයත්, පක්ෂයට තිබූ ජනතාවගේ සමීපතාව හා ඔවුන්ගෙන් ලැබුණු සහායත් චීන විප්ලවයේ අවසන් ජයග්රහණයට හේතු විය. චීන කොමියුනිස්ට් පක්ෂය මූලිකව කම්කරු පක්ෂයේ බළඇණිය වුවද, ගොවි ජනතාවගේත්, නාගරික සුළු ධනේශ්වරයේත්, ජාතික ධනේශ්වරයෙත් සහාය ලබමින්, පක්ෂයේ නායකත්වය යටතේ ඒ සියලු කොටස් එක්සත් කරමින් සමස්ත අරගලය මෙහෙයවීමට දක්ෂ විය.
චීන ජනාධිපති ෂි ජින් පින්ග්, චීනයේ හිටපු නායක මාඕ සේතුංගෙන් පසුව බිහිවූ බලගතුම රාජ්ය නායකයා බව දේශපාලන විචාරකයෝ පෙන්වා දෙති. ඊට ප්රධාන වශයෙන් හේතු වන්නේ, ෂි ජින් පින්ග් චීන කොමියුනිස්ට් පක්ෂයේ ප්රධාන ලේකම් මෙන්ම මහජන චීන සමූහාණ්ඩුවේ ජනාධිපති හා එරට ආරක්ෂක කොමිසමේ සභාපතිවරයා වීම නිසාය.
ෂි ජින් පින්ග් චීනයේ බෙයිජිං නුවර දී 1953 ජුනි මස 15 වැනි දින උපත ලැබීය. ඔහුගේ පියා වූයේ ෂි ශොන්ෂුන්ය. ෂි ශොන්ෂුන් චීන විප්ලවයේ ප්රබල නායකයකු විය. ඔහු චීන විප්ලවයෙන් පසු, මාඕ සේතුංගේ නායකත්වය යටතේ පිහිටුවනු ලැබූ චීන මහජන සමූහාණ්ඩුවේ උප අගමැතිවරයා විය.
විප්ලවයෙන් පසු චීන කොමියුනිස්ට් පක්ෂය තුළ මතු වූ න්යායික අරගලයක ප්රතිඵලයක් වශයෙන් 1962 දී ෂි ශොන්ෂුන්ව උප අගමැතිධුරයෙන් නෙරපා හරින ලදී. මේ හේතුව නිසා ෂි ශොන්ෂුන්ට හා පවුලේ සැමට හිමිව තිබූ වරප්රසාද අහිමි වී ගියේය. එපමණක් නොව, ෂි ශොන්ෂුන්ව බන්ධනාගාර ගත කරනු ලැබීය. මේ වන විට ෂි ජින් පින්ග්ගේ වයස අවුරුදු 9ක් විය. ෂි ජින් පිංග්ගේ පියා බන්ධනාගාර ගත කිරීමෙන් පසු, පවුලේ සියලු දෙනාම ෂාං ෂි නම් අති දුෂ්කර ප්රදේශයකට නෙරපා හරිනු ලැබිණි. මේ සමඟම ෂි ජින් පින්ග් ගේ අධ්යාපනය කඩාකප්පල් වී ගියේය. වයස අවුරුදු 16දී කෘෂිකාර්මික ගොවිපොළක කම්කරුවකු ලෙස සිය ජීවිකාව ගොඩනඟා ගැනීමට ෂි ජින් පින්ග් පටන් ගත්තේය.
මේ අතර කාලයේ ෂි ජින් පින්ග් චීන කොමියුනිස්ට් තරුණ සමිතියකට බැඳුණේය. ඒ 1971 වසරේ දී ය. ඉන් අනතුරුව චීන කොමියුනිස්ට් පක්ෂයේ සමාජිකත්වය ලබාගත් ඔහු 1974 දී එම පක්ෂ ශාඛාවේ ලේකම්ධුරයට පත් විය.
පක්ෂ ක්රියාකාරිකයකු ලෙස වැඩකරමින් දැනුම හා අවබෝධය ළඟා කරගත් ෂි ජින් පින්ග් 1975 වසරේ දී “චීන්හු ආ” විශ්වවිද්යාලයට ඇතුළු විය. එහිදී අධ්යාපනයට හා පක්ෂ දේශපාලනයට මුල්තැන දුන් ඔහු 1979 විශ්වවිද්යාලයෙන් පිටව ගියේ රසායන විද්යාව පිළිබඳ ඉංජිනේරු උපාධියක් ලබා ගනිමිනි.
චීන කොමියුනිස්ට් පක්ෂයේ 16 වැනි සම්මේලනයේ දී ෂි ජින් පින්ග් පක්ෂ මධ්යම කාරක සභාවට තෝරා පත්කර ගන්නා විට, පක්ෂයේ විවිධ තනතුරු රැසක් හොබවා තිබුණි. පක්ෂ විනය ආරක්ෂා කිරීම පිණිස කැපවූ ඔහු චීනය තුළ ගොඩනැඟෙමින් ආ දූෂණයට හා වංචාවට වැට බැන්ඳේය. දූෂණයට හා වංචාවට සම්බන්ධව සිටි නිලධාරීන් රැසකට එරෙහිව පියවර ගැනීමට කිසිවිටකත් ෂි ජින් පින්ග් මැළි වූයේ නැති බව චීන විද්වත්හු පෙන්වා දෙති.
2006 වසරේ පැවැති චීන කොමියුනිස්ට් පක්ෂයේ 17 වැනි සම්මේලන වාරයෙන් ෂි ජින් පින්ග් නැවතත් මධ්යම කාරක සභාවටත් ඉන් පසු දේශපාලන මණ්ඩලයටත් තේරී පත්විය. 2012 වසරේ පැවැති චීන කොමියුනිස්ට් පක්ෂයේ 18 වැනි ජාතික සම්මේලනයෙන් ප්රධාන ලේකම් ලෙස ඔහු තෝරාගනු ලැබුවේ පක්ෂ දේශපාලනය තුළ ප්රදර්ශනය කළ දක්ෂතාවන් නිසාය.
චීනයේ හිටපු ජනාධිපති හු ජින් ටාඕගේ සේවා කාලය අවසන් වීමෙන් පසු ෂි ජින් පින්ග් ජනාධිපතිධුරයට පත්විය. ඒ 2013 මාර්තු 14 වැනිදා ය. අද 66 වැනි විය සපුරන ජනාධිපති ෂි ජින් පින්ග් චීනයේ ජනාධිපතිධුරයට පත්වූ වයසින් අඩුම පුද්ගලයා වීම විශේෂත්වයක් වනවා මෙන්ම, මහජන චීනයට මහා ශක්තියක් ද වන්නේය.
ප්රාග් ධනය, වෙළෙඳපොළ, කළමනාකරණය, තාක්ෂණ, දැනුම නැති, ස්වභාවික සම්පත් හිඟ, ලොවේ විශාලතම රට, සමාජවාදය කරා ගෙනයෑම, දුෂ්කර ව්යායාමයකි. මානව සංහතිය චීනය සතු එකම සම්පතයි. නව චීනයේ නිර්මාතෘ ඩෙන් - සියාඕ - පින් මෙසේ කීවේය. “න්යාය පරීක්ෂණයට ලක් කළ හැක්කේ භාවිතය තුළින් පමණය.” ෂී ජින්ග් පින්ග් ගේ නායකත්වයෙන් චීනය අද වන විට ලබා ඇත්තේ එම ජයග්රහණයයි.
ජනාධිපති මෛත්රීපාල සිරිසේන මහතා සමග.
අග්රාමාත්ය රනිල් වික්රමසිංහ මහතා හමුවූ අවස්ථාවක්.
හිටපු ජනාධිපති මහින්ද රාජපක්ෂ මහතා හමුවූ මොහොතක්.
තිළිණි ද සිල්වා
ඡායාරූපය : අන්තර්ජාලයෙනි
මියගිය පියාගේ සිරුර අවසන් කටයුතු සඳහා මරණ සහතිකය ගැනීමට ගිය මියගිය අයගේ පුතා ගමන් ගත් යතුරුපැදිය බුලත්සිංහල පහළ නාරගලදී විදුලි කණුවක ගැටී සිදුවූ අනත
මිනිසා බැබළිය යුත්තේ තම ජීවන ඇත්දැකීම් තුළින්. ඒ දැනුම කිසිම උගත්කමට දෙවැනි වෙන්නේ නෑ. මිනිසා බුදධිමතකු හෝ දේශපාලනයකු වන්නේ ගිරවකු වගේ ජනතාව ඇමතීමෙන්
එක් යුගයකදී ලංකාවේ සියලුම කටයුතු තීරණය කෙරුණේ ප්රභාකරන් නම් වූ ත්රස්තවාදියාගේ න්යාය පත්රයට අනුවය. මහා මැතිවරණය හෝ ජනාධිපතිවරණය පැවැත්වීම හෝ එවැ
එක් යුගයකදී ලංකාවේ සියලුම කටයුතු තීරණය කෙරුණේ ප්රභාකරන් නම් වූ ත්රස්තවාදියාගේ න්යාය පත්රයට අනුවය. මහා මැතිවරණය හෝ ජනාධිපතිවරණය පැවැත්වීම හෝ එවැ
කාන්තා දින කොතරම් පසු වුවද ගැහැණු කවදත් අසරණ යැයි නැගෙනා අඳෝනාවල නම් අඩුවක් නොමැත. එහෙත් තම දෛවයට අභියෝග කළ, ඉරණම උරුම කර නොගත් ගැහැණු ද නැත්තේම නොවේ. රට
රාජ්ය පාලනය, අධිකරණය, ආර්ථික සංවර්ධනය හා මහජන සුබසාධනය සම්බන්ධයෙන් කතිකාවක යෙදෙන විට අප සිහියට නැගෙන පරමාදර්ශී නායකයෝ ගණනාවක් සිටිති. මේ අතින් අපට ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
චීනය ගොඩ නැගූ යෝධයා ෂී ජින්ග් පින්ග්
bandara Thursday, 07 March 2019 04:46 PM
මේක මේ මනුස්සයාගේ කෙටි ඉතිහාසයක්නේ.. එහෙම නෙවෙයි, ඔහුගේ නායකත්වයෙන් අද වන විට චීනය ලබා ඇති ජයග්රහණ හා දියුණුව පැහැදිලි කෙරීමක් බලාපොරොත්තු වුනේ.