ප්රින්ස් රත්නායක
බොහෝ දෙනා තම විනෝදාස්වාදය පිණිස විවිධාකර අත්දැකීම් සිය ජීවිතයට එකතුකර ගනිති. ඇතැමෙක් තරු හෝටල්හි සුව පහසුව සොයා යද්දී ඇතැමෙක් ඈත පිටිසර ගමක හුදෙකලාව ගත කිරීමට රුචි වෙති. තවත් සමහරෙක් කඳුශිඛර තරණය කරන්නටත් දිය ඇලි සපිරි තැන්හි ගත කරන්නටත් රුචියක් දක්වති.
ලංකාවේ රමණීය පෙදෙසක් ලෙස ප්රකට මෙන්ම සංචාරක පුරවරයක් ලෙස පරසිදු සබරගමුව පළාතේ බෙලිහුල්ඔය කී සැනින් බොහෝ දෙනා එහි සුන්දරත්වය ගැන කියන්නේ සහ අත්විඳගන්නේ මිහිරි මතකයන් සමගිනි.
පරිසරයේ සිසිල් සුව පහස විඳිමින් බෙලිහුල්ඔයේ දිය සිසලස විඳ ගනිමින් මෙකී සිරි විඳගන්නට බොහෝ දෙනා ඇදී එන්නේ ලෝකාන්තයේ පහළ කොටස පිහිටා ඇති කඳුවළල්ලෙන් වටවුණ සුන්දර පරිසරයේ නැවුම් අත්දැකීම් විඳගන්නටය. පහන්තුඩාව ඇල්ල, සුරතලී ඇල්ල, බඹරකන්ද ඇල්ල, ලිප්ටන්සීට්, දූවිලි ඇල්ල, දියවිනි ඇල්ල, දියලුම ඇල්ල , එඩිෂම් බංගලාව, සමනල වැව,සමනල වේල්ල, දෙමළි ඇල්ල, හිරිකටුඔය පාරිසරික නවාතැන වැනි සුන්දර තැන් රැසක් මැදිකර පිහිටි සංචාරක නවාතැන්පොළක් පිළිබඳව හෙළිදරව් කිරීම කාලෝචිත බව හැඟුණි.
සබරගමු පළාත් සභාව යටතේ හා ශ්රී ලංකා සබරගමුව විශ්වවිද්යාලයේ සංචාරක කළමනාකරණ අධ්යානාංශයේ උපදේශකත්වය මත ඇතිකර ඇති බෙලිහුල්ඔය සීලගම සංචාරක ආදර්ශ ගම්මානයට දේශීය මෙන්ම විදේශීය සංචාරකයින්ගේ ආකර්ෂණය බෙහෙවින් සිදුවන බව පෙනීයයි. හොම් ස්ටේ සංකල්පය මත මෙම ගම්මානයේ නිවාස 25 ක් පමණ වැසියෝ මෙම සංචාරකයින්ට ආගන්තුක සේවාවන් සැපයිමට සැදී පැහැදී සිටිති.
තම නිවසේම ඉදිරිපස කාමරයක් හෝ කුඩා ආලින්දයක්, නිදන කාමරයක් හා නානකාමරයක් සහිත වෙනම ඉදි වුණ කුඩා වාසස්ථානයක් මේ සඳහා වෙන්ව ඇත. දේශීය මෙන්ම විදේශීය සංචාරකයන් මෙහි පැමිණ හුදෙකලාව ගතකරන අතර තම අධ්යයනය කටයුතු හෝ විනෝදාස්වාදය උදෙසා පැමිණ මෙම සංචාරක ගම්මානයෙහි ගතකර සිය අභිලාෂයන් ඉටුකර ගනිති.
මෙහි පැමිණෙන්නන්ට ඉතා සාධාරණ මුදලක් අයකරනු ලබන අතර ගමේ කෑම වේලක රස බැලීමට අවස්ථාව උදාවෙයි. වැව් මාළු හෝ වෙල් මාළු, සමඟ පලාවක් ගමේ වැවෙන එළවලු සමඟ බත් පතක රස බැලීම රිසි වන අතර ගමේ පලතුරක රස බලන්නට ද හැකිවේ.
ආදර්ශ සංචාරක ගමේ වැසියන්ගේ සත්කාරය එතෙකින් නිමාවට පත් නොවන අතර ඔවුන්ගේ විනෝදාස්වාදය පිණිස ගමේ දක්ෂයින්ගේ නැටුම් ගැයුම් වැයුම් මෙන්ම විදෙස් සංචාරකයන් නම් දේශීය අනන්යතාවය පිළිබිඹු වන අයුරින් දේශීය නර්තන, වාදන, බලිතොවිල් ආදිය ද ඉදිරිපත් කරමින් ඔවුන්ගේ රසවින්දනයට අඩුවක් නොකර හිතපුරා විඳින්නට අවස්ථාව සලසති.
පසුගියදා සබරගමුව විශ්ව විද්යාලයේ පැවති අන්තර් ජාතික විද්වත් සමුළුවට සහභාගී වූ දෙස් විදෙස් ඇත්තන්ට මේ ගමෙහි වූ අපූරු සුන්දරත්වය විඳගන්නට අවස්ථාව උදාකර දෙන්නට විශ්ව විද්යල සංචාරක කළමනාකරණ අධ්යානාංශය කටයුතු යොදා තිබිණි. මේ සඳහා යොදා ගත් වේදිකාව වූයේ වෙල්යායෙහි වූ කුඩා කමතක්ය. ගමේ කුඩා පෙළ ඔවුන්ගේ නර්තන දස්කම් දක්වන්නට වූහ.
වැඩිහිටියෝ මී ගව බානකින් කමතේ බැත පාගන අවස්ථාව එම පිරිසට දැකගන්න උදාකර දුන් අතර දේව කන්නලව්වක් හා සම්ප්රදායික නර්තනයන් ගෙන් එම පිරිස පිනවීමට කටයුතු කළහ. පන්කොළයෙන් තැනුණ ඇතුල්පතට හැට්ටයෙන් රෙද්දෙන් සැරසුණූ ලියන් බත්පත බෙදා දුන් අතර ගමේ රසට තැනුණ වෑංජන හා වෙල්මාළු රස විඳගත්තේ ද සැරබාල කර ඔවුනට රිසි සේ සකසා තිබුණු හෙයින් මෙන්ම ගැමිලියන්ගේ අත් ගුණය නිසා ද වන්නට ඇත. කුඩා දරුවන්ගේ නර්තනය හා එක්ව විදේශ තරුණ විශ්ව විද්යාල පිරිස ද හරි හරියට නටන්නට වූයේ අඳුරෙහි වූ සිතල හා වැස්ස ද නොතකමිනි.
අතේ මුදලට සරිලන මෙන්ම නැතත් තරු සපිරි අවන්හල් ගමේ සත්කාරය විඳිමින් අපූරු වූ අත්දැකීම් ගොන්නක් සමඟ සීතල බෙලිහුල්ඔයේ පහස විඳගන්නට බෙලිහුල්ඔය සීලගම ආදර්ශ සංචාරක ගම්මානය ඔබට මං පෙන්වනු ඇත.
සිංහල හින්දු අලුත් අවුරුදු උත්සව හේතුවෙන් රටේ දේශපාලන ක්ෂේත්රයේ යම් ආකාරයක නිශ්ශබ්දතාවක් තිබෙන බව පැහැදිලිය. එහෙත් මැයි 01 වෙනිදාට පැවැත්වෙන දේශපාල
ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො
රටේ පවත්නා ආර්ථික අර්බුදය මෙරට අධ්යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක
අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම
ජාතියේ මහා සංස්කෘතික මංගල්යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්රිය
දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බෙලිහුල්ඔයේ සිසිල දැනෙන සීලගම ආදර්ශ ගම්මානය
Nirash Ruwanka Jayatillake Sunday, 01 April 2018 02:26 PM
ඉතා කදිම නිර්මාණශීලි අදහසක්. සංචාරකයින්ට ශ්රී ලංකික සංස්කෘතිය පිළිබඳව ඍජුවම දැනගැනීමට අධ්යනය කිරීමට පුළුවන්. අහිංසක ජනතාවගේත් අතමිට සරුවෙයි. බොහෝ තරු සහිත හෝටල් සහ බොහෝ සංචාරක මග පෙන්වන්නන් ශ්රී ලාංකීය සංස්කෘතිය කියා බොරුව තමයි පෙන්වන්නේ. සුභ පතමි.
Vidya Sunday, 01 April 2018 03:47 PM
අනේ මෙතනට මත්වතුර ගෙනවිත් කාටවත් විනාශ කරන්න දෙන්න එපා. සංචාරකයෝ ලංකාවට එන්නේ ස්වභාව ධර්මයේ රසවිඳින්න.
Giripura Sunday, 01 April 2018 04:21 PM
බෙලිහුල්ඔය, සීලගම, පඹහින්න , කින්චිගුනේ, සමනලවැව එදත් අදත් ඇති සුන්දර ලාංකික ගැමි නමුත් අභිමානයේ ප්රතිමූර්තීන්. මේ කාර්ය විශිෂ්ටයි ....
udaya Monday, 02 April 2018 06:16 AM
මේක නම් නියම වැඩක්. විනාශ වෙන්න නොදී ආරක්ෂා කරන එක රජයේත් යුතුකමක්...
saman Tuesday, 03 April 2018 02:24 AM
ගමේ සුන්දරත්වය ආරක්ෂා කරන්න.
හිරාන් Tuesday, 03 April 2018 09:18 PM
මේක නිකන් සත්තු වත්තට ගිහිල්ල සත්තු බලල එනවා වගේ වැඩක්. විශේෂයෙන් මේ පොඩි ළමයි යොදාගෙන කරන විකාර නවත්වන්න ඕනේ. අපේ අය සුද්දෙක් එනවනම් ඕන දෙයක් කරයි.
Vidya Wednesday, 04 April 2018 04:55 AM
අනේ මේ පොඩි දරුවන්ට එහෙම කියන්න එපා බලන්න කිසිම කෙනෙකුට අතපාන්නේ නැතුව පාරවල් වහගෙන උද්ගෝෂණ කරන්නේ නැතිව තමන්ගේ හැකියාවන් පෙන්නලා ජීවිකාව ගෙන යනවා. මෙය සත්තු වත්තක් නෙමේ අහිංසක මිනිසුන් ජීවත්වන ලංකාවේ ගමක්.
හිරාන් Wednesday, 04 April 2018 07:39 AM
මම හිතන්නේ ඔබ තුමියට මම කියන එක තේරුනේ නැහැ......මේ ළමයි අහිංසක බව සත්යයක්, ඒ අහිංසක කම තියෙන්නේ එක එකාට අාතල් ගන්න නෙවෙයි කියන එකයි මම කිව්වෙ..... මේ අහිංසක ළමයි කාගෙවත් ප්රදර්ශනය භාණ්ඩයක් වෙන්නෙ මොකටද?
Sunil SilvaThursday, 05 April 2018 05:38 AM
එතකොට පොඩි අයගේ නැටුම් පෙන්වන්නේ ආච්චිලා සීයලද