(චමිල් රුපසිංහ) 



මහනුවර ඓතිහාසික ඇසළ පෙරහරට මෙවර වයස අවුරුදු 10ක දරුවෙක් නර්ථනයෙන් එක්ව සිටියි. ඔහු රබ්බේගමුව හන්දෙස්සේ පදිංචි ඉසුරු උමයංගන මාරසිංහ වේ.

ඔහුගේ පියා රුවන් මාරසිංහ හා ඔහුගේ වැඩිමහල් දරුවා වන කසුන් මලින්ත මාරසිංහ යන අයද මෙවර දළදා පෙරහරේ පන්තේරු නර්ථනයට එක්ව සිටිති.

වසර 29 ක් පමණ දළදා පෙරහරට සහභාගී වන ඔහුගේ පියා වසර 16 ක් ජනාධිපති සම්මාන ලබාගෙන තිබේ.

ඔහුගේ පුතු වන කසුන් මලින්ත වසර 6 ක් දළදා පෙරහරට නර්ථනයෙන් සහභාගී වී වසර 2 ක් ජනාධීපති සම්මාන ලබාගෙන ඇත.


5 වැනි ශ්‍රේණියේ අධ්‍යාපනය ලබන ඉසුරු පවසන්නේ මෙතරම් වයසින් අඩු කාලයකදී දළදා පෙරහරට නර්ථනයෙන් සහභාගී වීමට ලැබීම තමාගේ භාග්‍යක් බවයි. 


තම පියා හා සහෝදරයා දළදා පෙරහරේ නර්ථනයයෙන් දායක වන අයුරු දැකීමෙන් තමාට ද  නර්ථන ශිල්පය හදාරා පෙරහරට සහභාගී වීමට ආසාවක් ඇතිවු බවයි.


පෙරහර සඳහා නර්ථන ශිල්පින් තෝරාගැනීම සිදුකළ අවස්ථාවේදී තමාට අවස්ථාවක් ලැබුණු බවත් ඒ සම්බන්ධව ඓතිහාසික ශ්‍රී දළදා මාළිගාවේ දියවඩන නිළමේ ප්‍රදීප් නිලංග දෑල මහතාට ස්තූතිවන්ත වන බවද ඔහු පැවසීය.


ඉදිරියේදී තම අධ්‍යාපන කටයුතු ද සාර්ථකව කරමින් දිගින් දිගටම දළදා පෙරහරේ නර්ථන ශිල්පියකු ලෙස සහභාගී වෙමින් උඩරට නර්ථන ශිල්පය ආරක්ෂා කර ගැනීමට දායකත්වය ලබාදීම එකම අරමුණ  බව ඔහු පැවසීය.